ស្ថាប័នតុលាការខេត្តព្រះវិហារ ត្រូវបានគេសង្កេតឃើញថា ធ្វើការដោយគ្មានភាពទទួលខុសត្រូវ ឡេកឡក់ដូចក្មេងបៀមដៃ អនុវត្តការងារក្នុងតុលាការឆ្លើយដាក់គ្នា ទៅវិញទៅមក មេមិនដឹងកូន កូនមិនដឹងមេ ធ្វើការទាំងកំហឹង សំណុំរឿងមួយ រកអ្នកកាន់
ច្បាស់លាស់ ពិតប្រាកដមិនបាន ។
ជាក់ស្តែងសំណុំរឿងព្រហ្មទណ្ទ លេខ៣៥ របស់អ្នកសារពត៌មាន២រូប ដែលត្រូវបានឃាត់ខ្លួន កាលពីថ្ងៃទី ១០ ខែកុម្ភះ កន្លងមក ត្រូវបានគេដឹងថា ការចាប់ដោយគ្មានដិការ គ្មានការសាក់សួរ ចាប់ទាំងបង្ខំ យកទៅដាក់ពន្ឋនាគារទាំងយប់ បង្ករឲ្យមានការផ្អើលពេញក្រុងព្រះវិហារ វាប្រៀបបានទៅនឹងបង្ក្រាបឧក្រិដ្ឋជន ឬឃាត់ករសម្លាប់មនុស្សអញ្ជឹង ត្រូវបានគេរិះគន់យ៉ាងខ្លាំង មកលើលោក ឡុង ស៊ីថា ព្រះរាជអាជ្ញារង ខេត្តព្រះវិហារ ដែលគាត់មានមាត់អត់ក្រឡើត ចេះតែនិយាយឲ្យផុតតែពីមាត់ ថាសំណុំរឿងរបស់អ្នកសារពត៌មានពីរនាក់ ត្រូវបានបញ្ជូនទៅឲ្យលោកចៅក្រមទៅហើយ តែតាមពិតលោក ឡុង ស៊ីថា ព្រះរាជអាជ្ញាស្ទាវ ត្រូវបានមានចេតនា ផ្អិបសំណុំរឿងចោល មិនខ្ចីចាត់ការបញ្ជូនតាមនិតិវិធី នៃច្បាប់ក្នុងប្រព័ន្ឋតុលាការ ទោះជាមានការបញ្ជាណែនាំ ពីលោកអគ្គព្រះរាជអាជ្ញាក៏ដោយ ក៏លោក ឡុង ស៊ីថា ដែលត្រូវបានគេដឹងថា ជាព្រះរាជអាជ្ញា សម្រាប់កាងបទល្មើស និងរកស៊ីឈើទាំងពូជរូបនេះ មិនខ្ចីបញ្ជូនសំណុំរឿង អ្នកកាសែត២នាក់ ទៅជម្រះនោះឡើយ។
ជាក់ស្តែងអ្នកសារពត៌មាន មានទូរទស្សន៍ កាសែត វិទ្យុ បានមកស៊ើបអង្កេត លើសំណុំរឿង អ្នកកាសែត២រូប ដែលត្រូវបានចាប់ខ្លួន ទើបដឹងថា ការចាប់ខ្លួនអ្នកកាសែត២រូបនេះ គឺបណ្តាលមកពី អ្នកកាសែត២រូបនេះ ធ្លាប់បាននាំក្រសួងរដ្ឋបាលព្រៃឈើ ទៅចាប់សិប្បកម្មរបស់ឪពុកក្មេក របស់លោក ឡុង ស៊ីថា និងប៉ះពាល់សិប្បកម្ម និងឈ្មួញឈើមួយចំនួន ដែលលោក ឡុង ស៊ីថា កាងបទល្មើសទាំងនេះ បណ្តាលឲ្យអាប់អោនកត្តិយស់ និងបាត់បង់ផលប្រយោជន៍ របស់លោក ឡុង ស៊ីថា ទើបលោកព្រះរាជអាជ្ញាស្ទាវរូបនេះ ចាត់ការអ្នកកាសែតទាំងទទឹងទែង ដោយសំអាងទៅលើឈ្មួញឆ្លើយដាក់ ក៏ចាប់ញាត់គុក ដោយគ្មានដិការ និងគ្មានសកម្មភាពជាក់ស្តែង ហើយបានឃាត់ឃាំងសេរីភាព របស់អ្នកកាសែត២រូបនេះ ដោយគ្មានដំណោះស្រាយ ដោយសំអាងទៅលើខ្លួន ជាព្រះរាជអាជ្ញារង នៃស្ថាប័នតុលាការ ចង់ចាប់អ្នកណា ចង់ទំលាក់កំហុសឲ្យអ្នកណា ស្រេចតែអំពើចិត្ត ។
ស្ថាប័នតុលាការ នៅក្នុងខេត្តព្រះវិហារទាំងមូល ចាប់ពីលោកព្រះរាជអាជ្ញា លោកចៅក្រម លោកក្រឡាបញ្ជី គឺសុទ្ធតែធ្វើការរកអ្នកទទួលខុសត្រូវ កាន់សំណុំរឿងពិតប្រកដ របស់អ្នកកាសែត២រូបនេះមិនបាន អ្នកសារពត៌មានយើងបានតាមយ៉ាងកកិត ដើម្បីសាកសួររកពន្លឺនៃដើមហេតុ ដើម្បីធ្វើការដោះស្រាយ សុំឲ្យអ្នកកាសែត២រូបនេះ បាននៅក្រៅឃុំ តែសួរលោកព្រះរាជអាជ្ញា លោកឆ្លើយថា សំណុំរឿងនេះ នៅលោកចៅក្រម ឈ្មោះ ពន្លក ដល់សួរលោក ចៅក្រមពន្លក លោកឆ្លើយថា នៅលោក ឡុង ស៊ីថា មិនទាន់បញ្ជូនមកទេ សួរលោក ឡុង ស៊ីថា លោកឡុង ស៊ីថា ថាបានបញជញ្ជូនមកចៅក្រមឈ្មោះពន្លក ចំណែកលោកពន្លកបាន សំដែងភាពស្មោះស្ម័គ្រ ឲ្យឃើញនូវឯកសារផ្សេងៗថា លោករងចាំជាយូរមកហើយ តែលោក ឡុង ស៊ីថា មិនព្រមបញ្ជូនឲ្យគាត់ តែបើគាត់បញ្ជូនមកពេលណា និងបញ្ជូនសម្រេចពេលនោះភ្លាម លោកមិនទុកនាំឲ្យឈឺក្បាលនោះទេ ។
ការស៊ើបអង្កេត របស់កម្លាំងអ្នកសារពត៌មាន បានចុះពេញខេត្តព្រះវិហារ ដោយបែងចែកតួនាទីគ្នា ដើម្បីស្រាវជ្រាវរកភាពពិត ពីការនៅពីក្រោយខ្នង ដែលបានឈរចង្អុលឲ្យលោក ឡុង ស៊ីថា ព្រះរាជអាជ្ញាស្ទាវ អនុវត្តច្បាប់មិនត្រឹមត្រូវតាមនិតិវិធី ដែលជាមនុស្សខ្ចីក្នុងការងារ ងាយស្រួលក្នុងបង្វក់ស្មារតី ដើម្បីផលប្រយោជន៍ផ្ទាល់ខ្លួន ទើបដឹងថា សំណុំរឿងទាំងនោះ គឺនៅក្នុងដៃលោក ឡុង ស៊ីថានៅឡើយ មិនទាន់បញ្ជូនឲ្យចៅក្រមនោះទេ ។
ចំណែកលោកម៉ៅ ដែលជាដើមបណ្តឹង ដែលបានដាក់ពាក្យប្តឹងមកលើសារពត៌មាន អាកាប៉េ បានអះអាងថា លោកពុំបានប្តឹងលោក ឈឿង ចាន់ ដែលជាបុគ្គលិករបស់ទូរទស្សន៍អប្សរានោះទេ លោក ឈឿង ចាន់ គ្រាន់តែគេឆ្លើយដាក់ ដោយពុំមានភស្តុតាង ហេតុអ្វីបានចាប់គេ ដោយគ្មានដិការដាក់គុគ ដោយគ្មានការស៊ើបសួរអ្វីទាំងអស់ ហើយលោកម៉ៅបានបញ្ជាក់ថា ក្រោយពីកំហឹងលោកបានធូរស្រាល លោកបានដកពាក្យបណ្តឹងហើយ តែលោក ឡុង ស៊ីថា នៅតែមានចេតនា ឃុំឃាំងមិនព្រមដោះស្រាយនោះទេ រហូតមកដល់ថ្ងៃទី២៦ ខែមិនា ឆ្នាំ ២០១៥ លោកអគ្គព្រះរាជអាជ្ញា បានអញ្ជើញមកតុលាការខេត្តព្រះវិហារ ហើយក៏បានណែនាំឲ្យលោក ឡុង ស៊ីថា លោកពន្លក បញ្ជូនសំណុំរឿងទៅជម្រះ តែលោក ឡុង ស៊ីថា នៅតែពុំព្រម ដូច្នេះអ្នកសារពត៌មាន នៅតែក្រាញននៀល ដេកចាំជាច្រើនថ្ងៃ ដោយបែងចែកគ្នា ស៊ើបអង្កេតជុំវិញករណី អំពើរពុករលួយរបស់ លោក ឡុង ស៊ីថា និងមន្ត្រីពាក់ព័ន្ឋ និងសូមឲ្យអ្នកសារពត៌មាន ជួយជាកម្លាំងបន្ថែមមកខេត្តព្រះវិហារ ដើម្បីជាកម្លាំងចិត្ត តស៊ូដើម្បីទាមទាររកភាពយុត្តធម៌ ជូនអ្នកសារពត៌មាន ។
ក្នុងនោះក្រុមប្រឹក្សាសារពត៌មានកម្ពុជា បានរៀបចំពាក្យបណ្តឹង ប្តឹងទៅឧត្តម និងស្ថាប័នប្រឆាំងអំពើពុករលួយ និងស្ថាប័នផ្សេងៗ ឲ្យជួយចុះមកស៊ើបអង្កេត លើអំពើពុករលួយ របស់លោក ឡុង ស៊ីថា ៕
