ដីព្រៃលិចទឹកជាច្រើនហិកតា ត្រូវបានអាបុល(ត្រាក់ទ័រ) ២គ្រឿងកំពុងឈូសឆាយជា
រៀងរាល់ថ្ងៃ ដោយពុំមានអាជ្ញាធរ និងមន្ត្រីជំនាញណាហាមឃាត់ឡើយ ដោយគ្រាន់តែចុះទៅមើល
និងធ្វើកច្ចសន្យានៅលើតែក្រដាស់ប៉ុណ្ណោះ ប៉ុន្តែពេលអាជ្ញាធរ និងមន្ត្រីជំនាញចេញបាត់ ម្ចាស់អាត្រាក់បានបនុ្តឈូសដដែលទៀត ។ ទីតាំងដីព្រៃលិចទឹកជាជម្រកត្រីពងកូនដែលរងការឈូសបំផ្លាញនេះគឺនៅចំណុចដំបូកក្រហម ស្ថិតក្នុងភូមិកំព្រង ឃុំផ្សារ ស្រុកបរិបូរណ៏ ។
តាមប្រភពពីប្រជាពលរដ្ឋនៅតំបន់នោះបាននិយាយថាៈ អាបុលឈូសដីទាំង២គ្រឿងត្រូវបាន
គេដាក់ចូលទៅក្នុងចំណុចនោះ នៅថ្ងៃទី២៤ ខែមិនា ឆ្នាំ២០១៥ និងបានចាប់ផ្តើមឈូសនៅថ្ងៃទី២៥ ខែ
មិនា រហូតដល់បច្ចុប្បន្ន ។ ម្ចាស់អាបុលឈូសដីនោះត្រូវបានគេស្គាល់ឈ្មោះរុំ មួយគ្រឿង និងឈ្មោះសៅប៊ុនធឿន មួយគ្រឿង ។ម្ចាស់អាបុលឈូសដីទាំង២គ្រឿង បានសំអាងទៅលើលិខិតស្នើសុំឈូសពង្រៀបដីស្រែរបស់ប្រជាពលរដ្ឋ ក្នុងនោះឈ្មោះរុំ មានលិខិតស្នើសុំរបស់ប្រជាពលរដ្ឋ២៥ហិកតា និងឈ្នោះ
សៅ ប៊ុនធឿន មាន៤៥ហិកតា ។ប៉ុន្តែក្នុងលិខិតស្នើសុំនោះ មានត្រឹមតែហត្ថលេខា លោកមេឃុំ និងលោកអភិបាលស្រុកប៉ុណ្ណោះ ចំណែកមន្ត្រីជំនាញជលផលវិញមិនបានចុះហត្ថលេខាទេ តែបានសរសេរដាក់ថា សុំអោយមន្ត្រីជំនាញចុះពិនិត្យមើលសិន ។
លោក សោម ភិរុណ នាយខណ្ឌ័រដ្ឋបាលជលផល បាននិយាយអោយដឹងថាៈ លោកបានឃើញលិខិតស្នើសុំនោះហើយតែលោកមិនបានចុះហត្ថលេខាអនុញ្ញាត្តិទេ លោកបានចារអោយមន្ត្រីជំនាញរបស់លោកចុះទៅពិនិត្យសិន ហើយបើតាមលោកដឹង គាត់សុំឈូសដីកន្លែងផ្សេង តែដល់មកធ្វើកន្លែង
ផ្សឹង ហេតុនេះហើយទើបនៅព្រឹកថ្ងៃទី ២៩ ខែមិនា នេះ លោកបានអោយមន្ត្រីជំនាញរបស់លោកចុះទៅពិនិត្យនិងហៅម្ចាស់គ្រឿងចក្រមកធ្វើកិច្ចសន្យា បើនៅតែហ៊ានឈូសដីព្រៃទៀតនៅត្រូវទទួលទោសតាមច្បាប់ជាពុំខាន ។ លោក ឃួន សៅរុំ អភិបាលស្រុកបរិបូរណ៏ បានមានប្រសាសន៏ថាៈប្រជាពលរដ្ឋលោកបានស្នើ
សុំឈូសពង្រៀបដីស្រែ តែពេលខ្លះក៏បះដីព្រៃតិចតួចជាសមិនផុតទេ ហើយតាំងពីដាក់អាបុលឈូសដីមក អាជ្ញាធរបានហៅម្ចាស់គ្រឿងចក្រមកណែនាំពីរដងហើយ ថាៈបើពួកគាត់អោយឈូសដីព្រៃកុំឈូសអោយគាត់អោយសោះ គឺឈូសតែដីមានកញ្ច្រាំងបានហើយ តែបើមិនស្តាប់ទៀតទុកអោយមន្ត្រីជំនាញចាត់ការតាមច្បាប់ចុះ ។
សូមបញ្ជាក់ថា ដីនៅចំណុចនោះខ្លះក៏មានស្រែខ្លះជាប់ព្រៃ ខ្លះបានលួចកាប់និងដុតព្រៃថ្មីៗ បន្ទាប់មកបានជួលអាបុលឈូសឆាយជាកម្មសិទ្ឋ ។ដីតំបន់នោះតាំងពីប្រធានជលផលមុនៗផ្លាស់២-៣នាក់ហើយមិនដែលមាននរណាហ៊ានឈូសឆាយឡើយ ទើបតែលើកនេះដោយយកលេសថាឈូសពង្រៀបដីស្រែតែធាតុពិតគឺឈូសដីព្រៃថ្មីសុទ្ឋ និងឈូសដីព្រៃជាប់ក្បាលស្រែតែម្តង៕
