ឧត្តរមានជ័យ៖តាំងពីដើមមកប្រជាកសិករខេត្តឧត្តរមានជ័យភាគច្រើនប្រករបដំណាំចិញ្ចឹមជីវិតដោយសារពឹងផ្អែកទៅលើមុខរបកសិកម្ម គឺដាំពោតក្រហម។ប៉ុន្តែប៉ុន្មានឆ្នាំចុងក្រោយនេះពោតក្រហមបានធ្លាក់ចុះយ៉ាងគំហុកធ្វើឲ្យពួកគាត់ម្នាក់ៗខាតបង់ស្ទើរតែអស់ដីចម្ការហើយក៏បានបោះបង់ចោលដំណាំនេះស្ទើរតែ១០០ភ
ពលរដ្ឋព្រួយបារម្ភខ្លាំងខលះដំឡូងមីនៅស្តង់ធ្លាក់ថ្លៃហើយជញ្ជីងមិនគ្រប់(ឧត្តរមានជ័យ)តាំងពីដើមមកប្រជាកសិករខេត្តឧត្តរមានជ័យភាគច្រើនប្រករបដំណាំចិញ្ចឹមជីវិតដោយសារពឹងផ្អែកទៅលើមុខរបកសិកម្ម គឺដាំពោតក្រហម។ប៉ុន្តែប៉ុន្មានឆ្នាំចុងក្រោយនេះពោតក្រហមបានធ្លាក់ចុះយ៉ាងគំហុកធ្វើឲ្យពួកគាត់ម្នាក់ៗខាតបង់ស្ទើរតែអស់ដីចម្ការហើយក៏បានបោះបង់ចោលដំណាំនេះស្ទើរតែ១០០ភាគរយទៅហើយ។ប៉ន្តែពីរបីឆ្នាំក្រោយនេះពួកគាត់នាំគ្នាប្រកបរបដាំដំឡូងមីវិញម្តង។ប៉ុន្តែទីផ្សារដំឡូងមីនេះក៏មិននៅថិតថេរប៉ុន្មានដែលជួនកាលខាងប្រទេសថៃដែលជាអ្នកទិញបញ្ចុះតម្លៃជួនកាលឈ្មួញកណ្តាលខ្មែរធ្វើឲ្យពួកគាត់ឈឺក្បាលវិលមុខនិងព្រួយបារម្ភខាតយ៉ាងខ្លាំងចំពោះភោគផលធ្លាក់ចុះថ្លៃបានត្រឹមតែហត់និងចំណាយកម្លាំងឥតប្រយោជន៍។តាមការរៀបរាប់ពីកសិករពីរនាក់ឈ្មោះនឿនភេទប្រុសអាយុ៤៣ឆ្នាំនិងម្នាក់ទៀតឈ្មោះឡេងភេទប្រុសអាយុ៤៥ឆ្នាំរស់នៅស្រុកត្រពាំងប្រាសាទ ខេត្តឧត្តរមានជ័យ ដែលដឹកកសិផលដំឡូងមីស្ងួតពី ខេត្តឧត្តរមានជ័យចូលទៅលក់ឲ្យថៃនិងឲ្យស្តង់មួយកន្លែងស្ថិតនៅភូមិទួលត្បែង ឃុំត្រពាំងប្រយ៍ ស្រុកអន្លង់វែង ខេត្តឧត្តរមានជ័យ បានឲ្យដឹងថា រយះពេលប៉ុន្មានថ្ងៃកន្លងមកនេះតម្លៃដំឡូងមីមានការធ្លាក់ចុះដោយដំឡូងស្រស់ក្នុង១គីឡូក្រាមលក់តម្លៃ១.៧ទៅ១.៨បាតប្រាក់ថៃ រីឯដំឡូងមីស្ងួតក្នុង១គីឡូក្រាមលក់បានពី៤ទៅ៥បាតប្រាក់ថៃ។ហើយពួកគាត់បន្តថា ពីមុនដំឡូងមីស្រស់១គីឡូក្រាមលក់ថ្លៃ២.១ទៅ២.៣បាតហើយដំឡូងមីស្ងួតលក់ថ្លៃ៥-៧ទៅ៥-៨បាត។ប៉ុន្តែមិនដឹងជាមូលហេតុអ្វីបានជា
ក្រោយមកតម្លៃដំឡូងមីមានការធ្លាក់ចុះបែបនេះ បើទូទាត់ទៅនិងការចំណាយដើមទន់ដាំដំឡូងមីនេះមិនចំណេញប៉ុន្មាននោះទេ ដោយការជួលកម្មករដកដំឡូង ជួលលើកដាក់លើរថយន្ត ជួលរថយន្តដឹកមកដាក់នៅផ្ទះរួច ជួលកម្មករចិញ្ច្រាំហាល លុះពេលស្ងួតយកមកលក់មានជញ្ជីងមួយចំនួនអត់គ្រប់គីឡូទៀតបាត់ភ្នែកជញ្ជីងរហូតដល់៧០ទៅ៨០គីឡូក្រាមឯណោះ។ពួកគាត់ក៏សំណូមពរដល់មន្ទីរពាក់ព័ន្ធមេតាចុះមកត្រួតពិនិត្យជញ្ជីងនៅតាមស្តង់ដំឡូងមីព្រោះពួកគាត់ធ្លាប់សាកល្បងនៅជញ្ជីងផ្សេងៗគ្នាហើយទម្ងន់ខុសគ្នាពី៥០ទៅ៨០គីឡូក្រាមឯណោះ។ម្ចាស់ស្តង់ដំឡូងមី ក្រុមហ៊ុន លឹម ហេងគ្រូប ស្ថិតនៅភូមិ ឃុំ ខាងលើ បានឲ្យដឹងថា មូលហេតុដែលដំឡូងមីធ្លាក់ថ្លៃដោយសារភាគីថៃប្រាប់ថា.ស្តង់របស់គេពេញអស់ហើយលក់ចេញទៅប្រទេសក្រៅមិនទាន់ដូច្នេះពេលដឹកចូលពីកម្ពុជាអត់មានកន្លែងដាក់ ទើបគេផ្អាកទិញឬក៏ទិញក្នុងតម្លៃថោក។ប្រភពបន្តទៀតថា ពាក់ព័ន្ធនិងបញ្ហាជញ្ជីងនៅក្នុងស្តង់របស់គាត់អត់មានបំបាត់បន្លំកសិករណាម្នាក់សូម្បីតែ១គីឡូក្រាមនោះឡើយគឺថ្លឹងឲ្យត្រឹមត្រូវ ព្រោះការបំបាត់ភ្នែកជញ្ជីងពិតជាអាក្រក់ខ្លាំងណាស់ បើសិនជាលោកធ្វើបែបនេះ នៅពេលកសិករដឹងគេនិងឈប់ដឹកយកទៅលក់ឲ្យស្តង់របស់ខ្លួនទៀតហើយគឺគាត់ធ្វើទៅតាមច្បាប់ ព្រោះស្ទើរតែរៀងរាល់ថ្ងៃខាងមន្ទីរពាក់ព័ន្ធតែងតែចុះទៅត្រួតពិនិត្យជញ្ជីងជាញឹកញាប់។ចំពោះដំឡូងមីចុះថ្លៃខាងគាត់មិនមែនជាអ្នកកំណត់នោះទេ គឺដោយសារភាគីថៃទិញថោក.ខាងគាត់ក៏ទិញថោកដែល ហើយបើគេបន្តទិញថ្លៃឡើងវិញខាងគាត់ក៏ធ្វើទៅតាមគេដូចគ្នាដែរ៕(ដោយចាន់ ធី)
