កំពង់ស្ពឺ ៖ កម្លាំងកងរាជអាវុធហត្ថ ខេត្ដ កំពង់ស្ពឺ បានបង្ក្រាបករណីចែកចាយនិងប្រើ ប្រាស់គ្រឿងញៀន ដោយ ឃាត់ខ្លួនជនសង្ស័យ ៤នាក់ ក្នុងនោះ មានម្នាក់ជាកូនប្រុស របស់អភិបាលក្រុងច្បារមន លោកស្រី ប៉ោ ស៊ីថា ។
មន្ដ្រីអាវុធហត្ថខេត្ដកំពង់ស្ពឺ បានឱ្យដឹង ថា ប្រតិបត្ដិការខាងលើនេះ បានធ្វើឡើងកាលពីវេលាម៉ោង ៨ និង៣០នាទី យប់ថ្ងៃទី១១ ខែមីនា ឆ្នាំ២០១៥ ស្ថិតនៅ ភូមិអង្គសេរី សង្កាត់រកាធំ ក្រុងច្បារមន ខេត្ដកំពង់ស្ពឺ ។
តាមមន្ដ្រីអាវុធហត្ថ ក្នុងប្រតិបត្ដិការ ខាងលើនេះ ក្រៅពីការចាប់ខ្លួនជនសង្ស័យ ទាំង៤នាក់ សមត្ថកិច្ចបាន ដកហូតវត្ថុតាងជា ច្រើន ផងដែរ ។
ជនសង្ស័យទាំង៤នាក់នោះ រួមមានទី១ ឈ្មោះហ៊ុនបូរិន ភេទប្រុស អាយុ៣១ឆ្នាំមុខរបរមិនពិប្រាកត់រសនៅភូមិបូរីកម្មករសង្កាត់រកាធំក្រុងច្បារមនខេត្តកំពង់ស្ពឺ ដែលត្រូវបានសមត្ថកិច្ចអះអាងថា ជា កូនប្រុសរបស់នាក់ មានតួនាទីជាអភិបាលក្រុងច្បារមន ខេត្ដកំពង់ស្ពឺឈ្មោះហ៊ុនបូរិននេះធ្លាប់បាននគរបាលក្រុងច្បារមនចាប់បានម្ដងរូចមកហើយកាលពីពាក់កណ្ដាលខែ១២ឆ្នាំ២០១៤តែមិនដឹងថាយ៉ាងមិចទើបយុវជនបូរិននៅក្រៅឃុំ។ ទី២ ឈ្មោះសំ រតនា ភេទប្រុស អាយុ២០ឆ្នាំ ទី៣ ឈ្មោះនឹម សុភក្ដិ ភេទប្រុស អាយុ២៤ឆ្នាំ និងទី៤ ឈ្មោះសូនរដ្ឋាភេទប្រុស អាយុ២១ឆ្នាំទាំង៣អ្នករសនៅភូមិរកាធំសង្គាត់រកាធំក្រុងច្បារមនខេត្តកំពង់ស្ពឺ ជាមូយគ្នា។
មន្ដ្រីអាវុធហត្ថបានបញ្ជាក់ទៀតថា ក្រោយពីទទួលបានព័ត៌មានស្ដីពីសកម្មភាព ចែកចាយនិងប្រើប្រាស់ គ្រឿងញៀន រួចមក មេបញ្ជាការអាវុធហត្ថខេត្ដកំពង់ស្ពឺ លោក ឧត្ដមសេនីយ៍ ម៉ែន ស៊ីប៊ន បានបញ្ជាមកការិយាល័យជំនាញ សហការជាមួយអាវុធហត្ថក្រុងច្បារមន ចុះទៅបង្ក្រាបជាក់ស្ដែង និងឃាត់ខ្លួនជនសង្ស័យទាំង៤នាក់ ព្រមទាំង វត្ថុតាងជាច្រើនផងដែរ ។
តាមមន្ដ្រីអាវុធហត្ថ វត្ថុតាងដែលត្រូវដក ហូតក្នុងប្រតិបត្ដិការខាងលើនេះរួមមាន ក្បាលមាន់ផ្សាមួយ កាតាប១ ទុយោច្នៃរួច ១៣ ដែកកេះ ៦ ពូថៅ ១ សំបកថង់សម្រាប់ ច្រកថ្នាំ ៦៦ ដាវវែង ១ រណាអារដែក១ និង ថវិកាមួយចំនួន១៣២៥០០រៀលម៉ូតូ២គ្រឿងទូរសព្វ័៣គ្រឿង ។
បច្ចុប្បន្នជនសង្ស័យទាំង៤នាក់ ស្ថិតក្រោមការសាកសួរនៅទីបញ្ជាការអាវុធហត្ថខេត្ដកំពង់ស្ពឺ ដើម្បីកសាងសំណុំរឿង បញ្ជូនទៅកាន់តុលការ ផ្ដន្ទាទោសបន្ដតាមផ្លូវច្បាប់៕ដោយសុខសុភ័ណ្ឌ
