កំពង់ឆ្នាំង៖ មានការភាញាក់ផ្អើលមួយនៅក្នុងក្រុងកំពង់ឆ្នាំងនិងផ្អើលដល់សម្តេចគតិព្រឹទ្ធបណ្ឌិត ដោយកាលពីព្រឹកថ្ងៃទី០៣ ខែមិថុនា ឆ្នាំ២០១៥ លោកព្រះរាជអាជ្ញាខេត្តបានដឹកនាំសមត្ថកិច្ចចំរុះចុះទៅអនុវត្តសាលដីកាដោយបង្ខំ របស់លោកចៅក្រម សាន សុផាត ចុះរឹបអូសសម្ភារៈដៃគោយន្ត៨គ្រឿងមានតម្លៃ១ម៉ឺនដុល្លា ពីកូនស្រីកូនបំ ណុលម្នាក់ជំនួសឪពុកម្តាយដែលបានជំពាក់បំណុលគេតែចំនួន៥៣៨០ដុល្លា នៅភូមិផ្សារឆ្នាំង សង្កាត់ផ្សារឆ្នាំង ក្រុងកំពង់ឆ្នាំង ដោយសារតែកូនបំណុលជាឪពុកធ្លាក់ខ្លួនឈឺងាប់មួយចំហៀងខ្លួន គ្មានលទ្ធភាព
រកលុយសងគេ។ក្រោយពីបានដឹងហេតុការណ៍នេះ ដោយក្តីអាណិតអាសូរ នៅល្ងាចថ្ងៃទី០៣ ខែមិថុនា ឆ្នាំ២០១៥ សម្តេចគតិព្រឹទ្ធបណ្ឌិតប្រធានកាកបាទក្រហមកម្ពុជាបានផ្តល់ថវិកាចំនួន៦ពាន់ដុល្លាតាមរយៈក្រុមការងារ អោយឯកឧត្តមអភិបាលខេត្តកំពង់ឆ្នាំង ជូនទៅកូនបំណុល យកសងជូនម្ចាស់បំណុលបញ្ចប់រឿងក្តី។ស្ត្រីជាកូនបំណុលឈ្មោះ សៅ ញ៉ក់ មានប្តីឈ្មោះ ហ៊ុន ហៀង(មានជម្ងឺលើសឈាមងាប់មួយចំហៀងខ្លួន)បានអោយដឹងថា៖គាត់ជំពាក់ប្រាក់ម្ចាស់បំណុលឈ្មោះ សំ ណាំរិន ជាភរិយាអតីតនាយខ័ណ្ឌរដ្ឋបាលជលផលកំពង់ឆ្នាំងម្នាក់ចំនួន៥៣៨០ដុល្លា ដោយបានសងប្រាក់ការ១៥០ដុល្លាក្នុងខែ(រយៈពេល៥ខែ)ក្រោយមកដោយសារប្តីធ្លាក់ខ្លួនឈឺ គាត់បានសងប្រាក់ការតែ១០០ដុល្លាក្នុងខែ ក្រោយមកទៀតគាត់មិនបានបង់ការប្រាក់អោយគេ៣ទៅ៤ខែ ទើបម្ចាស់បំណុលគេប្តឹងទៅតុលាការ។
បន្ទាប់មកពួកគាត់បានផ្ទេរឥវ៉ាន់ទាំងអស់ក្នុងផ្ទះអោយទៅកូនស្រី ឈ្មោះ លី ស្រីម៉ុច និងប្តី លក់ដូរហើយកូនស្រីគាត់ក៏បានខ្ចីប្រាក់ពីធនាគារបន្ថែម៥ម៉ឺនដុល្លា ដើម្បីទិញគ្រឿម៉ាស៊ីនបន្ថែមលកើដូរចិញ្ចឹមឪពុកម្តាយ និងដើម្បីរកលុយសងគេជំនួសឪពុកម្តាយ។ក្នុងពេលម្ចាស់បំណុលប្តឹងទាមទារលុយជំពាក់ទាំងអស់នៅតុលាការ កូនស្រីគាត់បានសុខចិត្តសងប្រាក់ក្នុង១ខែៗ១០០ដុល្លាបន្តទៀតដែរ តែម្ចាស់បំណុលមិនសុខចិត្ត គឺប្តឹងទាមទារសុំអោយសងទាំងអស់។មន្ត្រីតុលាការម្នាក់បាននិយាយអោយដឹងថា៖នៅព្រឹកថ្ងៃទី០៣ ខែមិថុនា ឆ្នាំ២០១៥ លោកព្រះរាជអាជ្ញាខេត្តបានដឹកនាំលោកព្រះរាជអាជ្ញារង២រូប និងសមត្ថកិច្ចចំរុះចុះជាង២០នាក់ទៅអនុវត្តសាលដីកាសុំអនុវត្តន៍ដោយបង្ខំ តាមសំណុំរឿងរដ្ឋប្បវេណីលេខ២០២ ចុះថ្ងៃទី០៨ ខែតុលា ឆ្នាំ២០១៤ របស់លោកចៅក្រម សាន សុផាត ដោយចុះរឹបអូសសម្ភារៈដៃគោយន្ត៨គ្រឿងមានតម្លៃ៦៤០០ដុល្លា( តែកូនបំណុលថាមានតម្លៃ១ម៉ឺនដុល្លា )នៅក្នុងផ្ទះកូនបំណុល។ដោយឡែកនៅក្នុងអំណាចសាលក្រមខាងលើ ម្ចាស់បំណុលបានស្នើសុំអនុវត្តដោយបង្ខំតាមលិខិតលេខ៥២១ ចុះថ្ងៃទី១៧ ខែមិនា ឆ្នាំ២០១៥ ទាមទារទឹកប្រាក់ជម្ងឺចិត្តចំនួន១ពាន់ដុល្លាទៀត និងលុយជំពាក់៥.៣៨០ដុល្លា សរុបទាំងអស់ចំនួន៦៣៨០ដុល្លា។
ដោយមានក្តីអាណិតអាសូរដល់ក្រុមគ្រួសារប្រជាពលរដ្ឋជាកូនបំណុល នៅល្ងាចថ្ងៃទី០៣ ខែមិថុនា ឆ្នាំ២០១៥ ក្រុមការងាររបស់សម្តេចកិត្តិព្រឹទ្ធបណ្ឌិតប្រធានកាកបាទក្រហមកម្ពុជា បាននាំយកថវិកាជាអំណោយចំនួន៦ពាន់ដុល្លារបស់សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន មកផ្តល់ជូនកូនបំណុលនៅក្នុងសាលាខេត្តកំ ពង់ឆ្នាំង។នៅក្នុងល្ងាចនោះដែរ ឯកឧត្តម ឈួរ ចន្ទ័ឌឿន អភិបាលខេត្តនិងក្រុមការងារ បានធ្វើពិធីប្រគល់ថវិកានោះសងទៅម្ចាស់បំណុលវិញ ដោយបានធ្វើឯកសារសងបំណុលត្រឹមត្រូវ និងមានការយល់ព្រមប្តិតមេដៃរប ស់កូនបំណុល និងម្ចាស់បំណុលផងដែរ ដើម្បីរឿងក្តីនេះ។ទន្ទឹមនោះដែរអាជ្ញាធរខេត្តបានស្នើសុំអោយតុលា
ការខេត្តប្រគល់ដៃគោយន្តចំនួន៨គ្រឿងដែលបានរឹបអូសកាលពីព្រឹកជូនទៅកូនបំណុលវិញផងដែរ។លោកស្រី សៅ ញ៉ក់ និងប្តីជាកូនបំណុលបានបងហូរទឹកភ្នែកក្នុងក្តីរំភើប សូមថ្លែងអំណរគុណយ៉ាងជ្រា លជ្រៅ និងសូមដឹងគុណអស់មួយជីវិតចំពោះសម្តេចតេជោ និងសម្តេចកិត្តិព្រឹទ្ធបណ្ឌិត ដែលតែងជួយសង្គ្រោះដល់ប្រជាពលរដ្ឋក្រីក្រគ្រប់គ្រួសារដោយមិនរើសអើងនោះឡើយ និងសូមបួងសួងដល់វត្ថុសាកសិទ្ធតាមជួយថែរក្សាសម្តេចទាំង២សូមជួបតែសេចក្តីសុខជារៀងរហូត៕