ភ្នំពេញ ៖ កញ្ញាម្នាក់ដែលត្រូវបានគេស្គាល់ថា ជាពិធីការិនី និងជាតារាចម្រៀង គឺកញ្ញា សា សា បានបើករថយន្ត សេរីទំនើប បុកម៉ូតូជនជាតិបរទេស បណ្តាលឱ្យរងរបួសធ្ងន់ធ្ងរបាក់ដៃ ត្រូវបានរថយន្តសាមុយ ដឹកយកទៅ សង្គ្រោះនៅមន្ទីរពេទ្យ កាលពីវេលាម៉ោង១១នឹង៥០នាទីយប់ ថ្ងៃទី១៥ ខែឧសភា ឆ្នាំ២០១៥ ស្ថិតតាមបណ្តោយផ្លូវលេខ៤៧៤ កែងនឹងផ្លូវព្រះមុន្នីវង្ស ស្ថិតក្នុងសង្កាត់បឹងត្របែក ខណ្ឌចំការមន និងបង្កការភ្ញាក់ដល់អ្នកដំណើរ ជាច្រើននាក់នាំគ្នាចោមរោមមើល ដោយសារតែនាងបង្កគ្រោះថ្នាក់ចរាចរណ៍ ហើយបានប្រើពាក្យសម្តីមិនសមរម្យជាមួយនឹងសមត្ថកិច្ចថែមទៀតផង ។
ប្រភពពត៌មានបានឱ្យដឹងថា មុនពេលកើតហេតុគេបានឃើញបុរសជនជាតិបរទេសម្នាក់ ជិះម៉ូតូវ៉េវ ពណ៍ស្លែ ពាក់ស្លាកលេខ ភ្នំពេញ 1T-4534 ទិសដៅពីជើងទៅត្បូង លុះមកដល់ចំណុចកើតហេតុមុននឹងមជ្ឍ មណ្ឌលកំសាន្តរ៉ុក ស្រាប់តែមានរថយន្តសេរីទំនើបម៉ាក PORSCHE ពណ៍ស ពាក់ស្លាកលេខភ្នំពេញ 2AD- 7888 បើកបរដោយកញ្ញាម្នាក់ជាពិធីការិនី និងជាតារាចម្រៀង កញ្ញា សាសា បានបើកបរតាមបណ្តោយផ្លូវលេខ ៤៧៤ ទិសដៅពីលិចទៅកើតឡើងទៅផ្លូវព្រះមុន្នីវង្ស បានបុកម៉ូតូជនជាតិបរទេស បណ្តាលឱ្យជនជាតិបរទេស រងរបួសធ្ងន់ធ្ងរបា
ក់ដៃម្ខាង ត្រូវបានរថយន្តសាមុយដឹកយកទៅសង្គ្រោះនៅមន្ទីរពេទ្យភ្លាមៗ ។ ប្រភពបន្តថា អ្វីដែលគួរឱ្យហួសចិត្តនោះ គឺរូបនាងបានប្រើពាក្យសម្តីមិនសមរម្យជាមួយសមត្ថកិច្ច ខណះដែលចុះទៅអន្តរាគន៍ ដល់កន្លែងកើតហេតុ រួមទាំងអ្នកដែលឈរមើលផងដែរ បង្កឱ្យមានការភ្ញាក់ផ្អើលដល់អ្នកដំណើរជាច្រើននាក់ នាំគ្នាចោមរោមមើល និងរិះគន់គ្រប់គ្នាផងដែរ ។
មួយសន្ទុះក្រោយមក ក៏មានតំណាងខាងជនជាតិបរទេស បានមកធ្វើការចរចា និងបានធ្វើការសម្របសម្រួលគ្នា ចេញសងថ្លៃព្យាបាលជំងឺ និងខូចខាតម៉ូតូទាំងអស់ ៕
