ខេត្តបន្ទាយមានជ័យ៖លោកសូចាន់ណារីមេបញ្ជាការវរសេនាតូច៩១១ នៃស្នងការដ្ឋាននគរបាលខេត្តបន្ទាយមានជ័យបានផ្តល់ថវិកាផ្ទាល់ខ្លួន ចំនួន១លានរៀលជូនដល់មេភូមិទំនប់ ក៥ ដើម្បីយកទៅកាត់សម្លៀកបំពាក់ជាឯកសណ្ឋានសម្រាប់ប្រជាការពារភូមិដើម្បីបំពេញ
ការងារប្រចាំថ្ងៃក្នុងមូលដ្ឋាន។លោកសូចាន់ណារីបាននិយាយថាថវិកាចំនួន១លានរៀលខាងលើនេះត្រូវបានលោកសួនបូរ៉ាជាមេបញ្ជាការរងវរ:និងសហការីនាំយកទៅប្រគល់ជូនលោកមេភូមិកាលពីវេលាម៉ោង ១០និង៥០ នាទី ព្រឹកថ្ងៃទី២២ ខែមីនាឆ្នាំ២០១៥នៅទនុប ក៥។លោក សួន បូរ៉ា បាននិយាយថាដោយមើលឃើញក្រុមប្រជាការពារភូមិទំនប់ ក៥ ខ្វះខាតសម្លៀកបំពាក់ ឯកសណ្ឋាន ក្នុងការបំពេញការងារប្រចាំថ្ងៃទើបមេបញ្ជាការវរ:ដោយមានការណែនាំពី លោកស្នងការផងនោះបាននាំយកថវិកាផ្ទាល់ខ្លួនចំនួន ១លានរៀលទៅប្រគល់ជូនមេភូមិដើម្បីយកទៅចាត់ចែងទិញជាឯកសណ្ឋានជូនប្រជាការពារនៅតាមភូមិតាមតម្រូវការ។ក្រៅពីកិច្ចការងារផ្សេងៗទៀតនោះនៅព្រឹកថ្ងៃដដែលចាប់ពីវេលាម៉ោង៧រហូតដល់ម៉ោង១២ថ្ងៃត្រង់នគរបាលរបស់វរសេនាតូច៩១១បានបន្តចុះល្បាតពង្រឹងសន្តិសុខក្នុងមូលដ្ឋាននិងទប់ស្កាត់បញ្ហាបទល្មើសផ្សេងៗផងដែរ ។ជាលទ្ឋផលក្រោយការចុះល្បាតពុំមានអ្វីប្រែប្រួលនោះឡើយគឺសភាពការជាធម្មតា។ក្រុមប្រជាកាពារទំនប់ ក៥ទាំងអស់ក្រោយពីបានទទួលសំលៀកបំពាក់ជាឯកសណ្ឋានក្រុមប្រជាការពារភូមិរួចមកក៏បានថ្លែងអំណរគុណយ៉ាងជ្រាលជ្រៅចំពោះលោកសូចន់ណារីដែលបានចំណាយជាថវិការផ្ទាល់ខ្លួនយ៉ាងច្រើនសណ្ធឹកសណ្ធាប់វិញសំលៀកបំពាក់ឲ្យក្រុមពួកគាត់ដែលកំពុងខ្វះខាត៕គង្គា
