ខេត្តឧត្តរមានជ័យ៖ប្រជាពលរដ្ឋចំនួន ៨៤គ្រួសារ នៅភូមិស្រះកែវ ឃុំពង្រ ស្រុកចុងកាល់ ខេត្តឧត្តរមានជ័យ បានធ្វើលិខិតអន្តរាគមន៍ និងបានជួបជុំគ្នាកាលពីថ្ងៃទី៦ ខែមិថុនា ឆ្នាំ២០១៥ បានទទូចស្នើសុំទៅអាជ្ញាធរ ស្រុក និងខេត្ត អន្តរាគមន៍ទៅសាលាដំបូងខេត្ត ឱ្យដោះ
លេងតំណាងរបស់ពួកគាត់ម្នាក់ ដែលកំពុងជាប់ពន្ធនាគារ កាលពីថ្ងៃទី៧ ខែឧសភា ឆ្នាំ ២០១៥ និងស្នើសុំឱ្យផ្លាស់ប្តូរមេភូមិស្រះកែវចេញ។តំណាងប្រជាពលរដ្ឋចំនួន ៨៤គ្រួសារ ដែលបានផ្តិតមេដៃ ដាក់ញ្ញត្តិទៅអាជ្ញាធរ ដែលតំណាងគឺលោកស្រី សុខ មៃ លោកប៉ាង លួង និងតំណាងប្រជាពលរដ្ឋជាច្រើនអ្នកទៀត បាននិយាយលើកឡើងដូចគ្នាថា៖ តំណាងរបស់ពួកគាត់ម្នាក់ឈ្មោះ ខៀវ ពេជ្រកន្លងមកតែងតែបានចេញមុខតវ៉ា ជាមួយនឹងតំណាងក្រុមហ៊ុនចិន មានគម្រោងនឹងកាយដីធ្វើទំនប់បិទទឹក ដែលអាចនឹងមានទឹកជំនន់ ជនលិចភូមិដ្ឋាន និងផលដំណាំស្រែចំការរបស់ពួកគាត់ នៅទូទាំងភូមិស្រះកែវ ទាំងមូល ដូច្នេះហើយទើបលោក ខៀវ ពេជ្រ ជាតំណាងពួកគាត់ បានទៅរារាំង និងបានប្រើពាក្យសំដីគម្រាម ដឹកនាំប្រជា
ពលរដ្ឋ ក្នុងភូមិទៅដុតគ្រឿងចក្រក្រុមហ៊ុនចិនសាងសង់ទំនប់នៅភ្នំអាតោ ដូច្នេះហើយទើបតំណាងក្រុមហ៊ុនបានប្តឹង ឱ្យតុលាការចាប់ខ្លួនដាក់ពន្ធនាគារ។ពួកគាត់បានបញ្ជាក់ថា លោក ខៀវ ពេជ្រ កាលពីមុនក៏ធ្លាក់ជាអតីត មេភូមិស្រះកែវតែបច្ចុប្បន្ន គាត់ជាសមាជិកគណកម្មការព្រៃសង្ឃសហគមន៍រុក្ខាវ័ន និងមានគុណសម្បត្តិក្នុងការងារបានល្អទទួលបានមេដៃពីសម្តេច ហ៊ុន សែន។ពួកគាត់បានលើកឡើងថា បានស្នើរសុំទៅអាជ្ញាធរខេត្ត ក៏ដូចជា អភិបាលខេត្តឧត្តរមានជ័យ សុំធ្វើការផ្លាស់ប្តូរ មេភូមិស្រះកែវ ចាស់ចេញ ព្រោះមេភូមិនាពេលបច្ចុប្បន្នមានភាពល្អក់កកពេញក្នុងភូមិ ប្រកាន់ប៉ាកពួកនិយមតែគ្រួសាររបស់ខ្លួន។លោកស្រី មុំ ពុធធីដា អភិបាលរងស្រុកចុងកាល់បាននិយាយប្រាប់ថា៖ពាក់ព័ន្ធនឹងលោក ខៀវ ពេជ្រ ដែលសមត្ថកិច្ចឃាត់ខ្លួនជាប់ពន្ធ័ធនាគា ហើយនៅពេលនេះឯកសារពីប្រជាពលរដ្ឋចំនួន ៨៤គ្រួសារស្នើសុំផ្លាស់ប្តូមេភូមិថ្មីជាបន្ទាន់ អ្នកស្រីទទួលបានពាក្យស្នើសុំពី ប្រជាពលរដ្ឋ តែពេលនេះអាជ្ញាធរស្រុក បានបង្កើតគណកម្មកាចុះធ្វើការស្រាវជ្រាវនិងធ្វើការដោះស្រាយឆាប់ខាងមុខនេះ៕
