កំពង់ធំ= កាលពីព្រឹកថ្ងៃទី៧ ខែមិថុនា ឆ្នាំ២០១៥ ឯកឧត្តម សុខ លូ សមាជិកគណះអចិន្ដ្រៃយ៍គណបក្សខេត្តប្រធានក្រុមការងារចុះជួយស្រុក សណ្ដាន់ បានដឹកនាំក្រុមការងារចុះពង្រឹងការងារក្នុងជួរគណះបក្ស ដល់មូលដ្ឋាន ដោយមានការចូលរួម ពីប្រធានក្រុមប្រឹក្សាស្រុកសណ្ដាន់ នាយផ្នែករដ្នបាលព្រៃឈើស្រុកសណ្ដាន់ មេភូមិ មេឃុំ សមាជិក សមាជិការ សរុប១០២នាក់។
ការចុះពង្រឹងការងារបក្សដល់មូលដ្ឋាននេះត្រូវបានធ្វើឡើង នៅក្នុងភូមិស្រែវាល ឃុំដងកំបិត និងទីស្នាក់ការគណះបក្សប្រជាជនក្នុងស្រុកសណ្ដាន់ ក្នុងនោះឃុំដង់កំបិត មានមេភូមិចំនួន ៥រូប និង ឃុំសណ្ដាន មានមេភូមិ ចំនួន ១៣រូបចូលរួម ធ្វើសេចក្ដីរាយការណ៍ ពាក់ព័ន្ធនិងសភាពការក្នុងភូមិ សុវត្តិភាពក្នុងភូមិ ការស្តង់សតិអារម្មណ៍ប្រជាពលរដ្ន តើភូមិណាជួបនិងបញ្ញាលំបាកអ្វីខ្លះ ការខ្វះខាតអ្វីខ្លះដែលត្រូវការចាំបាច់ក្នុងភូមិនិងឃុំ ព្រមទាំងសំណូមពរ អោយបក្សជួយធ្វើផ្លូវ ស្ពាន ការផ្ដលអណ្ដូងទឹក និងស្ដ្រីមានផ្ទៃពោះពេលឆ្លងទន្លេនៅនិងផ្ទះប្រឈមមុខនិងគ្រោះថ្នាក់ក្នុងពេលទឹកឡើងខ្លាំងដោយសារតែពុំមានស្ពានឆ្លងកាត់។
ឯកឧត្តម សុខ លូ បានមានប្រសាសន៍សំណេះសំណាល ពិភាក្សា រកចំនុចខ្លាំងនិងចំនុចខ្សោយ ចំនុចខ្វះខាតក្នុងភូមិ ឃុំនីមួយៗ ដើម្បីអោយមានភាពល្អប្រសើរឡើង ដែលអាចធ្វើអោយបក្សយើងទទួលបានជោគជ័យ ក្នុងនោះដែលត្រូវដឹងថាឧបសគ្គអ្វីខ្លះ ដែលធ្វើអោយមានសតិអារម្មណ៍មិនល្អដល់ប្រជាពលរដ្ន និងបញ្ហាប្រឈមមុខអ្វីខ្លះ ដែលត្រូវដោះស្រាយ ព្រមទាំងផ្ដាំផ្ញើរ ដល់មេភូមិ មេឃុំ ទាំងអស់ ត្រូវតែអប់រំប្រជាពលរដ្ន អោយគោរពច្បាប់ កុំល្មើសច្បាប់ កុំកាប់ព្រៃ រុករានដីព្រៃយកមកធ្វើជាកម្មសិទ្ធិ បើពលរដ្ន ណាមានដីអាស្រ័យផលហើយ រក្សាកុំរុករានបន្ថែម ធ្វើអោយកាន់តែរិចរឹលដីព្រៃបន្ថែមទៀត ក្នុងនោះដែរមេភូមិ មេឃុំត្រូវពង្រឹងកិច្ចការងារក្នុងមូលដ្ឋាន ដាស់តឿនប្រជាពលរដ្នកុំជឿរនិងកុំចាញនយោបាយបោកប្រាស់របស់គណះបក្សផ្សេងទៀត ត្រូវយល់ និងគឹតអោយបានវែងឆ្ងាយមុននឹងសំរេចចិត្ត ៕
ប៊ុន រិទ្ធី