បាត់ដំបង: ជនរងគ្រោះចំនួនពីរនាក់បានស្លាប់ភ្លាមៗយ៉ាងអាណោចអាធមកាលពីវេលាម៉ោង11,30នាទី យប់ថ្ងៃទី8-5-15 នៅលើកំណាត់ផ្លូវជាតិលេខ5 ត្រង់ចំនុចភូមិពពាលខែ ឃុំជ្រៃ ស្រុកថ្មគោល ខេត្តបាត់ដំបង ខណ:ដែលកំពុងជិះម៉ូតូធ្វើដំណើរត្រឡប់ទៅផ្ទះ ហើយត្រូវបានរថយន្តធំមួយគ្រឿងដែលពុំមាននរណាម្នាក់បានស្គាល់អត្តសញ្ញាណ បានបុកក្នុងទិសដៅច្រាស់ទិសគ្នា បណ្តាលអោយជនទាំងពីរនាក់ដួលដេកក្នុងថ្លុកឈាមទាំងកណ្តាលអាធ្រាត។
តាមការចុះត្រួតពិនិត្យពីកំលាំងសមត្ថកិច្ចមូលដ្ឋានបានអោយដឹងថា ជនរងគ្រោះទាំងពីរ
បានប្រើប្រាស់ម៉ូតូម៉ាកស្មាស់រីវ៉ូ ព៌ណខ្មៅ គ្មានស្លាកលេខ ដែលម្នាក់ៗទំនងដូចជាស្រវុឹង បានបើកបរក្នុងទិសដៅពីកើតទៅលិច ដោយអ្នកបើកបរមានឈ្មោះរឿង សាវង្ស ភេទប្រុស អាយុ43ឆ្នាំ និងអ្នករួមដំណើរមានឈ្មោះសៀង សុភ័ណ្ឌ ភេទប្រុស អាយុ25ឆ្នាំ ជនរងគ្រោះទាំងពីរនាក់រស់នៅភូមិអូរតាគី ឃុំអូរតាគី ស្រុកថ្មគោល មានមុខរបរជាកសិករ។
សមត្ថកិច្ចបានលើកឡើងនូវសំដីរបស់ប្រភពដែលនៅជិតនោះថា បន្ទាប់ពីបានឮសំលេង
នៃការប៉ះទង្គិចគ្នារួចមក គឺពួកគេបានឃើញមានតែរថយន្តធំមួយគ្រឿងប៉ុណ្ណោះដែល
ព្យាយាមបើកគេចចេញពីចំនុចកើតហេតុសំដៅទៅកាន់ក្រុងបាត់ដំបងរហូតដល់បាត់ស្រមោលតែម្តង លុះពេលដែលពួកគេចេញមកមើលគឺឃើញតែមនុស្សចំនួនពីរនាក់តែប៉ុណ្ណោះដែលដេកស្លាប់នៅក្នុងថ្លុកឈាមជិតកណ្តាលទ្រូងថ្នល់ ទើបពួកគាត់បាននាំគ្នារាយការរណ៍ទៅសមត្ថកិច្ចមូលដ្ឋានដើម្បីចាត់ការក្នុងរឿងនេះ។បើតាមការពិនិត្យគឺសមត្ថកិច្ចបានបញ្ជាក់ថា ទំនងជារថយន្តមានការងងុយដេកបានជាស្នាមកង់ដែលបុកជនរងគ្រោះគឺបានឆ្លងគំនូសលឿងចូលទៅលើដែនខាងម៉ូតូជាងមួយម៉ែត្រទៅហើយចំណែកម៉ូតូវិញក៏ជិះមិនបាននៅក្បែចិញ្ចើមថ្នល់ដែរគឺគេបានជ្រែមកជិតដល់ទ្រូងថ្នល់ទើបបណ្តាល
អោយមានគ្រោះថ្នាក់បែបនេះ។ម្យ៉ាងវិញទៀតបើតាមការរៀបរាប់របស់អ្នកភូមិដែលបាស្គាល់ច្បាស់ទៅលើជនរងគ្រោះបាននិយាយថា ស្ទើរតែរាល់ថ្ងៃទៅហើយដែលជនទាំងពីរនាក់នេះតែងតែផឹកសុីឡើងស្រវុឹងជោកជាំ ដូច្នេះការគ្រោះថ្នាក់នេះប្រហែលជាជនទាំងពីរស្រវុឹងដែរ។ពាក់ព័ន្ធនឹងករណីគ្រោះថ្នាក់ចរាចរនេះដែរ ក៏មានសមត្ថកិច្ចជាច្រើនបានរិះគន់ថា លោកអធិការស្រុកថ្មគោលមិនគួរណាធ្វើព្រងើយមិនព្រមរាយការណ៍យ៉ាងនេះសោះ ព្រោះក្រោយពេលកើត ហេតុភ្លាមៗបើកំលាំងស្រុករាយការណ៍មកខេត្តម្ល៉េះក៏ប្រហែលជាអាចឃាត់រថយន្តនោះបានបាត់ទៅហើយដោយមិនអាចគេចផុតបានឡើយព្រោះរថយន្តធំគឺមិនងាយរត់បានស្រួលនោះទេ ប៉ុន្តែអ្វីៗត្រូវបានបញ្ចប់ដោយសារតែគ្មានអ្នករាយការណ៍ ឬមួយក៏គេគិតថា សពជនរងគ្រោះគឺជាខ្មោចឆ្កែ?ដូច្នេះគួរតែលោកអធិការពិចារណាឡើងវិញ ធ្វើយ៉ាងណាកុំបុិនយកតម្រាប់តាមលោកអធិការមុនអោយសោះ ដែលមានគំនិតចង់តែលាក់លៀមដើម្បីសុីឡាក់ ព្រមទាំងមិនអនុវត្តតាមបទបញ្ជារបស់លោកស្នងការទាល់តែសោះ បើទោះបីជាមានករណីគ្រោះថ្នាក់ចរាចរដែលបង្កអោយមានមនុស្សស្លាប់ក៏ដោយក៏គេលាក់ទុកដើម្បីរកវិធីដោះស្រាយសិនដែរ ដូច្នេះគួរលះបង់ទម្លាប់នេះចោលប្រហែលជាអាចប្រសើរឡើង៕
