ខេត្តបន្ទាយមានជ័៖ នៅព្រឹកថ្ងៃទី៨ខែមិថុនាឆ្នាំ២០១៥នៅសាលាបឋមសិក្សាបុស្សធំ ស្ថិកក្នុងភូមិបុស្សធំ ឃុំតាគង់ ស្រុកម៉ាឡៃ ខេត្តបន្ទាយមានជ័យនិងសាលាបមសិក្សាស្រះភ្លោះមានសមិទ្ធិផលដ៏ថ្មីសាឡាងមួយទៀតមានសាលាបឋមសិក្សាបុស្សធំតាគង់ស្រុកម៉ាឡៃនិង
សាលាបឋមសិក្សាស្រះភ្លោះស្រុកស្វាយចេកមាន២ខ្នង១០បន្ទប់ដែលត្រូវដាក់ឲ្យប្រើប្រាស់ជាផ្លូវការដែលជាអំណោយរបស់អង្ការសាម៉ារីតាន់ភឹស។ពិធីដាក់ឲ្យប្រើប្រាស់ជាផ្លូវការនូវអាគាសិក្សា២ខ្នង១០បន្ទប់នេះមានការចូលរួមលោកគោស៊ុំសារឿតអភិបាលខេត្តបន្ទាយមានជ័យ លោកផាទ្រីកសេហ្គឹនាយកអង្ការសាម៉ារីតាន់ភឹស លោកឈើយចាន់ណាប្រធានមន្ទីរអប់រំខេត្ត លោកអែមសុខាអភិបាលស្រុកម៉ាឡៃនិងមន្ត្រីអ្នកមុខអ្នកការប្រជាពលរដ្ឋនិងសិស្សជាច្រើននាក់ទៀតបានចូលរួម។លោកឈើយចាន់ណាបានមានប្រសាសន៍ថាអាគាដែលសម្ពោធដាក់ឲ្យប្រើប្រាស់ជាផ្លូវការនេះមាន២ខ្នង១០បន្ទប់សង់ក្នុងសាលាបឋមសិក្សាបុស្សធំមានបំពាក់
គ្រឿងសង្ហារឹមគ្រប់ មានបង្គន់អនាម័យ១ខ្នង មាន៤បន្ទប់និងមានសម្ភារះក្មេងលេងជាច្រើននិងអាគាសិក្សាចំនួន១ខ្នងមាន៤បន្ទប់ទៀតសាងសង់ក្នុងសាលាបឋមសិក្សាស្រះភ្លោះដែលចំណាយអស់ទឹកប្រាក់សរុបមានចំនួន១៦៨.៨៤១.៥៦ដុល្លា។លោកគោស៊ុំសារឿតក៏បានមានប្រសាសន៍ដែរថាលោកបានថ្លែងអំណគុណចំលោកផាទ្រីកសេហ្គឹនាយកអង្ការសាម៉ារីតាន់ភឹសនិងប្រតិភូដែលជាម្ចាស់ជំនួយដែលបានខិតខំប្រឹងប្រែងកៀងគររកជំនួយដើម្បីយកមកសាងសង់សាលានៅជនបទខាងលើនេះបញ្ជាក់ឲ្យឃើញថាការយកចិត្តទុកដាក់របស់ម្ចាស់ជំនួយយ៉ាងខ្លាំងយ៉ាងទៀតគឺជាការចូលរួមចំណែកជាមួយរដ្ឋាភបាលក្នុងការកែទម្រង់វិស័យអប់រំប្រកបដោយប្រសិទ្ធភាពខ្ពស់ទៀតផង។លោកគោស៊ុំសារឿតក៍បានផ្តាំផ្ញើបងប្អូនប្រជា
ពលរដ្ឋលោកគ្រូអ្នកគ្រូក្មួយៗសិស្សានុសិស្សដើម្បីតបស្នងសងគុណដល់ម្ចាស់ជំនួយវិញនោះសូមសិស្សានុសិស្សទាំងអស់ត្រូវខិតខំរៀនសូត្រឲ្យបានល្អហើយពូកែនិងត្រូវចូលរួមថែរក្សាសមិទ្ធិផលទាំងអស់នេះឲ្យបានស្ថិតស្ថេរគង់វង្សនិងយូរអង្វែងហើយអាណាព្យាបាលសិស្សត្រូវជម្រុញកូនចៅឲ្យទៅរៀនឲ្យបានគ្រប់ៗគ្នាហើយឲ្យសិស្សជាសវាងឲ្យឆ្ងាយអំពីការប្រើប្រាស់គ្រឿងញៀននិងគ្រឿងស្រវឹងផ្សេងៗព្រោះវាអាចបង្កហឹង្សាដល់គ្រួសារគ្រោះថ្នាក់ចរារចណ៍និងបំផ្លាញទ្រព្យសម្បត្តិឪពុកម្តាយទៀតផង៕
