ភ្នំពេញ៖ រនាំងដែកពុះចែកទ្រូងផ្លូវចំនួន១០ផ្ទាំង បានរងការខូចខាតរាយប៉ាយពេញផ្លូវ ខណៈបុរសជនជាតិភីលី ពីនម្នាក់ចេញពីក្លឹបស្រវឹងស្រាជោគជាំ បើករថយន្តក្នុងល្បឿនលឿនបុករៈពេញទំហឹង កាលពីវេលាម៉ោង២និង៣០នាទីទាប់ភ្លឺ ថ្ងៃទី១៨ខែឧសភា ឆ្នាំ២០១៥ នៅចំណុចក្រសួងការពាជាតិ តាមបណ្តោយផ្លូវសហព័ន្ធរុស្ស៊ី ស្ថិតក្នុងសង្កាត់ស្រះចក ខណ្ឌដូនពេញ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តមួយគ្រឿងម៉ាកតាកូម៉ាក ពណ៌សំបកឪឡឹក ពាក់ស្លាកលេខភ្នំពេញ1Y-4768 ធ្វើដំណើរតាមបណ្តោយផ្លូវសហព័ន្ធរុស្ស៊ី ក្នុងទិសដៅពីកើតទៅលិចក្នុងល្បឿនលឿន ខណៈមកដល់ចំណុចកើតហេតុបានរ៉េចង្កូតបុករៈរនាំងដែកពុះចែកទ្រួងផ្លូវបណ្តាលឲ្យបាក់រាយប៉ាយពេញផ្លូវរងការខូចខាត។
សមត្ថកិច្ចបានឲ្យដឹងថា បុរសម្ចាស់រថយន្តបង្ក ត្រូវបានគេស្គាល់ឈ្មោះ យែរ អាយុ៣៦ ឆ្នាំ ស្នាក់នៅម្តុំវត្តទឹកថ្លា ។
តាមការៀបរាប់ពីបុរសជាម្ចាស់រថយន្តបង្កបានឲ្យដឹងថា មុនពេលកើតហេតុរួបគេបានបានចេញពីក្លឹបស៊ីធីម៉ល ដោយស្រវឹងស្រាខ្លាំងពេកក៏បានបើករថយន្តក្នុងបំណងទៅផ្ទះខណៈមកដល់ចំណុចកើតហេតុក៏បានរ៉េចង្កូតទៅបុករនាំងដែកពុះចែកទ្រួងផ្លូវតែម្តង។
ក្រោយពេលកើតហេតុ រថយន្តបង្ករួមទាំងម្ចាស់ ត្រូវបានសមត្ថកិច្ចមូលដ្ឋាន បានសហការជាមួយជំនាញ ស្ទួចយកទៅការិយាល័យចរាចរណ៍ជើងគោក ដើម្បីដោះស្រាយតាមផ្លូវច្បាប់ ៕