ខេត្តបន្ទាយមានជ័យ៖នៅព្រឹកថ្ងៃទី២០ខែមិនាឆ្នាំ២០១៤មន្ត្រីកាំកុងត្រូលមានមន្ត្រីចម្រុះបានចុះពិនិត្យទំនិញខូចគុណភាពមុនថ្ងៃបុណ្យចូលឆ្នាំប្រពៃណីខ្មែរនៅផ្សារមង្គលបូរីស្រុកមង្គលបូរីខេត្តបន្ទាយមានជ័យ។ លោក ហុង លៀង អនុប្រធានទី១សាខាកាំកុងត្រូលខេត្តបន្ទាយមានជ័យបានប្រាប់ឲ្យដឹងថាដោយមានការណែនាំពីឯកឧត្តមប្រតិភូទទួលបន្ទុកអគ្គនាយកដ្ឋានកាំកុងត្រូលនិងមានការណែនាំពីលោក ស៊ាន ស៊ីណាត ប្រធានសាខាកាំកុងត្រូលខេត្តបន្ទាយមានជ័យមន្ត្រីជំនាញបានសហការជាមួយមន្ត្រីមន្ទីរពាណិជ្ជកម្មខេត្តនិងមន្ត្រីនគរបាលប្រឆាំងបទល្មើសសេដ្ឋកិច្ចខេត្តចុះពិនិត្យទំនិញដែលផុតកំណត់ និងខូចគុណភាពនៅមុនថ្ងៃបុណ្យចូលឆ្នាំប្រពៃណីខ្មែរ។
លោកហុងលៀងបានបន្តថាការចុះពិនិត្យនៅផ្សារមង្គលបូរីនិងផ្សារបន្ទាយនាងស្ថិតនៅក្នុងស្រុកមង្គលបូរីរសមិត្តកិច្ចបានធ្វើការឆែកឆេរកឃើញទំនិញខូចគុណភាពផុតកាលបរិច្ឆេទដែលរឹបអូសយកមកបានមាន១.កំប៉ុងទឹកសូដាម៉ាក់Aquarius ចំនួន៥៦កំប៉ុង២.ទឹកដោះគោប៉ារ៉ាចំនួន២៥កញ្ចាប់៣.ទឹកក្រូចដីដូរ៥កញ្ចប់៤.ទឹកក្រូចដបជ័រ២៤ដប៥.កំទិចមី៥០កញ្ចប់។ លោក ហុង លៀង បានបន្តថា ក្រោយពេលចុះផ្សព្វផ្សាយនិងពិនិត្យទំនិញខូចគុណភាពនិងផុតការបដិច្ឆេតមុនថ្ងៃបុណ្យចូលឆ្នាំប្រពៃណីខ្មែរដើម្បីការពារសុខភាពបងប្អូនប្រជាពលរដ្ឋនិងរឹបអូសទំនិញខូចគុណភាពហើយបានម្ចាស់ទំនិញធ្វើកិច្ចសន្យានិងណែនាំអប់រំឲ្យបញ្ឈប់ការលក់ទំនិញនិងម្ហូបអាហារដែលខូចគុណភាពបន្តទៀត៕គង្គា