កំពង់ធំ៖ជនសង្ស័យពីរនាក់ ត្រូវបានប៉ូលិសការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តកំពង់ធំ ឃាត់ខ្លួននិងឆែករកឃើញថ្នាំញៀនប្រភេទ ម៉ាទឹកកកមួយកញ្ចប់ធំ ស្មើរនឹងចំនួន១១២ក្រាម រួមនិងវត្ថុតាង ដូចជាទូសព្វ័៥គ្រឿង ដែលជាមធ្យោបាយសំរាប់ចែកចាយ គ្រឿងញៀន។
កិច្ចសហប្រតិបត្តិការបង្ក្រាបគ្រឿងញៀននេះ ត្រូវបានបញ្ជាផ្ទាល់ពីលោក អ៊ិត សុធា ព្រះរាជអាជ្ញា អមសាលាដំបូងខេត្តកំពង់ធំ ឲឥ្យសមត្ថកិច្ចប្រឆាំងបទល្មើសគ្រឿងញៀន ចុះស្រាវជ្រាវមុខសញ្ញាចែកចាយគ្រឿងញៀន និងត្រូវបានឃាត់ខ្លួន ជនសង្ស័យ២នាក់ខណៈពេលដែលកំពុងតែធ្វើសកម្មភាព ចែកចាយនៅក្នុងភូមិសាស្ត្រ ស្រុកស្ទោង ។
លោក អ៊ិត សុធា ព្រះរាជអាជ្ញាបានឲ្យដឹងថា ចំពោះបញ្ហាគ្រឿងញៀន គឺស្ថាប័នតុលាការ បានខិតខំ ប្រឹងប្រែង ដោយសហការជាមួយនិង លោក ឧត្តមសេនីយ៍ត្រី ជូ សំអាន ស្នងការខេត្តកំពង់ធំ ចាត់វិធានការ ពង្រឹង ស៊ើបអង្កេតមុខសញ្ញាដែលបាន ប៉ុនប៉ងតាមបណ្តាវិទ្យាល័យ ភោជនីយដ្ឋាន អាហារដ្ឋាន និងហាងខារ៉ាអូខេ ព្រមទាំងក្លឹបកំសាន្ត ព្រោះទីតាំងទាំងនេះគឺជាចំពោះងាយស្រួលក្នុងការអូសទាញ របស់ក្រុមអ្នកចែកចាយ គ្រឿងញៀន
និងត្រូវបានធ្វើការយ៉ាងយកចិត្តទុកដាក់ ក្នុងបង្ក្រាបការជួញដូរនិងចែកចាយគ្រឿងញៀន។
យុទ្ធនាការរបស់ក្រុមសមត្ថកិច្ចឆ្មក់ចុះបង្ក្រាបមុខសញ្ញានេះបានធ្វើឡើងកាលពីម៉ោង១៧និង៣០នាទីល្ងាច ថ្ងៃទី០៥ ខែ មិថុនា ឆ្នាំ២០១៥ ស្ថិតនៅភូមិកំពង់ក្ដី ឃុំកំពង់ចិនត្បូងស្រុកស្ទោង ខេត្តកំពង់ធំ។
លោក ងួន ហ៊ាង នាយការិយាល័យប្រឆាំងគ្រឿងញៀន កំពង់ធំ បានឲ្យដឹងថាជនសង្ស័យមួយមានឈ្មោះហុង សុឃិម ភេទប្រុសអាយុ៣៥ឆ្នាំ រស់នៅភូមិ ស្ទឹងសែនសង្កាត់កំពង់ក្របៅ ក្រុងស្ទឹងសែន ខេត្តកំពង់ធំ ពីរឈ្មោះអឿន មុំ ភេទស្រី អាយុ ៤០ឆ្នាំ រស់នៅភូមិ អន្លូងលាប ឃុំ ខ្នោ ស្រុកមេសាង ខេត្ត ព្រៃវែងជនសង្ស័យទាំងពីរនាក់ត្រូវបានបញ្ជូនបន្តរទៅតុលាការកំពង់ធំ ដើម្បីចាត់ការទៅតាមផ្លូវច្បាប់៕
ដោយ ផន សុជាតិ
