ឧត្តរមានជ័យ ៖នៅក្នុងស្រុកត្រពាំងប្រាសាទត្រូវបានអាជ្ញាធរស្រុកផ្ដល់សិទ្ធអោយមានការជួញដូរធ្វើអាជីវកម្មផ្ទះចាស់យ៉ាងអណាធិបតេយ្យដឹកជញ្ជូនដោយមានបង្កប់ឈើអារថ្មីៗពីខាងក្រោមបន្លំភ្នែកសមត្ថកិច្ចជាច្រើនឆ្នាំមកហើយយកទៅលក់នៅឯខេត្តតាកែវ។ម្ចាស់អាជីវកម្មប្រមូលទិញនិងដឹកជញ្ជូនឈើផ្ទះចាស់ត្រូវបានសមត្ថកិច្ចស្គាល់ឈ្មោះ ហេង ជឹម ភេទប្រុស អាយុជាង៤០ឆ្នាំ រស់នៅក្នុងភូមិ ឃុំ ស្រុកត្រពាំងប្រាសាទ ខេត្តឧត្តរមានជ័យ ដែលត្រូវបានសមត្ថកិច្ចស្គាល់ថា ឈ្មោះខាងលើបានធ្វើអាជីវកម្មដឹកជញ្ជូនឈើផ្ទះចាស់និងបង្កប់ឈើថ្មីខាងក្រោមបន្លំភ្នែកសមត្ថកិច្ចជាច្រើនឆ្នាំមកហើយ។ ដែលមានលិខិតអនុញ្ញាត្តចេញពីអាជ្ញាធរភូមិ ឃុំ ស្រុកត្រពាំងប្រាសាទ។
ជាក់ស្ដែងនៅថ្ងៃទី៥ ខែមីនា ឆ្នាំ២០១៥ គេឃើញឈ្មួញខាងលើបានយករថយន្តម៉ាក ហ៊ីយិនដាយ ពណ៌ សរ អត់ស្លាកលេខ កំពុងតែលើកឈើជ្រៀកអារថ្មីៗមានតាសរនិងគ្រឿងផ្ទះដាក់លើរថយន្តនៅចំនុចរ៉ៃចាស់របស់ក្រុមហ៊ុនណែធឆ័រ ស្ថិតនៅក្នុងភូមិអូរសោម ឃុំ ស្រុកត្រពាំងប្រាសាទ ខេត្តឧត្តរមានជ័យបើតាមការណ៍អោយដឹងពីសមត្ថកិច្ចស្រុកត្រពាំងប្រាសាទថា អ្នកដែលប្រកបអាជីវកម្មដឹកជញ្ជូនឈើផ្ទះចាស់ជាអាជីពទៅយ៉ាងរលូនជាច្រើនឆ្នាំមកនេះដោយសារតែមានអ្នកមានអំណាចនិងស្ថាប័នពាក់ព័ន្ធនៅក្នុងស្រុកខិលខូចមួយចំនួននៅពីក្រោយខ្នងជួយអន្តរាគមន៍ដោះស្រាយនិងជួយបិទបាំងរឿងអាស្រូវរបស់ឈ្មួញដែលបង្កប់ឈើថ្មីនៅខាងក្រោម ទើបធ្វើអោយសមត្ថកិច្ចជំនាញមិនហ៊ានក្នុងការឆែកឆេរនិងបង្ក្រាបរថយន្តដឹកជញ្ជូនឈើរបស់ឈ្មួញខាងលើឡើយ។ ដោយសមត្ថកិច្ចមួយចំនួនបានត្អូញត្អែរថា ឈ្មួញខាងលើបានប្រមូលនិងដឹកជញ្ជូនឈើខុសច្បាប់សំអាងទៅលើលិខិតអនុញ្ញាត្តរបស់លោក នៅសំដារ៉ារិទ្ធ អភិបាលស្រុកត្រពាំងប្រាសាទ ដោយមើលរំលងពួកគាត់។
បើតាមការណ៍អោយដឹកតាម ទូរស័ព្ទរបស់លោក នៅសំ ដារ៉ារិទ្ធ អភិបាលស្រុកត្រពាំងប្រាសាទថា លោកផ្ដល់លិខិតអនុញ្ញាត្តដឹកជញ្ជូនឈើផ្ទះចាស់គឺ អោយដឹកជញ្ជូនតែឈើផ្ទះចាស់តែប៉ុន្នោះមិនបានអោយដឹកឈើថ្មីឡើយ ប្រសិនបើមានដឹកឈើថ្មីលោក និងចាត់អោយសមត្ថកិច្ចជំនាញចុះបង្ក្រាប ជុំវិញករណីខាងលើក្រុមការងារយើងមិនអាចស្វែងរកការ ទំនាក់ទំនងសំការបំភ្លឺរពីលោក ញ៉ែម ណាយវ៉ាន់ នាយសង្កាត់រដ្ឋបាលព្រៃឈើស្រុកត្រពាំងប្រាសាទបានឡើយ៕
Ads
