រាជធានីភ្នំពេញ ៖ មនុស្សចំនួន៦នាក់ ត្រូវកម្លាំងមន្ត្រីការិយាល័យប្រឆាំងគ្រឿងញៀនដឹកនាំកំលាំងដោយលោកវិរ:សេនីយ៍ត្រីប៉ុលនិលឯកនាយរងការរិយាល័យប្រឆាំងគ្រឿងញៀនសហការជាមួយសមត្ថកិច្ចមូលដ្ធានចុះបង្ក្រាប ធ្វើការឃាត់ខ្លួនបានកាលពីរសៀលថ្ងៃទី11ខែមីនានេះនៅចំណុចភូមិត្រពាំឈូក សង្កាត់ទឹកថ្លាខណ្ឌសែនសុខ ដោយសង្ស័យថាពាក់ព័ន្ធនឹងការប្រើប្រាស់គ្រឿងញៀន។
ប្រភពពត៍មានពីសមត្ថកិច្ចបានឲ្យដឹងថា ក្នុងការឃាត់ខ្លួនដកហូតបានវត្ថុតាងរឹបអូស បានឧបករណ៏មួយចំនួនដូចជាកាដុងទឹកសុទ្ធ ទុយោ កាំបិតកន្ត្រៃ ដែកកេះជាដើម ។ ក្រោយពីការសាកសួរជនសង្ស័យទាំង6នាក់បានសារភាពថាពួកខ្លួនពិតជាបានប្រើប្រាស់គ្រឿងញៀនពិតប្រាកដមែន ជនប្រើប្រាស់គ្រឿងញៀនទាំង៦នាក់ដែលត្រូវឃាត់ខ្លួននោះ ត្រូវគេឲ្យដឹងថា ទី1ឈ្មោះ យីលីហុងភេទស្រី អាយុ33ឆ្នាំ ស្នាក់នៅផ្ទះជួលក្នុងសង្កាត់ស្រះចកខណ្ឌដូនពេញមុខរបរជាមេការក្លិប ទី2 មឿនសុខឌីម៉ង់ អាយុ26ឆ្នាំ ស្នាក់នៅផ្ទះជួលក្នុងសង្កាត់ទឹកល្អក់1 ខណ្ឌទួលគោកមុខរបរមិនពិតប្រាកដ, ទី3 ឈៀងរតនា អាយុ25ឆ្នាំ ស្នាក់នៅផ្ទះជួលក្នុងសង្កាត់ស្ទឹងមានជ័យខណ្ឌ មានជ័យមុខរបរអ្នករត់តុ, ទី4 គឹម ស៊ន ភេទស្រីអាយុ២០ឆ្នាំស្នាក់នៅ ភូមិត្រពាំឈូក សង្កាត់ទឹកថ្លាខណ្ឌសែនសុខ មុខរបរជានារីខារាអូខេ, ទី5 ហុង សៀងយូ អាយុ36ឆ្នាំ ស្នាក់នៅសង្កាត់ច្បារអំពៅ ខណ្ឌច្បារអំពៅ មុខរបរសិស្ស និង ទី6 គង់ សាង អាយុ18ឆ្នាំមុ ខរបរមិនពិតប្រាកដនៅ នៅសង្កាត់ទឹកល្អក់1 ខណ្ឌទួលគោក ។
បច្ចុប្បន្នជនសង្ស័យត្រូវបានឃាត់ខ្លួនបណ្តោះអាសន្ននៅការិយាល័យប្រឆាំគ្រឿងញៀន កសាងសំនុំរឿងតាមនីតិវិធីបញ្ជូនទៅតុលាការ៕