ខេត្តបន្ទាយមានជ័យ៖នៅសាលប្រជុំសាលាខេត្តនាព្រឹកថ្ងៃទី៣ខែមិថុនាឆ្នាំ២០១៥នេះបានរៀបចំបើកសិក្ខាសាលាស្តីពីការធ្វើអាជីវកម្មលើគម្រោងវិនិយោគរួមដោយគ្មានអាជ្ញាប័ណ្ណនិងការស្វែងយល់អំពីការជួញដូរមូលប័ត្រនៅកម្ពុជា។សិក្ខាសាលានេះមានការចូលរួមលោកសៀងធីរិទ្ធអគ្គនាយករងនៃគណះកម្មធិការមូលបត្រកម្ពុជា លោកចុងផែត អភិបាលរងខេត្តបន្ទាយមានជ័យ សមិត្តកិច្ចនិងមន្ត្រីរាជការជាច្រើននាក់។លោកសៀងធីរិទ្ធបានមានប្រសាសន៍ក្នុងសិក្ខាសាលានោះថាទីផ្សារមូលបត្រជាអ្វី ទីផ្សារមូលបត្រគឺសំដៅដល់ទីផ្សារឬកន្លែងជួញដូរមូលបត្រឬប្រព័ន្ធដែលផ្តល់មធ្យោបាយនៃការធ្វើសំណើរលក់ ផ្ទេរឬស្វីការទិញ លក់មូលបត្រ។លោកបានបន្តទៀតថាអត្ថប្រយោជន៍របស់ទីផ្សារមូលបត្រចំពោះសេដ្ឋកិច្ចជាតិនោះគឺបានជួយជំរុញឲ្យមហាជនបង្កើននៅការសន្សំប្រាក់និងគៀរគមូលធនដែលនៅសេសសល់ មិនមានតម្រូវការប្រើប្រាស់យកទៅវិនិយោគនៅក្នុងសេដ្ឋកិច្ចឡើយ។លោកបានបន្តទៀតថាការជួញដូរមូលបត្រនៅទីផ្សារនៅកម្ពុជាមានអត្ថប្រយោជន៍ដូចជាទទួលបាន
ភាគលាភ ទទួលបានប្រាក់ចំណេញទទួលបានភាភជាម្ចាស់កម្មសិទ្ធិទទួលបានការលើកទឹកចិត្តពន្ធដារជាដើម។លោកបានបញ្ជាក់ទៀតថាកន្លងមក មានអង្ការ សមាគម និងក្រុមហ៊ុនមួយចំនួនបាននិងកំពុងធ្វើការផ្សព្វផ្សាយតាមបណ្តាសាធារណនិងតាមសិក្ខាសាលានានាព្រមទាំងបានប្រើប្រាស់ប្រព័ន្ធទាក់ទាញអតិថិជនជាលក្ខណះបណ្តាញតៗគ្នាដើម្បីឲ្យសាធារណះជនដាក់ប្រាក់វិនិយោគដោយផ្ទាល់ដោយសន្យាផ្តល់ដល់អ្នកដាក់ប្រាក់វិនិយោគទាំងនោះត្រូវបានផលប្រយោជន៍ជាប្រាក់ចំណេញច្រើន។លោកបានបន្តទៀតថាក្នុងករណីបុគ្គលណាដែលធ្វើអាជីវកម្មមូបត្រឬតាំងខ្លួនជាអ្នកធ្វើអាជីកម្មមូលបត្រដោយគ្មានអាជ្ញាប័ណ្ណពីអគ្គនាយកនៃ គ ម កត្រូវផ្តន្ទាទោសដាក់ពន្ធាគារពី១ឆ្នាំដល់៥ឆ្នាំនិងពិន័យជាប្រាក់ចាប់ពី២លានរៀលទៅ១០លានរៀលចំពោះនីតិបុគ្គលដែលបានប្រព្រឹត្តល្មើសត្រូវផ្តន្ទាទោសពិន័យជាប្រាក់ចាប់ពី២០លានរៀលដល់៥០លានរៀល
