> បាត់ដំបង: រថយន្តកាមរីឆ្លាមមួយគ្រឿងត្រូវបានខ្ទេចក្បាលយ៉ាងដំណំ និងបង្គោលអគ្គីសនីMTក៏ត្រូវបាក់ផងដែរ ខណ:ដែលមានរថយន្តមួយគ្រឿង ដែលទំនងជាដឹកខ្សាច់លើសទំងន់ បានបើកឆ្លងកាត់ទីទួលផ្លូវរថភ្លើង កាលពីវេលាម៉ោងប្រមាណ5ជាង ព្រឹកថ្ងៃទី7-3-15 នៅត្រង់ចំនុចក្បាលស្ពានរថភ្លើង ស្ថិតក្នុងភូមិវត្តតាមិម ឃុំអូរដំបង1 ស្រុកសង្កែ ខេត្តបាត់ដំបង ហើយរអិលថយក្រោយមកវិញ។យោងតាមប្រភពពីប្រជាពលរដ្ឋដែលរស់នៅក្បែចំនុចកើតហេតុបាននិយាយថា នៅព្រឹកព្រលឹមស្រាងៗ គឺមានរថយន្តមួយគ្រឿងម៉ាកហុីយ៉ាន់ដាយ ពាក់ស្លាកលេខពោធិសាត់3A 0270បានបើកបរក្នុងទិសដោពីត្បូងទៅជើង
ដោយមានដឹកខ្សាច់ពេញរថយន្តផង។ប្រភពដដែលបានបន្តទៀតថា លុះពេលទៅដល់ចំនុចកើតហេតុ គឺជាតំបន់ផ្លូវចំណោតព្រោះដោយសារតែមានផ្លូវរថភ្លើងឆ្លងកាត់ ទើបធ្វើអោយរថយន្តនោះខំប្រឹងបង្កើនល្បឿនដើម្បីឡើងស្ពានផ្ទុយទៅវិញការខំប្រឹងនេះពុំបានទទួលលទ្ធផលឡើយដោយសារតែខ្សាច់នោះមានទំងន់ធ្ងន់ពេកដែលធ្វើអោយតួរថយន្ត
ទាំងមូលចាប់ផ្តើមរអិលថយក្រោយវិញយ៉ាងលឿន ហើយបានពារទៅលើរថយន្តមួយគ្រឿង ម៉ាកកាមរីឆ្លាម ព៌ណខ្មៅ ពាក់ស្លាកលេខកណ្តាល2A 1370 ដែលកំពុងបើកបមកតាមក្រោយ
> បណ្តាលអោយខូចខាតក្បាលរថយន្តដោយកន្លែង មិនត្រឹមតែប៉ុណ្ណោះទេ រថយន្តបង្កបានរេចង្កូតទៅចំហៀងរហូតដល់ធ្លាក់ពីលើទ្រូងថ្នល់ ហើយក៏ទៅបុកជាប់នឹងបង្គោលភ្លើងMT បាក់ធ្លាក់ប្រអប់កុងទ័រធ្លាក់រាយប៉ាយពេញដី។ក្រោយពីឃើញហេតុការបែបមិនសូវស្រួល
អ្នកបើកបររថយន្តនេះបានរត់គេចខ្លួនបាត់ស្រមោលតែម្តង ដែលទុកអោយម្ចាស់រថយន្តរងគ្រោះនៅស្រឡាំងកាំងតែម្នាក់ឯង។ក្រោយពេលកើតហេតុគេសង្គេតឃើញមានកំលាំងអង្គភាពអគ្គីសនីបាត់ដំបង ព្រមទាំងកំលាំងសមត្ថកិច្ចបានចុះទៅដល់ដើម្បីធ្វើការត្រួតពិនិត្យ ដោយសមត្ថកិច្ចបាននាំយករថយន្តនោះទៅរក្សាទុកដើម្បីទាមទារសំណងទៅលើរថយន្តដែលខូចខាត ពិសេសគឺបង្គោលភ្លើងMTដ៏ធំមួយដើមនេះតែម្តង ព្រោះវាបានបាក់ដាច់ដល់គល់
ទៅហើយ។ មានប្រភពជាច្រើនបានធ្វើការរិះគន់ទៅលើសមត្ថកិច្ចពាក់ព័ន្ធយា៉ងចាស់ដៃ ព្រោះបច្ចុប្បន្នក្រុងបាត់ដំបងទាំងមូលត្រូវបានហាមឃាត់ ដោយមិនអនុញ្ញាតិអោយរថយន្តធំបើកបរចូលក្នុងក្រុងឡើយប៉ុន្តែបើគេសង្គេតនៅរៀងរាល់ថ្ងៃឃើញថាចាប់ពីកំណាត់ផ្លូវក្បាលស្ពានវត្តគរតាមបណ្តោយមាត់ស្ទឹងសង្កែ ចូលទៅក្នុងក្រុងគឺមានរថយន្តធំលួចធ្វើដំណើរចូលជាញឹកញាប់មិនថាឡានក្រុង ឡានដឹកខ្សាច់ ឬក៏ឡានដឹកកាណូតស្មាច់ឡើយ ប៉ុន្តែគេ
មិនដែលឃើញសមត្ថកិច្ចណាមួយធ្វើការរឿងនេះទាល់តែសោះលុះនៅពេលកើតហេតុបែបនេះទើបដឹងថាគឺបណ្តាលមកពីរថយន្តធំនេះតែម្តងដែលលួចដឹកខ្សាច់ចូលទៅក្នុងក្រុងដូច្នេះតើអ្នកណាមួយដែលអនុញ្ញាតិអោយចូល?ដូច្នេះគួរតែកំលាំងជំនាញពិនិត្យឡើងវិញរាល់បញ្ហាខាងលើនេះ ដើម្បីបញ្ចៀសអោយបានតាមគោលការរបស់គណ:បញ្ជាការកងឯកភាពខេត្ត៕
