ខេត្តបន្ទាយមានជ័យ៖ កម្លាំងនគរបាលប៉ុស្ដិ៍រដ្ឋបាលក្រុងប៉ោយប៉ែតមានគ្នីគ្នាមួយក្រុមពេលកំពុងចុះល្បាតស្រាប់តែបានប្រទះឃើញជនសង្ស័យ ៣នាក់ដែលកំពុងជក់គ្រឿងញៀនយ៉ាងសកម្មស្ថិតនៅចំណុចផ្សារយួនភូមិក្បាលស្ពាន១សង្កាត់ប៉ោយប៉ែតព្រមទាំងដកហូត បានសម្ភារៈនិងឧបករណ៍សម្រាប់ជក់មួយចំនួនធំផងដែរ ។ លោក អ៊ុំ សុផលអធិការនគបាលក្រុងប៉ោយប៉ែត្របានប្រាប់ថាពេលកម្លាំងរបស់ខ្លួនចុះល្បាតកាលពីវេលាម៉ោង៣ និង៣០នាទីរសៀលថ្ងៃទី១៣ ខែមីនាឆ្នាំ២០១៥ក៏ជួប ជនសង្ស័យទាំងនេះហើយក៏ឃាត់ខ្លួនយកមកសួរនាំនៅ អធិការក្រុងដើម្បីចាត់ការបន្ដតាមផ្លូវច្បាប់ ។លោកអ៊ុំសុផល
បានបញ្ជាក់ថា ជនសង្ស័យទី១ ឈ្មោះសុខ វ៉ាន់ ឆៃ អាយុ២៩ឆ្នាំ រស់នៅភូមិភ្នំតូច ឃុំភ្នំតូច ស្រុកមង្គលបុរី ទី២ ឈ្មោះវ៉ាន់ វាសនា អាយុ១៩ឆ្នាំ រស់នៅភូមិក្បាលស្ពាន១ សង្កាត់ប៉ោយប៉ែត និងទី៣ ឈ្មោះឯម ភារម្យ រស់នៅភូមិក្បាលស្ពាន១ សង្កាត់ប៉ោយប៉ែត ខេត្តបន្ទាយមានជ័យ។
លោកផលបានបញ្ជាក់ថាដោយមានការណែនាំជាប្រចាំពីសំណាក់លោកឧត្តមសេនីយ៏ត្រីអាត់ខែមស្នងការនគរបាលខេត្ដបន្ទាយមានជ័យបានដាក់បញ្ជាឲ្យកងកំលាំងនគបាលទាំងអស់លើការ ពង្រឹងបញ្ហាសន្ដិសុខ និងទប់ស្កាត់បទល្មើស ក្នុងមូលដ្ឋានរបស់ខ្លួនលោកបានដាក់ផែនការ ឱ្យនគរបាល តាម បណ្ដាប៉ុស្ដិ៍ចុះល្បាតជាប្រចាំទាំងយប់ទាំងថ្ងៃជាពិសេសធ្វើការស្រាវជ្រាវ ការបង្ក្រាបបទល្មើសគ្រឿងញៀននៅក្នុងទឹកដីប៉ោយប៉ែត ទឹកដីស្រុកមង្គលបូរី ទឹកដីក្រុងសិរីសោភ័ណនៅចំណុចស្ថាននីយ៎រថភ្លើងនៅក្នុងភូមិសែសិនជាដើម៕គង្គា