ខេត្តព្រះវិហារបុរសចំណាស់ម្នាក់ត្រូវសមត្ថកិច្ចនគរបាលខេត្តឃាត់ខ្លួនករណីលួចក្របីប្រជាកសិករតាមពាក្យបណ្ដឹងជនរងគ្រោះកាលពីថ្ងៃទី០៣មិនា២០១៥ដែលទីតាំងបាត់ក្របីស្ថិតនៅចំណុចត្រពាំងក្រមីភូមិអន្ទិលឃុំយាងស្រុកជាំក្សាន្ដខេត្តព្រះវិហារ។
លោកខាត់ហ៊ុនប្រធានការិយាល័យនគរបាលព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តព្រះវិហារបានអោយដឹងថាម្ចាស់ក្របីឈ្មោះសាត់ខឿតភេទប្រុសអាយុ៤២ឆ្នាំរស់នៅភូមិអន្ទិលឃុំយាងស្រុកជាំក្សាន្តបានដាក់ពាក្យបណ្ដឹងមកសមត្ថកិច្ចនគរបាលករណីជនសង្ស័យឈ្មោះម៉ាត់វុនបានលួចក្របីរបស់ខ្លួន១ក្បាលកាលពីព្រឹកថ្ងៃទី០៣មិនា២០១៥ដើម្បីកាប់សាច់លក់។
លោកខាត់ហ៊ុនបាននិយាយថាជនសង្ស័យត្រូវបានចាប់ឃាត់ខ្លួនភ្លាមៗនៅនឹងកន្លែងកើតហេតុរួចនាំខ្លួននមកកាន់ស្នងការដ្ឋាននគរបាលខេត្តដើម្បីកសាងសំណុំរឿងបញ្ជូនទៅកាន់តុលាការខេត្តផ្តន្ទាទោសទៅតាមផ្លូវច្បាប់។ជនសង្ស័យជាមុខសញ្ញាចាស់ធ្លាប់លួចគោក្របីប្រជាកសិកជាញឹកញាប់ប៉ុន្តែគ្មានភស្តុតាងដាក់បន្ទុក។ជនសង្ស័យឈ្មោះម៉ាត់វុនមានកូន៥នាក់រស់នៅភូមិអន្ទិលឃុំយាងស្រុកជាំក្សាន្តខេត្តព្រះវិហារ។
លោកខាត់ហ៊ុនបានអោយដឹងទៀតថាជនសង្ស័យបាននិយាយសារភាពពិតជាបានលួចក្របី១ក្បាលប្រាកដមែនបំរុងកាប់ព្រលះសាច់យកទៅលក់នៅទីផ្សារឃុំទំនប់ដាច់ក្នុងស្រុកត្រពាំងប្រាសាទខេត្តឧត្តរមានជ័យ៕