ភ្នំពេញ ៖ រថយន្តកាមម៉ារីឆ្លាមមួយគ្រឿងពណ៌ខ្មៅបានបោះពួយលឿនខណៈមកដល់ចំណុច ស្ដុបទេពផន រថយន្តបានជ្រុលចង្កូតទៅខាងឆ្វេងដៃ បុករះម៉ូតូ២គ្រឿងបណ្ដាលអោយរងការខូចខាត ហើយរថយន្តព្យាយាមបើករត់តែត្រូវឃាត់ជាប់នៅចំណុចមុខមជ្ឈមណ្ឌលកម្សាន្តស្ប៉ាក កាលពីវេលាម៉ោង ៩និង២០នាទីយប់ថ្ងៃទី០៩ខែមេសាឆ្នាំ២០១៤ នៅចំណុចស្តុបទេពផន ស្ថិតនៅក្នុងសង្កាត់ដេប៉ូ ខណ្ឌទួលគោក ។
ប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុមានរថយន្តមួយគ្រឿងម៉ាកតូយ៉ូតូកាមរី (ឆ្លាម) មួយគ្រឿងពណ៌ខ្មៅ ពាក់ស្លាកលេខភ្នំពេញ2P-0684បានបើកធ្វើដំណើរយ៉ាងលឿនក្នុងទិសដៅពីត្បូងទៅជើង ខណៈមកដល់ចំណុចស្តុបទេពផន រថយន្តបានជ្រុល
ចង្កូតទៅខាងឆ្វេងដៃ បុករះម៉ូតូ២គ្រឿងកំពុងរង់ចាំឆ្លងស្តុបមួយគ្រឿងម៉ាកហុងដាឌ្រីម ធុនសេ១១០ពណ៌ខ្មៅពាក់ស្លាកលេខ1BQ-0715 បាក់កាំនិងមួយគ្រឿងទៀតម៉ាកហុងដា អាយខុន ពណ៌ទឹកសមុទ្រ ពាក់ស្លាកលេខ ភ្នំពេញ 1BM-4876 ខូតខាតបន្តិចបន្តួច។ បន្ទាប់ពីកើតហេតុរថយន្តពុំបានឈប់ទេដោយខំប្រឹងបើករត់គេច ប៉ុន្តែត្រូវបានជនរងគ្រោះ ជិះម៉ូតូដេញតាមទាន់នៅចំណុច មុខមជ្ឈមណ្ឌលស្ប៉ាក។ ក្រោយពេលកើតហេតុសមត្ថកិច្ច បានរកវិធីដើម្បីនាំរថយន្តបង្កទៅកន្លែងកើតហេតុ ដោះស្រាយគ្នាតាមផ្លូវច្បាប់៕
