ភ្នំពេញ៖ យុវជនម្នាក់បានរងបួស ខណៈរួបគេបានជិះម៉ូតូស្មាស់មួយគ្រឿង ហើយត្រូវបានបុរសម្នាក់ បើករថយន្តកាមរីសេរីចាស់ បើកបត់មិនប្រយ័ត្នជ្រុ លបុកចំពីមុខពេញទំហឹង កាលពីវេលាម៉ោង២០និង៤០នាទីយប់ ថ្ងៃទី១២ ខែឧសភា ឆ្នាំ២០១៥ នៅចំណុចមុខហាងខារ៉ាអូខេ ដៃមែនស៊ីធី តាមបណ្តោយផ្លូវលេខ២០០៤ ស្ថិតក្នុងសង្កាត់កាកាប ខណ្ឌពោធិ៍សែនជ័យ ។តាមសាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្តមាកកាមរីសេរីចាស់ ពណ៌ខ្មៅ ពាក់ស្លាកលេខ ភ្នំពេញ 2I-7163 ធ្វើដំណើរតាមបណ្តោយផ្លូវលេខ២០០៤ ក្នុងទិសដៅពីត្បូងទៅជើង ខណៈមកដល់ចំណុចកើតហេតុ រថយន្តក៏បានបត់ទៅក្រោយវិញ ខណៈមកដល់ពាក់កណ្តាលផ្លូវ ក៏ត្រូវយុវជនម្នាក់ ជិះម៉ូតូស្មាស់ ពណ៌ខ្មៅ ពាក់ស្លាកលេខ ភ្នំពេញ 1P-9342 ធ្វើដំណើរតាមបណ្តោយផ្លូវលេខ២០០៤ ក្នុងទិសដៅពីជើងទៅត្បូង ដោយចាំហ្វ្រាំងមិនទាន់ ក៏បុកចំពីមុខពេញទំហឹង បណ្តាលឲ្យរការខូចខាត និងរបួសស្រាល ។
ក្រោយពេលកើតហេតុ ភាគីទាំងសងខាង បានធ្វើការសម្របសម្រួលគ្នា ដោយភាគីខាងរថយន្ត ចេញថ្លៃខូចខាតទៅលើម្ចាស់ម៉ូតូ ចំនួន១២០ដុល្លារ ដើម្បីបញ្ជប់រឿងនៅកន្លែងកើតហេតុ ដោយមិនរំខានដល់សមត្ថកិច្ច ៕