.សៀមរាប៖នៅថ្ងៃទី១២ខែមិនាឆ្នាំ២០១៥វេលាម៉ោង៩ព្រឹកលោក ទា គឹមសុទ្ធ នាយខណ្ទរដ្ឋព្រៃឈើសៀមរាប និង លោកសូរ ផល្លានាយផ្នែករដ្ឋព្រៃឈើជីក្រែង ដឹកនាំមន្រី្តរដ្ឋបាលជាព្រៃឈើក្នុងខេត្ត សហការណ៏ជាមួយសង្កាត់រដ្ឋបាលព្រៃឈើកំពង់ក្តី នឹង សង្កាត់រដ្ឋបាលព្រៃឈើខ្វាវចុះទប់ស្កាត់និងបង្ក្រា.បបទល្មើសព្រៃឈើក្នុងស្រុកជីក្រែង ។
លទ្ធផលសំរេចបាន ពីការចុះឆែកឆេរកន្លែងសិប្បកម្ម២កន្លែង ទី១ម្ចាស់សិប្បកម្មឈ្មោះទូរ វណ្ណា នៅភូមិប៉ាតត ឃុំគោគធ្លកក្រោម ស្រុកជីក្រែង ខេត្តសៀមរាប បានធ្វើសិប្បកម្មធ្វើតុ ទូរ កៅអី .ទ្វារបង្អួចដោយគ្មានច្បាប់អនុញ្ញាតិ ទី២ ឈ្មោះសេញ វណ្ណីនៅភូមិឃុំជាមួយគ្នា ជាកន្លែងសិប្បកម្មធ្វើក្តាអនិចារ្យ ក្នុងការឆែកឆេរគេបានរកឃើញសិប្បកម្មទាំងពីរមានស្តប់ឈើដុំ នឹង ឈើប្រណិតចំនួនច្រើន សមត្ថកិច្ចរដ្ឋបាលព្រៃឈើសំរេចរឹបអូសយកឈើក្នុងសិប្បកម្មទាំងពីរកន្លែង បានឈើចំនួន២រថយន្តកូរ៉េយកទៅរក្សាទុកនៅផ្នែករដ្ឋបាលព្រៃឈើជីក្រែង ចំណែកបរិមាណឈើមិនអាចអាចសរុបនៅឡើយទេ។
លោកទូរ វណ្ណា ម្ចាស់សិប្បកម្មបានប្រាប់អ្នកសារពត៌មានយើងថា ឈើទាំងអស់នេះមិនមែនជាឈើផ្ទាល់ខ្លួនរបស់លោកទេ គឺជាឈើរបស់ប្រជាពលរដ្ឋនៅក្នុងស្រុកយកមកជួលឲ្យលោកធ្វើជាទ្វារ បង្អួច ធ្វើតុ ទូកៅអីជាដើម លោកបន្តទៀតថា ឈើទាំងអស់នេះភាគច្រើនជាប្រភេទឈើផ្ចឹក.សុក្រម ធ្នង់ បេង ។
លោក ទា គឹមសុទ្ធ នាយខណ្ទរដ្ឋបាលព្រៃឈើសៀមរាប បានឲ្យដឹងថា កិច្ចសហប្រតិបត្តិការបង្ក្រាបទី ស្តប់ និងការបើកទីតាំងប្រកបសិប្បកម្មកែច្នៃឈើដោយគ្មានច្បាប់នេះ និងត្រូវបានបង្ក្រាបជាបន្តបន្ទាប់ ជាពិសេស នៅក្នុងឃុំខ្វាវ ដែលមានទីតាំងសិប្បកម្មរីកដុះដូចផ្សិត លោកនឹងបង្ក្រាបឲ្យអស់ ដើម្បីជម្រុញឲ្យមានការសុំ ច្បាប់អនុញ្ញាតិត្រឹមត្រូវ ចំណែកទីតាំងសិប្បកម្មដោយគ្មានច្បាប់នៅក្នុងស្រុកស្វាយលើ ជាច្រើនកន្លែងលោក នឹងលុបបំបាត់ឲ្យអស់ គឺជាការការកាត់បន្ថយការដឹកជញ្ជូនឈើដោយគ្មានច្បាប់ និងប្រកបអជីវកម្មដោយ គ្មានច្បាប់។ ដោយ ព្រុំ សុខា
.(ដោយ ព្រំ សុខា)