ស្ទឹងត្រែង៖ជនសង្ស័យម្នាក់ពាក់ព័ន្ធក្នុងករណីជួញដូរគ្រឿងញៀនត្រូវបានកំលាំងអធិការដ្ឋានគរបាលស្រុកសៀមប៉ាង ធ្វើការចាប់ខ្លួនតាមដីការបង្គោប់លេខ៥៩៦ចុះថ្ងៃទី៧ខែសីហាឆ្នាំ២០១៣របស់សាលាដំបូងខេត្តស្ទឹងត្រែង បញ្ជូនមកកាន់ស្នងការដ្ឋានខេត្ត។ ជនសង្ស័យម្នាក់ពាក់ព័ន្ធនិងការជួញដូរគ្រឿងញៀនខាងលើ ត្រូវបានកំលាំងអធិការដ្ឋាស្រុកធ្វើការឃាត់ខ្លួនកាលពីវេលាម៉ោង៤និង៣០នាទីរសៀលថ្ងៃទី១២ខែឧសភាឆ្នាំ២០១៥នៅចំនុចស្ពានអូរខិះ ស្ថិតក្នុងភូមិពងគ្រៀល ឃុំព្រែកមាស ស្រុកសៀមប៉ាងខេត្តស្ទឹងត្រែង។
លោកវរសេនីយ៍ទោនូវ ហួរនាយការិយាល័យប្រឆាំងគ្រឿងញៀនខេត្តបានអោយដឹងថាជនសង្ស័យដែលសមត្ថកិច្ចឃាត់ខ្លួនមានឈ្មោះស៊ី ម៉ន់ឡើយ ភេទប្រុស អាយុ២៦ឆ្នាំមានទីលំនៅក្នុងភូមិពងគ្រៀល ឃុំព្រែកមាស ស្រុកសៀមប៉ាងខេត្តស្ទឹងត្រែង។
លោកវរសេនីយ៍ទោបានបន្តអោយដឹងទៀតថាជនសង្ស័យដែលសមត្ថកិច្ចចាប់ខ្លួនខាងលើពាក់ព័ន្ធនិងការជាប់ចោទពីបទជួញដូរដោយខុសច្បាប់ នូវសារធារតញៀនព្រព្រឹត្តនៅភូមិសៀមប៉ាង ឃុំសេកុង ស្រុកសៀមប៉ាង ខេត្តស្ទឹងត្រែ កាលពីថ្ងៃទី២៣ខែមករាឆ្នាំ២០១៣។ក្រោយពីជនសង្ស័យគេចខ្លួនមួយរយះ ពេលត្រឡប់មកវិញ ក៏ត្រូវបាជាអន្ទាក់សមត្ថកិច្ចតែម្តង។ បច្ចុប្បន្នជនសង្ស័យត្រូវបានសមត្ថកិច្ចជំនាញរៀបចំសំណុំរឿងបញ្ជូនខ្លួនទៅកាន់អយ្យការសាលាដំបូងខេត្តដើម្បីចាត់ការតាមផ្លូវច្បាប់៕