កំពង់ស្ពឺ=បុរសម្នាក់ត្រូវបានប៉ូលីស៏ស្រុកឧដុង្គចាប់ខ្លួនបានយ៉ាងស្ងៀមស្ងាត់ដោយមិនបានទម្លាយរឿងឲ្យអ្នកសារពត៏មានដឹងដោយគ្មានមូលហេតុដោយសារតែបុរសដែលគេបង្ក្រាបបាននោះបានជិះម៉ូតូដែលមានស្លាកសញ្ញាឬលោហ្គោ របស់ កងរាជអាវុធហត្ថនិងកងនគរបាលជាតិ ។យោងតាមពត៏មានផ្លូវការបាន ឲ្យដឹងថាបុរសដែកគេចាប់បានមានឈ្មោះ ផាន់ អាន ភេទប្រុសអាយុ២៦ឆ្នាំ រស់នៅភូមិត្រពាំងក្រឡឹង ឃុំភ្នំតូច ស្រុកឧដុង្គ ខេត្តកំពង់ស្ពឺ បានជិះមូតូមួយ គ្រឿងម៉ាក ណៃហត ពណ៏ខ្មៅមិនមានពាក់ស្លាកលេខ និងមានបិទលោកហ្គោ ប៉េអឹម និងប៉ូលីស៏ដោយគ្មានច្បាប់ទម្លាប់ក្នុងនោះមានគ្រឿងញៀនរហូត៥កញ្ចប់ ធំរួមទាំងជញ្ជីងថ្លឹងថ្នាំមួយផងដែរ ។
យោងតាមសេចក្តីរាយការណ៏បានឲ្យដឹងថាជនដែលចាប់បានក៏ជាមុខសញ្ញាជួញដូរគ្រឿងញៀនយ៉ាងដែលមានឈ្មោះក្នុងបញ្ជីរបស់សមត្ថកិច្ចដែរ ។ សេចក្តីរាយការណ៏បញ្ជាក់ថានៅពេលប៉ូលីស៏បង្ក្រាប ជននេះមិនបានឈប់ ស្រួលទេដោយបានបើកម៉ូតូរត់ តាំងពីចំណុច វត្តស្រះធុល ដោយបានព្យា យាម បើករត់រហូតដល់ភូមិទំពូងមានជយ័ ឃុំយុទ្ធសាមគ្គី ស្រុកឧដុង្គ និងបាន យកថ្នាំញៀនច្រកចូលស្រោមដៃ រួចបោះចោលតាមផ្លូវតែត្រូវបានប៉ូលីស៏ដឹងក៏ បានតាមចាប់បានដដែល ។
ប្រភពបានបន្តថាក្រោយពីចាប់បានជនល្មើសសមត្ថកិច្ចបានឆែកឃើញមានគ្រឿងញៀនចំនួន ៥កញ្ចប់ ជញ្ជីងថ្លឹងថ្នាំញៀនមួយ ម៉ូតូជិះចែកចាយគ្រឿងញៀន ដែលបានប្រើប្រាស់លោកហ្គោរបស់អង្គភាពមិនប្រកតីដែលគ្មានស្ថាបន័ណាទទួលស្គាល់ ។ អ្វីដែលចំឡែកត្រង់ថាជនល្មើសក្រោយពីបង្ក្រាបបានសមត្ថកិច្ចបាន ព្យាយាមបិទបាំងមិនឲ្យអ្នកកាសែតបានដឹងនិងថតរូបដែលជាស្នាដៃខំប្រឹងបង្ក្រាបបែនាំគ្នាលាក់បាំងជនល្មើសទៅវិញ ។ចំណុចនេះជាភាពមិនប្រកតីរបស់អាជ្ញា ធរដែលកន្លងមកកើតបាតុភាពនៅតាមបណ្តាអង្គភាពពីរឿងលួចដោះលែងមនុស្សក្រៅប្រពន្ធ័ច្បាប់ដោយមិនគិតពីស្នាដៃដល់មន្ត្រីក្រោមឪវាទដែលពួកគេបានប្រឹងប្រែងចេញបង្ក្រាបដោយមិនគិតពីការនឿយហត់ ។
ហើយចំណុចដែលបង្ក្រាបបានហើយមិនទម្លាយពត៏មានបានកើតមានភាពអវិជ្ជមាននេះរាប់ឆ្នាំមកហើយគឺជាការបិទពត៏មានសម្រាប់ការដោះលែងមនុស្សក្រៅប្រពន្ធ័ច្បាប់ដោយគ្មានហេតុផល ។ទម្លាប់នេះត្រូវបានថ្នាក់លើព្រមានដល់គ្រប់ អង្គភាពបញ្ឃប់ជាបន្ទាន់នៅទម្លាប់ចាស់គំរិលដែលលួចដោះលែងជនសង្សយ័នៅក្រៅប្រពន្ធ័ច្បាប់ជាហេតុនាំឲ្យជននោះមិនរាងចាល ៕
