បាត់ដំបង៖ មុខសញ្ញាប្លន់ដោយប្រើប្រាស់ដាវសាំម៉ូរ៉ៃចំនួន5នាក់ត្រូវបានសមត្ថកិច្ចនៃអធិការដ្ឋាននគរបាលស្រុកកំរៀងធ្វើការក្រសោបបានកាលពីថ្ងៃទី18-3-15វេលាម៉ោង3,10នាទីល្ងាចនៅចំនុចភូមិដូង ឃុំបឹងរាំង ស្រុកកំរៀង ខេត្តបាត់ដំបង បន្ទាប់ពីក្រុមនេះបានធ្វើសកម្មភាព
ប្លន់យកលុយពីប្រជាពលរដ្ឋអស់ជាច្រើនរួចមក។
យោងតាមរបាយការរបស់សមត្ថកិច្ចដែលបានទទួលពាក្យបណ្តឹងពីជនរងគ្រោះឈ្មោះ ឈុន ហ៊ាង ភេទប្រុស អាយុ57ឆ្នាំ រស់នៅភូមិដូង ឃុំបឹងរាំង បានអោយដឹងថា នៅយប់ថ្ងៃទី14-3-15
វេលាម៉ោងប្រហែល3ទៀបភ្លឺ ខណ:ដែលរូបលោកនិងក្រុមគ្រួសារកំពុងតែសំរាកនោះស្រាប់តែឮសំរិបជើងមនុស្សដើរនៅក្បែជញ្ជាំងផ្ទះ។ដោយមានការសង្ស័យលោកក៏បានបើកភ្លើងដែលនៅខាងក្រៅផ្ទះដើម្បីបំភ្លឺ ប៉ុន្តែត្រូវបានក្រុមនេះវាយបំបែកអំពូលនោះទៀត បន្ទាប់មកពួកគេបាននាំគ្នាសំរុកវាយទំលុះទ្វារផ្ទះរបស់លោកទាំងមុខ ទាំងក្រោយ ហើយមានមនុស្សចំនួនពីរនាក់បានកាន់ដាវសាំម៉ូរ៉ៃដើរចូលមកក្នុងផ្ទះ ហើយធាក់រូបលោកអោយដួលទៅនឹងដី បន្ទាប់មកពួកវាបានយកដាវនោះមកភ្ជង់ទៅលើបំពង់ កលោកជាប់មិនអោយរើបំរះឬស្រែកឡើយ ដោយគ្នាវាម្នាក់ទៀតបានយកដែកទៅគាស់កែបម៉ូតូដោយហាក់បីដូចជាដឹងថាលោកបានលាក់ទុកលុយនៅទីនោះអញ្ចឹង ហើយក៏បានប្រមូលលុយ
ដែលនៅក្នុងនោះយកអស់រលីងទើបពួកវានាំគ្នាគេចខ្លួនចេញទៅបាត់អស់ទៅ។ ទឹកប្រាក់ដែលក្រុមចោរយកទៅនោះមានចំនួន 17.000បាត និងលុយដុល្លារមានចំនួន5.000ដុល្លារ។
បន្ទាប់ពីបានធ្វើការស្រាវជ្រាវអស់មួយរយ:ក្រោមការដឹកនាំផ្ទាល់ពីលោកវរ:សេនីយ៍ឯក
ជេត វណ្ណនី ស្នងការរងកណ្តាលនគរបាលយុត្តិធ៌ម ព្រមទាំងទទួលបានការអនុញ្ញាតិពីលោកព្រះរាជអាជ្ញានួន សាន រួចមក កំលាំងបានធ្វើការឃាត់ខ្លួនមនុស្សចំនួន5នាក់ដែលមាន ឈ្មោះ1 យ៉ា ជាង ភេទប្រុសអាយុ28ឆ្នាំ រស់នៅភូមិស្វាយ ឃុំបឹងរាំង ស្រុកកំរៀង 2 ឃុន ឌី ភេទប្រុស អាយុ27ឆ្នាំ3 ជា ចាន់កូភេទប្រុស អាយុ43ឆ្នាំ4 សេង ប៊ុនថៃ ភេទប្រុស អាយុ29ឆ្នាំ និង5 ទាវ ផល្លី ភេទប្រុស អាយុ32 ឆ្នាំជនទាំង4នាក់នេះមានទីលំនៅមិនពិតប្រាកដ។
ដោយយោងតាមការសារភាពផងនោះ បច្ចុប្បន្នសមត្ថកិច្ចកំពុរៀបចំសំណុំរឿងដើម្បីបញ្ជូនខ្លួនពួកគេទាំង5នាក់ទៅកាន់សាលាដំបូងហើយ៕
សោ និយមរ័ត្ន
