ភ្នំពេញ ៖ នារីវ័យក្មេង៣នាក់ជិះម៉ូតូស្តុបពីមួយគ្រឿង ឌុបគ្នាពីដើរលេងនៅក្នុងកោះពេជ្រ បំណងត្រឡប់ទៅផ្ទះវិញ ក៏ត្រូវចោរឆក់ទូរស័ព្ទទៅបាត់ ប៉ុន្តែបែរជាចោតមនុស្សច្រឡំទៅវិញ បង្កឱ្យមានការភ្ញាក់យ៉ាងខ្លាំង កាលពីវេលាម៉ោង៣នឹង៤៥នាទីទៀបភ្លឺ ថ្ងៃទី១៣ ខែឧសភា ឆ្នាំ២០១៥ មុខខារ៉ាអូខេគីរីរម្យ ស្ថិតក្នុងសង្កាត់បឹងព្រលឹត ខណ្ឌ៧មករា ។
នារីរងគ្រោះបានឱ្យដឹងថា នៅមុនពេលកើតហេតុ រូបនាងជាមួយមិត្តភក្ត្រស្រី២នាក់ទៀត បានជិះម៉ូតូមួយគ្រឿង ម៉ាកស្តុបពី ចេញពីដើរលេងនៅក្នុងកោះពេជ្រ រួចបានជិះបំណងត្រឡប់ទៅផ្ទះវិញ ខណះផ្លូវព្រះមុន្នីវង្ស កែងនឹងផ្លូវព្រះសីហនុ ក៏ត្រូវបានក្រុមចោរឆក់ទូរស័ព្ទដៃ សាមសុងកាឡាក់ស៊ីណូ ដែលកំពុងតែកាន់ ។
ប្រភពបន្តថា ភ្លាមនោះរូបនាងបានជិះម៉ូតូដេញតាម ប៉ុន្តែពួកគេបានគេចខ្លួនបាត់ ប៉ុន្តែពួកគេប្រទះជនសង្ស័យ២នាក់ រួចស្រែកថា ពួកគេជាអ្នកដែលឆក់ទូរសព្ទ័ដៃរបស់ខ្លួន ។ ប៉ុន្តែបើតាមការអះអាងរបស់អ្នកលក់មីឆាម្នាក់ បានបញ្ជាក់ឱ្យដឹងថា ពួកគេគឺបានចូលមកទិញទឹកក្រឡុក និងជាអ្នករត់តុគុយទាវ នៅតាមចិញ្ចើមផ្លូវនោះទេ រួមទាំងអ្នកនៅជិតកន្លែងកើតហេតុ ក៏បានបញ្ជាក់ដូច្នេះដែរ ។ រឿងនេះបង្កការភ្ញាក់ផ្អើល នឹងមានការចោមរោមមើលជាខ្លាំង ព្រោះតែមានការិះគន់ថា ចេះតែដើរចោទប្រកាន់គេតែផ្តាស់ ម្យ៉ាងទៀត ពួកគេសុតតែក្មេងៗ ហើយតាមសម្តីរបស់ពួកគេ ពិតជាមកពីទិញទឹកក្រឡុកនៅជិតវត្តមហាមន្ត្រីពិតមែន ។
មួយសន្ទុះក្រោយមក សមត្ថកិច្ចក៏បានធ្វើការសម្របសម្រួល ដល់ភាគីទាំងសងខាង រួចក៏បែកផ្លូវគ្នាទៅផ្ទះរៀងៗខ្លួនបាត់តែម្តទៅ ដោយសារតែអ្នកនៅជិតនោះ បានអះអាងថា ពួកក្មេងៗទាំង២នាក់ជាមនុស្សស្អាតស្អំ ៕
