ខេត្តបន្ទាយមានជ័យ៖ លោកឧត្តមសេនីយ៏ ត្រី អាត់ខែមស្នងការនគបាលខេត្តបន្ទាយមានជ័យនិងសមាជិកអចិន្រៃយ៏គណបក្សខេត្តបន្ទាយមានជ័យបានដឹកនាំក្រុមការងារមួយក្រុមចុះទៅពិនិត្យមើលផ្លូវមួយខ្សែនៅឃុំទ្រាស់ ស្រុកស្វាយចេក ខេត្តបន្ទាយមានជ័យនៅព្រឹកថ្ងៃទី៦ខែមិថុនាឆ្នាំ២០១៥ដែលជា អំណោយដ៏ថ្លៃថ្លារបស់សម្តេចតេជោហ៊ុនសែនតាមរយ:លោក ឧបនាយករដ្ឋមន្ត្រីកែគឹមយ៉ានប្រធានក្រុមការងារថ្នាក់ជាតិដើម្បីត្រៀមបើកការដ្ឋាននាពេលខាងមុខនេះ។លោកអាត់ខែមបានថ្លែងថាស្ថានភាពបច្ចុប្បន្នគឺប្រជាពលរដ្ឋនៅស្រុកស្វាយចេកនេះពិបាកធ្វើដំណើរណាស់នៅតាមផ្លូវមួយខ្សែនេះដូច្នេះហើយទើបសម្តេចតេជោហ៊ុនសែនតាមរយ:ប្រធាក្រុមការងារថ្នាក់ជាតិបានផ្តល់និងជួយជួយជួសឡើងវិញផ្លូវលំមួយខ្សែដែលមានប្រវែងជាង៧គីឡូម៉ែត្រសម្រាប់បងប្អូនប្រជាពលរដ្ឋជាច្រើនគ្រួសារ នៅទីនោះធ្វើដំណើរទៅមកឲ្យបានស្រួល។លោកអាត់ខែមបានបន្តទៀតថានៅពេលនេះលោកនិងក្រុមការងារចុះមកពិនិត្យ និងសិក្សាមើលហើយនៅពេលខាងមុខនេះនិងឈានទៅដល់ ការបើកការដ្ឋានតែម្តង។ហើយតាមរយ:អំណោយផ្លូវមួយខ្សែនេះប្រជាពលរដ្ឋនៅស្រុកស្វាយចេកមានចិត្តសប្បាយរីករាយ យ៉ាងខ្លាំងដែលជាយូលង់ណាស់មកហើយពួកគាត់ធ្វើដំណើរ យ៉ាងលំបាក នៅពេលឆ្លងកាត់ផ្លូវមួយខ្សែនេះ ។ក្រៅពីការចុះពិនិត្យផ្លូវ លោកក៏បានផ្តាំផ្ញើការសួរុខទុក្ខ របស់ ថ្នាក់ដឹកនាំ និងលោកកែ គឹមយ៉ាន ជូនចំពោះអាជ្ញាធរ និងប្រជាពលរដ្ឋ ហើយលើកឡើង ពីការយកចិត្តទុក ដាក់ ចំពោះសុខទុក្ខ របស់ប្រជាពលរដ្ឋតាមមូលដ្ឋានទៀតផង៕