ខេត្តបន្ទាយមានជ័យប្រជាពលរដ្ឋចំនួន៦ឃុំរស់នៅជាប់មាត់ស្ទឹង «ចំណោម» រួមមាន ឃុំសឿ ឃុំចំណោម ឃុំរហាត់ទឹក ឃុំបត់ត្រង់ឃុំ ឬស្សីក្រោក និងឃុំគុយមែង នៃស្រុកមង្គលបូរី កំពុងប្រឈមនឹងជំងឺឆ្លងរាគរុះនិងជំងឺផ្សេងៗ ខណៈដែលពួកគាត់កំពុង ប្រើប្រាស់ទឹកក្នុងទឹកស្ទឹង «ចំណោម» ដែលមានពណ៌ខៀវ ក្លិនស្អុយថែមទៀត ដោយសារកង្វះទឹកស្អាត ប្រើប្រាស់តាមលំដ្ឋានរបស់ពួកគាត់។ប្រជាពលរដ្ឋប្រើទឹកស្ទឹងទាំងនោះបានលើកឡើងថាមានពលរដ្ឋជាង៥០ភាគរយដែលយកទឹកស្អុយក្នុងស្ទឹងនេះមកប្រើប្រាស់ជាប្រចាំថ្ងៃដូចជាងូតលាងចាន លាងឆ្នាំងធ្វើម្ហូបដាំស្ងោរដាំបាយផងដែរដោយសារតែពួកគាត់គ្មានលុយទិញទឹកស្អាតយកមកប្រើប្រាស់នោះ។ចំណែកមេឃុំចំណោមវិញបានថ្លែងថាអង្គភាព BMC Newsមានពលរដ្ឋរស់នៅ ជាប់មាត់ស្ទឹងចំនួន១២ភូមិឯណោះដែលបានប្រើប្រាស់ទឹកស្ទឹងនេះហើយថាកាលពីឆ្នាំមុនទឹកស្ទឹងនេះបានហូរធ្លាក់ចេញពីស្ទឹងប៉ៃលិនហើយអាចប្រើបានទាំងប្រាំងទាំងវស្សា មូលហេតុដែលទឹកឡើងពណ៌ខៀវនោះគឺដោយសាតែបិតទ្វារទឹកនៅចំណុចដើមពោធិ៍ពីរដើមដែលមានក្នុងភូមិសាស្ត្រឃុំរហាត់ទឹកស្រុកមង្គលបូរី ទើបបណ្តាលឲ្យទឹកមានព៌ណខៀវបែបនេះតែម្តងទៅ។លោកមេឃុំបន្តទៀតថា លោកចង់ជួយពលរដ្ឋដែរតែមិនដឹងធ្វើបែបណាមានតែចុះអប់រំពួកគាត់ឲ្យចេះ រក្សាសុខភាពអនាម័យដោយខ្លួនឯងប៉ុណ្ណោះហើយលោកបានសំណូមពរដល់ថ្នាក់ដឹកនាំខេត្តនិងមន្ត្រីជំនាញមេត្តាបើកទ្វារទឹកខាងលើផងដើម្បីឲ្យទឹកស្អុយវាហូរចេញទៅឆ្ងាយទើបធានាសុខភាពជូនពលរដ្ឋបានពុំនោះទេពលរដ្ឋរាប់ម៉ឺននាក់អាចនិងប្រឈមនិងឆ្លងជំងឺផ្សេងៗស្លាប់ជាមិនខានឡើយ។ ជាមួយគ្នានេះដែរប្រជាពលរដ្ឋក៏បានសំណូមពរដល់អាជ្ញាធរខេត្ត និងមន្ត្រីជំនាញពិសេសសម្តេចតេជោ ហ៊ុនសែនគួរចាត់ឲ្យមន្ត្រីក្រោមឱវ៉ាទជួយសង្គ្រោះប្រជាពលរដ្ឋនៅក្នុងស្រុកមង្គលបូរីនេះផង៕
