ព្រះសីហនុ ថ្ងៃទី០៥ ខែមិនា ឆ្នាម២០១៥ អាជ្ញាធរខេត្តព្រះសីហនុប្រារព្ធមិទិ្ទញអបអរសាទទិវានារីអន្តរជាតិ ០៨មិនា ២០១៥ ខួបលើកទី១០៤ ក្រោមប្រធានបទ ដំណើរឆ្ពោះទៅមុខស្ត្រីកម្ពុជាក្រោយសន្និសិទ ស្ត្រីពិភពលោកឆ្នាំ១៩៩៥ ដោយមានការចូលរួមពីមន្ត្រីរាជការ មន្ទីរ អង្គភាព លោកគ្រួ អ្នកគ្រូ និស្សិត ប្រជាពលរដ្ឋ ប្រមាណ ៤០០នាក់ នៅបរិវេណវេទិការបុណ្យជាតិ ៧មករា ស្ថិតក្នុងសង្កាត់លេខ៣ ក្រុងព្រះសីហនុ ។ ក្រោមអធិបតីភាពឯកឧត្តម ឈិត សុខុន អភិបាលនៃគណះអភិបាលខេត្តព្រះសីហនុ ។
ឯកឧត្តម ឈិត សុខុន បានមានប្រសាសន៌ថា ឆ្នាំ២០១៥ រាជរដ្ឋាភិបាលបានកំណត់ក្នុងយុទ្ធសាស្ត្រចតុកោណតំណាក់កាលទី១ ទី២ និងទី៣ អនុវត្តនូវគោលនយោបាយសមភាពយេនឌរ័ ដើម្បីកំណើនការងារសមធម៌ និងប្រសិទ្ធិភាពស្ត្រី ជាសមាជិកសង្គម ដែលមិនអាចខ្វះបានសំរាប់សង្គម បច្ចុប្បន្នស្ត្រីបានទទួលសិទ្ធិរបស់ខ្លួនស្មើនឹងបុរស ក្នុងការចូលរួមចំណែកជីវភាពនយោបាយ សេវាអប់រំ សេវាសង្គម សេវាកិច្ចការការពារផ្លូវច្បាប់ប្រកបដោយសមភាព សមធម៌ និងយុវត្តិធម៌ ដើម្បីផលប្រយោជនសង្គម និងសង្គមគ្រួសារ ។ ស្រី្តកម្ពុជាជាង ៥០%បានកាត់បន្ថយ និងទប់ស្កាត់នូវបញ្ហាប្រឈមការរើសអើង ការរំលោភបំពានផ្សេងៗទៀត ។
ឯកឧត្តមបានបន្តថា រាជរដ្ឋាភិបាលទទួលស្គាល់ស្មារដៃស្ត្រីខ្មែរ ស្ថានភាពស្ត្រីអាចប្រ សើរដោយផ្អែកលើការគាំទ្រទទួលស្គាល់ពីគ្រួសារ និងសង្គមជាតិ ពិសេសគឺភាពរឹងមាំ ក្លាហានរបស់ស្ត្រី ដែលកន្លងមកស្ថានភាពសុខភាព សេដ្ឋកិច្ច វប្បធម៌ ចំណេះដឹង ឋានះ តួនាទីក្នុងសង្គមមានភាពកក់ក្តៅ ការការពារសុវត្ថិភាពប្រកបដោយសុខក្សេមក្សាន្ត និងគ្នានហឹង្សា និងមានកត្តាជាច្រើនទៀតបានផ្តល់ឪកាសឪ្យស្ត្រីបានចូលរួមក្នុងនយោបាយ នៅថ្នាក់ជាតិ និងថ្នាក់ក្រោមជាតិ ។
ឯកឧត្តម ឈិត សុខុន បានអំពាវនាវបងប្អូនប្រជាពលរដ្ឋក្នុងខេត្តព្រះសីហនុរួមគ្នាលើកស្ទួយតម្លៃវប្បធម៌ជាតិ រក្សាកិត្តិយស និងសិទ្ធិស្ត្រី ដែលជាភរិយា ជាម្តាយ ជាកូនស្ត្រីដ៌ល្អក្នុងគោលនយោបាយភូមិ ឃុំមានសុវត្ថិភាព គោរពច្បាប់ចរាចរ បំបាត់អំពើហឹង្សា គ្នានគ្រឿងញៀន និងឈានទៅរកការលុបបំបាត់អំពើពាលាអាវ៉ាសែ ការជួញដូរមនុស្ស ពិសេសស្ត្រី និងកុមារ ដែលធ្វើឪ្យអន្តរាយ និងបាត់បង់សុវត្ថិភាព សណ្តាប់ធ្នាប់សង្គមទាំងមូល ដូច្នេះក្នុងនាមអាជ្ញាធរខេត្ត សូមប្រជាពលរដ្ឋខិតខំរក្សា និងគោរពយ៉ាងខ្ជាប់ខ្ជួននូវគោលការប្រជាធិបតេយ្យ ព្រមទាំងសិទ្ធិ និងសេចក្តីថ្លៃថ្នូរស្មើភាពគ្នាក្នុងការចូលរួមផ្លាស់ប្តូរស្ថានភាពបន្ថែមទៀត នៅតាមមន្ទីរ អង្គភាព សហគមន៌ និងសង្គមគ្រួសារខ្មែរ ដើម្បីទិសដៅតែមួយ គឺការកសាងនិងអភិវឌ្ឍន៌សង្គម លុបបំបាត់រាល់ទំរង់នៃការរើសអើងលើស្ត្រី បំបាត់អំពើលុករលួយនៅគ្រប់លំដាប់ថ្នាក់ដើម្បីសង្គមមានស្ថេរភាពរុងរឿង ៕
