នារីម្នាក់ត្រូវបុរសជាសាច់ញាត្តិចាប់រំលោភបានសម្រេចក្នុងពេលទៅមើលស្រូវប្រាំង ក្រោយពីធ្វើសកម្មភាពរួច ជនសង្ស័យត្រូវបានកម្លាំងសមត្ថកិច្ចនគរបាលស្រុកកំពង់ត្រឡាចធ្វើការឃាត់ខ្លួនទាំងយប់ផងដែរ ជនសង្ស័យដែលសមត្ថកិច្ចចាប់ខ្លួននេះមានឈ្មោះវង្ស សុភាព ភេទប្រុស អាយុ២៣ឆ្នាំ រីឯនារីរងគ្រោះឈ្មោះ ព ន ក អាយុ១៧ឆ្នាំ ។ ជរងគ្រោះ និង ជនសង្ស័យត្រូវជាសាច់ញាតិ្តក្នុងភូមិគៀនឃ្លាំង ឃុំអំពិលទឹក ស្រុកកំពង់ត្រឡាច ខេត្តកំពង់ឆ្នាំង ។
លោកហ៊ុល វាសនា អធិការនគរបាលស្រុកកំពង់ត្រឡាចបានអោយដឹងថា នៅមុនពេលកើតហេតុ ជនសង្ស័យឈ្មោះ វង្ស សុភាព បានទៅសួរជនរងគ្រោះ នៅផ្ទះរបស់នាងថា តើថ្ងៃនេះទៅស្រែប្រាំងដែឬទេចាំគេជូនទៅ ។ ដោយទុកចិត្ត និងមិនដឹងពីបំណងអាក្រក់របស់ជនសង្ស័យ ជនរងគ្រោះបានអោយជនសង្ស័យជូនទៅមើលស្រែប្រាំង។ នៅពេលទៅដល់ចំណុចស្រែប្រាំងរបស់នារីរងគ្រោះហើយនោះ ជនសង្ស័យបានត្រឡប់មកមុន ។ បន្ទាប់ពីមើលទឹកស្រែប្រាំងរួចហើយ នៅវេលាម៉ោងប្រជាង៣រសៀលថ្ងៃទី៥ ខែមិនា ជនរងគ្រោះបានត្រឡប់មកផ្ទះវិញ ពេលមកដល់ចំណុចមេទឹក ស្រាប់តែជនសង្ស័យបានស្ទុះចេញមកចាប់ខ្ទប់មាត់ជនរងគ្រោះ រួចអូសចូលទៅក្នុងព្រៃនិងបានធ្វើសកម្មភាពចាប់រំលោភរហូតបានសម្រេចតែម្តង ។
លោកអធិកាបានអោយដឹងថា នៅពេលដែលជនរងគ្រោះមកដល់ផ្ទះ បានប្រាប់រឿងទាំងអស់នោះទៅម្តាយ និង ឪពុកអោយបានដឹង ហើយបានប្តឹងទៅសមត្ថកិច្ចមូលដ្ឋាន។ ក្រោយពីទទួលបានពាក្យបណ្តឹងនេះ លោកអធិការបានដាក់កម្លាំងចេញតាមចាប់ជនសង្ស័យបាននៅនិងផ្ទះ នៅវេលាម៉ោងជិត៩ យប់ថ្ងៃទី៥ ខែមិនា ឆ្នាំ២០១៥ ។
នៅពេលនេះសមត្ថកិច្ចនគរបាលស្រុកកំពង់ត្រឡាចកំពុងសាកសួរ កសាងសំណុំរឿងបញ្ជូនមកស្នងការនគរបាលខេត្តដើម្បីចាត់បន្តតាមនីតិវិធី ។