ភ្នំពេញ បុរសម្នាក់បានជិះម៉ូតូធនធំមួយគ្រឿង ក្នុងល្បឿនយ៉ាងលឿន ចាប់ហ្វ្រាំងមិនទាន់ ក៏ជ្រុលទៅបុករថយន្តតាក់ស៊ីពេញទំហឹង បណ្តាលឱ្យរងការខូចខាតទាំងម៉ូតូ តែសំណាងល្អមិនមានអ្នករងរបួស កាលពីវេលាម៉ោង១១នឹង៥០នាទីយប់ ថ្ងៃទី៧ ខែមិនា ឆ្នាំ២០១៥ តាមបណ្តោយផ្លូវលេខ១៤៣ កែងនឹងផ្លូវលេខ២៧៨ ស្ថិតក្នុងសង្កាត់បឹងកេងកងទី២ ខណ្ឌចំការមន ។
ប្រភពពត៌មានពីកន្លែងកើតហេតុ បានឱ្យដឹងថា នៅមុនពេលកើតហេតុ គេបានឃើញរថយន្តតាក់ស៊ីឆយ មួយគ្រឿង ពាក់ស្លាកលេខ ភ្នំពេញ 2AB-5091 ធ្វើដំណើរតាមបណ្តោយផ្លូវលេខ២៧៨ ទិសដៅពីលិចទៅកើត ខណះមកដល់ចំណុចកើតហេតុ ក៏មានបុរសម្នាក់ ជិះម៉ូតូធនធំ ពណ៍ក្រហម សេ៦៥០ ពាក់ស្លាកលេខ ភ្នំពេញ 1CF-8705 ជិះម្នាក់ឯងតាមបណ្តោយផ្លូវលេខ១៤៣ ទិសដោពីជើងទៅត្បូង ក្នុងល្បឿនយ៉ាងលឿន ចាប់ហ្វ្រាំងមិនទាន់ ក៏ជ្រុលទៅបុករថយន្ត ត្រង់ផ្លូវបែកជាបួន ចំក្បាលរថយន្តពេញទំហឹង បណ្តាលឱ្យរងការខូចខាត តែសំណាងល្អ មិនមានអ្នករងរបួសនោះទេ ។
ប្រភពដដែលបន្តថា គ្រោះថ្នាក់ចរាចរណ៍ខាងលើនេះ គឺបង្កឡើងដោយសារភាគីទាំងសងខាង ខ្វះការប្រុងប្រយ័ត្នដូចគ្នា តែប្រកែករកខុសត្រូវរៀងខ្លួន ។ ក្រោយកើតហេតុ សមត្ថកិច្ចបានសហការជាមួយជំនាញ យកយាន្តជំនិះទាំង២គ្រឿង ទៅរក្សាទុកនៅអធិការដ្ឋាន នគរបាលខណ្ឌចំការមន រង់ចាំដោះស្រាយនាពេលក្រោយ ៕