ខេត្តបន្ទាយមានជ័យលោកឧត្តមសេនីយ៍ត្រី អាត់ ខែមស្នងការនគបាលខេត្តបន្ទាយមានជ័យបានបង្ហាញពីការប្តេជ្ញាចិត្ត និងផែនការលើការពង្រឹងបញ្ហាសន្តិសុខនិងការពារទប់ស្កាត់ បទល្មើសក៏ដូចជាការខិតខំបម្រើសេវាសាធារណៈនិងជួយអន្តរាគមន៍គ្រប់ទីកន្លែង ជូនប្រជាពលរដ្ឋ នៅទូទាំងខេត្តទាំងអស់។លោកអាត់ខែមបានបញ្ជាក់ថាកម្លាំងនគរបាលទាំងអស់ត្រូវបន្តអនុវត្តនិងស្តាប់បទបញ្ជានិងអនុសាសន៍របស់ថ្នាក់ដឹកនាំធ្វើឲ្យយ៉ាងណាឲ្យប្រជាពលរដ្ឋមានសុវត្ថិភាពសន្តិសុខល្អទាំងការរស់នៅនិងរកស៊ី ។ការបង្ហាញផែនការ លើការកិច្ចការពារ សន្តិសុខ ខាងលើនេះ បានធ្វើឡើង ដែល នគរបាលជាតិ បានប្រារព្ធខួបថ្ងៃបង្កើត នគរបាលជាតិ រយះពេល៧០ឆ្នាំ (១៦ ឧសភា ១៩៤៥-១៦ ឧសភា ២០១៥)។លោក អាត់ ខែម បានបញ្ជាក់ យ៉ាងដូច្នេះទៀតថា «រយះពេលជាង១ឆ្នាំមកនោះកម្លាំងនគរបាលទូទាំងខេត្តបានអនុវត្តនិង ស្តាប់តាមអនុសាសន៍ដ៏ថ្លៃថ្លានិងបទបញ្ជាយ៉ាងម៉ឺងម៉ាត់របស់រថ្នាក់លើបានយ៉ាងល្អ។លោកបាននិយាយបន្តទៀតថាការពង្រឹងបញ្ហាសន្តិសុខនិងសណ្តាប់ធ្នាប់ សាធារណៈជូនប្រជាពលរដ្ឋកាន់តែមានភាពប្រសើឡើង នៅទូទាំងខេត្តនាពេលកន្លងទៅកម្លាំងនគរបាលបានចូលរួម ចំណែកយ៉ាងច្រើនលើការទប់ស្កាត់បទល្មើសផ្សេងៗដូចជា ករណីចោរកម្ម គ្រឿងញៀន ការលួចដែន ខុសច្បាប់ គ្រោះអគ្គិភ័យ គ្រោះទឹកជំនន់ ខ្យល់ព្យុះ និងគ្រោះថ្នាក់ ចរាចរណ៍ ជាដើម ក្នុងនោះ រាប់ទាំងការផ្តល់ សេវាសាធារណៈជូន ប្រជាពលរដ្ឋតាម ភូមិ-ឃុំ ទៀតផង ដែលមានការកោតសរសើ ពីប្រជាពលរដ្ឋ តាមមូលដ្ឋាន យ៉ាងខ្លាំងទៀតផង។លោកបានបន្តទៀតថាជាមួយនឹងការបន្តអនុវត្តបទបញ្ជារបស់ថ្នាក់ដឹកនាំនោះលោកស្នងការនឹងបន្តខិតខំ ជំរុញឲ្យកងនគរបាលនៅខេត្តបន្ទាយមានជ័យ ទាំងអស់ ទាំងស្នងការរង ប្រធានការិយាល័យ អធិការ ក្រុង-ស្រុក វរការពារ ព្រំដែនទាំង៤ ប៉ុស្តិ៍រដ្ឋបាលតាមឃុំ និងប៉ុស្តិ៍តាមព្រំដែន ជាដើម ត្រូវចេះ អនុវត្តដូច អនុសាសន៍របស់ ប្រមុខរាជរដ្ឋាភិបាល ដូចជា «ឆ្លុះកញ្ចក់ ងូតទឹក ដុះក្អែល និងព្យាបាល» ឲ្យបាន ជាប្រចាំ ។ក្រៅពីការចូលរួម ចំណែក លើការងារក្នុង វិស័យអាណាចក្រ ប៉ុន្តែទន្ទឹមនោះ កម្លាំងនគរបាលទាំងអស់ បានចូលរួម ចំណែកជួយយ៉ាងច្រើន ក្នុងវិស័យពុទ្ធច្រកផងដែរ ។បើតាមលោកស្នងការ ចំពោះការងារពង្រឹងបញ្ហាសន្តិសុខ ជូនប្រជាពលរដ្ឋនោះ លោកឧបនាយករដ្ឋមន្ត្រី កែ គឹមយ៉ាន ដែលជាប្រធានក្រុមការងារថ្នាក់ជាតិ បានធ្វើការជំរុញជាបន្តបន្ទាប់ និងជាប្រចាំធ្វើយ៉ាងណាឲ្យ ប្រជាពលរដ្ឋមាន សន្តិសុខ ទាំងផ្លូវកាយ និងផ្លូវចិត្ត លើការរស់នៅ និងរកស៊ី។លោកបានបញ្ជាក់ទៀតថា ក្នុងរយះ ពេលថ្មីៗនេះពោលសម្រាប់គ្រោះធម្មជាតិដោយខ្យល់កន្ត្រាក់នៅតាមបណ្តាស្រុកក្រុងនោះកម្លាំងនគរបាលបានចូលរួមសហការជាមួយកម្លាំងអាជ្ញាធរនិងសមត្ថកិច្ចពាក់ព័ន្ធផ្សេងទៀត បានចុះជួយអន្តរាគមន៍ភ្លាមៗផងដែរ លើការជួយរុះរើ ដឹកជញ្ជូន ជួសជុល និងសាងសង់ផ្ទះជូន ប្រជាពលរដ្ឋទាំងនោះឡើងវិញនៅតាមស្រុកដែលរងគ្រោះដោយគ្រោះធម្មជាតិផងដែរ៕