សៀមរាបៈជារៀងរាល់ថ្ងៃសកម្មភាព រថយន្តដឹកដី និងដឹកខ្សាច់ចូលក្រុងសៀមរាប ជាច្រើនគ្រឿងពុំមានការ គ្រប់ បណ្តាលឲ្យមានការត្អូញត្អែពីសំណាក់ប្រជាពលរដ្ឋថា បង្ករឲ្យមានធុលីហុយពាសពេញផ្លូវ ជូនពេលខ្លះ បង្ករឲ្យមានគ្រោះថ្នាក់កើតឡើងជាញឹកញាប់ ដោយសារតែខ្សាច់បានហុយកកតាមចិញ្ចើមផ្លូវធ្វើឲ្យម៉ូតូ និង កង់រអិលដួល។
ប្រភពពត៌មានពីប្រជាពលរដ្ឋដែលបានធ្វើដំណើរ ពីស្រុកប្រាសាទបាគង ឆ្ពោះមកក្រុងសៀមរាប បានឲ្យដឹង ថានៅពេលដែលរថយន្តដឹកខ្សាច់ ដឹកដីចូលក្រុងសៀមរាប ធ្វើឲ្យខ្សាច់និងដីហុយត្រលោម ពេញផ្លូវធ្វើឲ្យ ចូលភ្នែក ចូលច្រមុះបង្ករអោយមានភាពក្តៅក្រហាយយ៉ាងខ្លាំង នៅពេលខ្លះខ្សាច់ជាច្រើនធ្លាក់នៅតាមដង ផ្លូវធ្វើឲ្យកង់ ម៉ូតូរអិលដួងចូលឡានក៏មានដែរ ទទឹងគ្នានោះដែរប្រជាពលរដ្ឋបាន សុំឲ្យអាជ្ញាធរក្រុងសៀមរាប និងសមត្ថកិច្ចជួយរឹកបន្តឹង និងធ្វើការណែនាំដល់ម្ចាស់អជីវកម្ម ដឹកដីដឹកខ្សាច់មានការគ្របឲ្យបានជិតផង ជៀសវាងហុយដីដល់អ្នកដំណើរ។
ប្រជាពលរដ្ឋឈ្មោះចន្ថា មានមុខរបរលក់ទំនិញនៅតាមដងផ្លូវ ក្នុងក្រុងសៀមរាប បានបង្ហើបឲ្យដឹងថា កាលពីមុនសមត្ថកិច្ចតែងតែមានការហាមរថយន្តដឹកដីចូលក្រុង ទិដ្ឋភាពនិងបរិស្ថាននៅក្នុងក្រុងល្អប្រសើរ តែក្រោយមករហូតមកដល់បច្ចុប្បន្ន រថយន្តដឹកដីបានធ្វើសកម្មភាព ដឹកចូលក្រុងដោយគ្មានការទប់ស្កាត់ ទើបបណ្តាលឲ្យដីខ្សាច់ហុយស្ទើរតែមើលអ្វីពុំឃើញ ខណៈពេលមានរថយន្តបើកឆ្លងកាត់ និងមានខ្សល់ភ្លៀង ម្តងៗ ដោយសារតែដីខ្សាច់ដែលនៅ តាមចិញ្ចើមផ្លូវហុយ ។
ដូច្នេះសំណូមពរឲ្យអាជ្ញាធរក្រុងជួយមើលផង ដោយសារតែខេត្តសៀមរាប ជាទីកន្លែងប្រជុំជនភ្ញៀវទេសចរណ៍ មកកំសាន្ត មកទស្សនា និងដើរកំសាន្ត និងធ្វើឲ្យប៉ះពាល់សតិអារម្មណ៍ដោយសារតែបញ្ហាតូចមួយនេះ ។
ដោយ ខេង ឧត្តម និង ពូន ប៉េង
