កណ្តាលៈ ប៉ូលិសស្រុកកៀនស្វាយឃាត់ខ្លួនមុខសញ្ញាចែកចាយគ្រឿងញៀនបាន2នាក់
និង2នាក់ទៀតរត់គេចខ្លួន ។ ករណីនេះធ្វើឡើងនៅថ្ងៃទី០៨ខែ មិថុនាឆ្នាំ២០១៥វេលា
ម៉ោង០១និង១៥នាទីចំណុច ភូមិព្រែកប៉ុលឃុំបន្ទាយដែក ស្រុកកៀនស្វាយ ខេត្ត
កណ្តាល ។ជនសង្ស័យទី១ឈ្មោះបិុច វុទ្ធីហៅ(អាក្អាត់)ភេទប្រុសអាយុ២៥ឆ្នាំមុខរបរលាងម៉ូតូទី2ឈ្មោះ ឡេង រដ្ឋា(សឹុប)ភេទប្រុសអាយុ២៤ឆ្នាំមុខរបរកសិករ មានទីលំនៅក្នុងភូមិ
កណ្ដាលក្រោម ឃុំបន្ទាយដែក ស្រុកកៀនស្វាយខេត្តកណ្ដាល ដកហូតបានវត្ថុតាង
រួមមានម្សៅក្រាមពណ៌សថ្លា មេតំហ្វេតាមីន(ម៉ាទឹកកកIce) ចំនួន០៤កញ្ចប់តូច ប្រើ
ប្រាស់អស់១កញ្ចប់ ទូរស័ព្ទដៃម៉ាកណូគា ចំនួន០១គ្រឿង នឹង សំភារប្រើប្រាស់សារ
ធាតុញៀនមួយចំនួនទៀត ។
លោក ព្រុំ សំណាង អធិការរងទទួលបន្ទុកព្រហ្មទណ្ឌ(ស្តីទី)បានបញ្ជាក់ថានៅយប់ថ្ងៃ
កើតហេតុខាងលើ ជនសង្ស័យ មានគ្នា៤នាក់ បានបបួលគ្នាទៅប្រើប្រាស់សារធាតុ
ញៀននៅរោងចំការស្វាយរបស់ឈ្មោះកុយភេទប្រុសនៅភូមិព្រែកប៉ុលឃុំបន្ទាយដែក។
ក្រោយពីឈ្មោះ បុិច វុទ្ធី (ក្អាត់) បានទៅទិញសារធាតុញៀនពីបុរសម្នាក់ នៅភូមិ
ជ្រោយដង ឃុំសំរោងធំ (មិនស្គាល់ឈ្មោះ)បាន២កញ្ចប់តូច រួមទាំងថ្នាំញៀនរបស់
ឈ្មោះ ទុំ ២កញ្ចប់ទៀត សរុបទាំងអស់ 4កញ្ចប់តូច ។
លោក ប៉ា សំអិត អធិការស្រុកកើនស្វាយបានប្រាប់កម្ពុជាថ្មីដឹងថា ករណីកើតមាន
ចោរកម្មក្នុងមូលដ្ឋាន គឺផ្តើមចេញពីពពួកក្រុមសេពនិងប្រើប្រាស់គ្រឿងញៀន ដូច្នេះ
សមត្ថកិច្ចត្រូវអនុវត្តឫបង្ក្រាបមុខសញ្ញាចែកចាយនិងប្រើប្រាស់គ្រឿងញៀនឲ្យអស់ទើប
លុបបំបាត់បទល្មើសចោរកម្មទៅបាន ។ទន្ទឹមនិងនោះទាមទារឲ្យមានការចូលរួមពី
បងប្អូនប្រជាពលរដ្ឋផងដែរ ៕
