កំពង់ឆ្នាំង៖កាលពីវេលាម៉ោង២១និង៣០នាទី ថ្ងៃទី៧ ខែមិថុនាឆ្នាំ២០១៥រថយន្តមួយគ្រឿងបានក្រឡាប់ច្រើនត្រឡប់ ទៅបុកផ្ទះប្រជាពលរដ្ឋដែលនៅតាមចិញ្ចើមផ្លូវ ដែលហេតុការណ៍នេះបានកើតឡើងតាមបណ្តោយផ្លូវជាតិលេខ៥ចន្លោះគីឡូម៉ែត្រលេខ៩៨និង៩៩ក្នុងភូមិខ្វិត ឃុំពង្រ ស្រុករលាប្អៀរ ខេត្តកំពង់ឆ្នាំង ។
សមត្ថកិច្ចបានអោយដឹងថា នៅមុនពេលកើតហេតុ មានរថន្តតូយ៉ូតាពណ៌សមួយគ្រឿងពាក់ស្លាកលេខភ្នំពេញ ២AC .៩៦៨៤ ធ្វើដំណើរក្នុងទិសដៅពីលិចទៅកើតក្នុងល្បឿនយ៉ាងលឿន នៅពេលមកដល់ចំណុចកើតហេតុ ដោយសារតែជាចំណុចផ្លូវកោង អ្នកបើកបរបួងចង្កូតមិនទាន់ក៍ច្រឡោតក្រឡាប់ជាច្រើនត្រឡប់ជ្រុលចូលទៅបុកយ៉ផ្ទះប្រជាពលរដ្ឋតែម្តង ក្រោយពេលកើតហេតុបណ្តាលអោយមនុស្សចំនួន២នាក់បានរងរបួសស្រាល ហើយត្រូវបានដឹកយកទៅសង្គ្រោះនៅមន្ទីរពេទ្យបង្អែកខេត្តកំពង់ឆ្នាំង ។
ជនរងគ្រោះដែលរងគ្រោះថ្នាក់នៅក្នុងឧប្បត្តិហេតុគ្រោះថ្នាក់នេះម្នាក់ឈ្មោះ សេង ផានិត ភេទស្រី អាយុ៤២ឆ្នាំ និង ម្នាក់ទៀតឈ្មោះ កេត បញ្ញាស័ក្តិ ភេទប្រុស អាយុ១៤ឆ្នាំ ជនរងគ្រោះទាំង២នាក់របួសស្រាល អ្នកទាំងពីររស់នៅរាជធានីភ្នំពេញ ៕