ខេត្ដឧត្ដរមានជ័យ ៖ នៅព្រឹកថ្ងៃទី៦ ខែមិថុនា ឆ្នាំ២០១៥ នៅទីស្នាក់ការ គណបក្សប្រជាជនកម្ពុជាខេត្ដឧត្ដរមានជ័យបានរៀបចំកិច្ចប្រជុំការផ្សព្វផ្សាយ ស្ដីពីរដ្ឋធម្មនុញ្ញ ជំពូកទី១៥ថ្មី, ច្បាប់ ស្ដីពីការរៀបចំ និងការប្រព្រឹត្ដទៅនៃ គណៈកម្មាធិការជាតិរៀបចំការបោះ ឆ្នោត, ច្បាប់
ស្ដីពីការបោះឆ្នោតជ្រើស រើសតំណាងរាស្ដ្រក្រោមអធិបតីភាព លោកប៊ិន ឈិន សមាជិកគណៈអចិន្ដ្រៃយ៍ គណៈកម្មាធិការកណ្ដាលគណបក្សប្រជា ជនកម្ពុជា និងមានការអញ្ជើញចូលរួម ពីនាយឧត្ដមសេនីយ៍ គន់ គីម ប្រធាន ក្រុមការងារពង្រឹងខេត្ដឧត្ដរមានជ័យ និងថ្នាក់ដឹកនាំក្រុមការងារបក្សជាច្រើន នាក់ទៀត ។
លោកស ថាវី អភិបាលនៃគណៈអភិ បាលខេត្ដឧត្ដរមានជ័យ និងជាប្រធាន គណបក្សប្រជាជនកម្ពុជាខេត្ដបានឡើង អានច្បាប់រដ្ឋធម្មនុញ្ញស្ដីពីវិសោធនកម្ម មាត្រា៧៦ និងមាត្រាទាំងឡាយពីជំពូក ទី១៥ថ្មី ដល់ជំពូកទី១៦ថ្មី នៃរដ្ឋធម្មនុញ្ញ នៃព្រះរាជណាចក្រកម្ពុជា ។
លោកប៊ិន ឈិន សមាជិកគណៈ អចិន្ដ្រៃយ៍គណៈកម្មាធិការកណ្ដាលគណបក្សប្រជាជនកម្ពុជាបន្ទាប់ពីធ្វើការ ណែនាំនិងផ្សព្វផ្សាយនូវច្បាប់ខាងលើ លោកក៏បានផ្ដល់ជាអនុសាសន៍ដល់ក្រុម ការងារគ្រប់លំដាប់ថ្នាក់ក្នុងខេត្ដឧត្ដរ មានជ័យមានដូចជា ប្រធានគណបក្ស ក្រុង-ស្រុក និងក្រុមការងារចុះជួយក្រុង ស្រុក ឃុំ ត្រូវចុះបំពេញការងារបក្ស និងគិតគូចំពោះការរស់នៅរបស់ប្រជា ពលរដ្ឋស្របតាមគោលការណ៍របស់ ថ្នាក់ដឹកនាំ ជាពិសេសគណបក្សប្រជា ជនកម្ពុជាតែងតែបានគិតគូជានិច្ច សម្រាប់ការរស់នៅរបស់ប្រជាពលរដ្ឋ ក៏ដូចជាអភិវឌ្ឍហេដ្ឋារចនាសម្ព័ន្ធតាម មូលដ្ឋាននេះជាដើម ។
ក្រុមការងារបានលើកឡើងអំពីកិច្ច ខិតខំប្រឹងប្រែងរបស់ខ្លួនជូនគណៈអធិប តីដូចជាបានបំពេញការងារ ធ្វើប័ណ្ណ សមាជិក ធ្វើអត្ដសញ្ញាណប័ណ្ណ ចងក្រង ក្រុមបក្ស រៀបចំសាខាបក្សជាប់ជា ប្រចាំ ។
ក្រៅពីការងារនេះក៏បានចុះដោះស្រាយ ទំនាស់ដីធ្លីបានចំនួន១៦ករណី ក្នុងនោះ ៧ករណីស្ថិតក្នុងដែនសមត្ថកិច្ចក្រុមការ ងារមន្ទរីសុរិយោលដី ។ បានចុះសង្គ្រោះ បន្ទាប់បាតុភូតធម្មជាតិដោយខ្យល់ កន្ដ្រាក់ប៉ះពាល់ក្នុងភូមិសាស្ដ្រក្រុង- ស្រុកទាំង៥មានចំនួន១១លើក ខូចខាត សរុប៥៨៩ខ្នង ដួលរលំ៧០ខ្នង លោតពី លើជើងតាង២ខ្នង និងទ្រេត១០ខ្នង ក្រៅ ពីនោះរបើកដំបូល បណ្ដាលឱ្យមនុស្ស ស្លាប់ចំនួន៣នាក់ របួសធ្ងន់៣នាក់ និង របួសស្រាល១០នាក់ ។ ក្រុមការងារ បានបន្ដថា ក្នុងពេលប្រជាពលរដ្ឋទទួល រងគ្រោះត្រូវបានគណៈកម្មធិការបក្ស គ្រប់ថ្នាក់នៅតាមបណ្ដាមូលដ្ឋានរួមជា មួយកងទ័ព នគរបាលជាតិ កងរាជអាវុធ ហត្ថ បានចូលរួមជួយរៀបចំជួសជុល ជូនប្រជាពលរដ្ឋវិញ ដោយបានជួយ ឧបត្ថម្ភជាដែកគោល និងស័ង្កសីមួយចំនួន ៕
