កំពង់ឆ្នាំង៖មនុស្សប្រុសស្រីប្រមាណជាង១០នាក់បានរងរបួសធ្ងន់និងស្រាលក្នុងហេតុការគ្រោះថ្នាក់ចរាចណ៍មួយដោយរថយន្តឡង់គ្រីស័របុកគ្នាជាមួយរថយន្តទូរីសដឹកអ្នកដំណើរ។ ហេតុការណ៍នេះបានកើតឡើងនៅវេលាម៉ោង៣និង១០នាទីល្ងាច ថ្ងៃទី០៥ ខែមិនា ឆ្នាំ២០១៥ នៅលើផ្លូវជាតិលេខ៥ ចន្លោះបង្គោលគីឡូម៉ែត្រលេខ១០៣និងលេខ១០៤ នៅចំណុចផ្សារឈើនាគស្ថិតក្នុងភូមិថ្មកែវ ឃុំស្វាយជ្រុំ ស្រុករលាប្អៀរ ។សមត្ថកិច្ចនគរបាលចរាចរណ៍ខេត្តបាននិយាយអោយដឹងថា៖រថយន្តបង្កម៉ាកឡង់គ្រីស័រ ពណ៌សំបកឪឡឹកពាក់ស្លាកលេខ កំពង់ចាម 2A.2152 បើកបរពីជើងមកត្បូង អ្នកបើកបរឈ្មោះ ប៉ូ ចំរើន អាយុ៣១ឆ្នាំ មានទីលំនៅក្នុងក្រុងភ្នំពេញមុខរបមន្ត្រីយោធា។ ចំណែករថយន្តរងគ្រោះម៉ាកសាំយ៉ុងពណ៌សពាក់ស្លាកលេខ ភ្នំពេញ2Y.9512 ដឹកអ្នកដំ ណើរពេញមកពីធ្វើបុណ្យនៅភ្នំតាម៉ៅខេត្តតាកែវ ធ្វើដំណើរទៅលំនៅដ្ឋានក្នុងខេត្តបន្ទាយមានជ័យវិញ ដោយបើកបរពីត្បូងទៅជើង អ្នកបើកបរឈ្មោះ សុខ ចាន់ថែ អាយុ៤១ឆ្នាំ រស់នៅក្នុងភូមិនិមិត្ត សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។
ប្រជាពលរដ្ឋដែលបានឃើញហេតុការណ៍នេះបានអោយដឹងថា៖ក្នុងេពេលកើតហេតុ រថយន្តឡង់គ្រីស័របានបើកបរក្នុងល្បឿនលឿនពីត្បូងទៅជើង ពេលមកដល់ណុចកើតហេតុបានវ៉ាក់និងរថយន្តវីហ្គោមួយគ្រឿងបើកឆ្លងផ្លូវពីលិចមកកើត ដោយស្ថានភាពកៀកនិងស្លន់ស្លោរផងនោះជាន់ហ្វ្រាំងមិនជាប់ ក៏បានរេចង្កូតមកខាងឆ្វេងដៃបុកជាមួយរថយន្តសាំយ៉ុងពេញទំហឹងដែលបើកបរក្នុងទិសច្រាស់គ្នា បណ្តាលអោយអ្នកជិះក្នុងរថយន្តសាំយ៉ុងរងរបួសធ្ងន់និងស្រាលជាង១០នាក់។
ក្រោយពេលកើតហេតុជនរងគ្រោះត្រូវបានប្រជាពលរដ្ឋផ្សារឈើនាគ ជូយហៅរថយន្តសង្គ្រោះរបស់មន្ទីពេទ្យខេត្ត ដឹកយកមកធ្វើការសង្គ្រោះព្យាបាលនៅមន្ទីពេទ្យខេត្ត ចំនួន៩នាក់របួសធ្ងន់៤នាក់( ស្រី៣នាក់ )និងរបួសស្រាល៥នាក់ ដោយអ្នករបួសស្រាលមួយចំនួនមិនបានមកមន្ទីរពេទ្យខេត្តកំពង់ឆ្នាំងនោះទេ។ចំ ណែក អ្នកបើកបរថយន្តឡង់គ្រីស័រមិនបានរត់គេចខ្លួនទៅណានោះឡើយ។រថយន្តទាំង២គ្រឿងរងការខូចខាតផ្នែកខាងមុខទាំងស្រុង ដោយត្រូវបានសមត្ថកិច្ចស្ទូចយកមករក្សាទុកនៅការិយាល័យចរាចណ៍ផ្លូវគោកក្នុងស្នងការដ្ឋាននគរបាលខេត្តកំពងឆ្នាំង និងបានកសាងសំណុំរឿងតាមនិតិវិធីច្បាប់៕
