ខេត្តបន្ទាយមានជ័យ
ប្រជាពលរដ្ឋនៅភូមិពង្រ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យជាច្រើនគ្រួសារមានការព្រួយបារម្យយ៉ាងខ្លាំងខ្លាចកូនចៅរបស់គាត់ធ្លាក់ក្នុងរណ្តៅស្លាប់ជាយថាហេតុព្រោះមានក្រុនហ៊ុន២កំពុងកាយអាចម៍ដីយកលក់យ៉ាងអាណាធិបតេយ្យនៅជាប់និងរបងផ្ទះពួកគាត់។ប្រជាពលរដ្ឋបាននិយាយថាក្រោយពេលខេត្តបិទអាជ្ញាប័ណ្ណក្រុមហ៊ុនមិនអោយកាយភ្នំបន្តនោះមានក្រុមហ៊ុន២គ្មានច្បាប់កំពុងយកម៉ៃខូយកទៅជីកដីជ្រៅៗហើយដីបាក់ជាបន្តបន្ទាប់ធ្វើប្រជាពលរដ្ឋមានការព្រួយបារម្យខ្លាចគ្រោះថ្នាក់ដល់កូនចៅគាត់សុំអោយអភិបាលខេត្តមានវិធានតាមច្បាប់បញ្ឈប់ការជីកកកាយលើដីរបស់ពួកគាត់បន្ត។ប្រជាពលរដ្ឋបាននិយាយបន្តថាកាលពីកន្លងមកមានក្រុមហ៊ុនចំនួន៤បានកាយភ្នំយកដីលក់ធ្វើជាអាជីវកម្មគិតតែពីប្រយោជន៍ផ្ទាល់ខ្លួនបណ្តាលអោយភ្នំ៤នៅចំកណ្តាលក្រុងសិរីសោភ័ណត្រូវបានបំផ្លាញអស់មួយចំនួនធំ។ក្រោយពេលលោក គោស៊ុំ សារឿត អភិបាលខេត្តបន្ទាយមានជ័យទើបកាន់តំណែងខេត្តថ្មីបានស្នើរសុំឲ្យក្រសួងរ៉ែនិងផាមពលបិតអាជ្ញាប័នបញ្ឈប់ឲ្យធ្វើសកម្មភាពកាយដីភ្នំលក់បន្តដើម្បីរក្សាទុកជាតំបន់រម្មណីយ៍ដ្ឋានធម្មជាតិ។ក្រោយពេលដែលខេត្តបិតអាជ្ញាប័នមិនឲ្យកាយដីភ្នំកណ្តាលក្រុងសិរីសោភ័ណក្នុងចំណោមក្រុមហ៊ុន៤ មានក្រុមហ៊ុន១បានលួចកាយនៅចំណុចភ្នំបាក់សង្កាត់ទឹកផ្លា។ហើយមានក្រុមហ៊ុន២ដែលកំពុងធ្វើសកម្មភាពកាយដីនៅចំណុចភូមិពង្រសង្កាត់កំពង់ស្វាយមានក្រុមហ៊ុន ឡាចហុក ដែលកាយខាងត្បូងចាក់សម្រាមដែលកាយអស់ប្រមាណបណ្តោយជាង២.០០ម៉ែត្រទទឹង៥០ម៉ែត្រជម្រៅជិត១០ម៉ែត្រក្រុមហ៊ុនភ្លន់ហង្សកាយខាងលិចគ្នាប្រមាណជាង១០០ម៉ែត្រដែលទំហំធំហើយជម្រៅជិត១០ម៉ែត្រ។ប្រជាពលរដ្ឋនៅក្នុងភមិពង្រសុំឲ្យលោកអភិបាលខេត្តត្រូវមានវិធានចំពោះក្រុមហ៊ុនកាយដីលក់ដែលបណ្តោយឲ្យបាក់ដីចូលដីរបស់គាត់ហើយជាការព្រួយបារម្យគ្រោះថ្នាក់កើតមានដល់មនុស្សនិងសត្វ។លោក ភ្លន់តារាម្ចាស់ក្រុមហ៊ុនភ្លន់ហង្សបានប្រាប់ថា៖ដីដែលកាយគឺដីដែលគាត់បានទិញពីប្រជាពលរដ្ឋកាយយកដីលក់និងមានច្បាប់ឲ្យកាយ។នៅចំណុចខាងកើតគ្នានេះគឺក្រុមហ៊ុនឡាចហុកដែលកាយរណ្តៅសម្រាប់ចាក់សំរាម។ លោក វៃ គេងលី អភិបាលរងក្រុងសិរីសោភ័ណបានប្រាប់ថាក្រុមហ៊ុនឡាចហុកដែលកាយខាងត្បូងកន្លែងចាក់សំរាមដែលជាដីសាលាក្រុងដែលឲ្យក្រុមកាយយកដីលក់តែរណ្តៅជាកន្លែងចាក់សំរាមតែបុណ្ណោះ។ចំណែកក្រុមហ៊ុនភ្លន់ហង្សដែលកាយខាងលិចគ្នាប្រមាណ១០០ម៉ែត្រគឺក្រុមហ៊ុនជាអ្នកទិញដីស្រែពីប្រជាពលរដ្ឋហើយកាយរយះពេលជិត១ខែហើយទើបរត់មកសុំច្បាប់តែសាលាក្រុងមិនទាន់សម្រេចចេញច្បាប់ឲ្យក្រុមហ៊ុនភ្លន់ហង្សនៅឡើយទេ៕