កំពង់ឆ្នាំង៖វេលាម៉ោង៥និង១៥នាទីល្ងាចថ្ងៃទី០៧ ខែមិថុនា ឆ្នាំ២០១៥ នៅក្នុងភូមិព្រៃលាក់នាង ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង មានកើតគ្រោះធម្មជាតិខ្យល់កន្ត្រាក់ និងភ្លៀងមួយមេ បណ្តាលអោយ ស្ត្រីចំណាស់ម្នាក់បានរងរបួសស្រាលនិងខូចខាតផ្ទះ៥ខ្នង ដោយ
របើកជញ្ជាំងនិងដំបូល ។
លោកស្រី ទុំ សុផល មេភូមិព្រៃលាក់នាងបានអោយដឹងនៅល្ងាចថ្ងៃទី០៧ ខែមិថុនា ឆ្នាំ២០១៥ នេះថា៖ស្ត្រីចំណាស់ជាជនរងគ្រោះមានឈ្មោះ នាង ពត អាយុ៦៦ឆ្នាំ បានរងរបួសបែកក្បាលដោយសារកំណាត់ឈើសំយាបផ្ទះប៉ើងមកចំក្បាល ២.ឈ្មោះសូ រ័ត្ន ផ្ទះត្រេត ៣.ឈ្មោះកង សុខុម រលំផ្ទះបាយ១ខ្នងរាបដល់ដី ៤.ឈ្មោះ គង់ ចាន់ថន របើកក្បឿងដំបូលផ្ទះ
ជាង២០សន្លឹក និង៥ផ្ទះ១ខ្នងទៀតត្រូវខ្យល់ប៉ើងលើកផ្ទះធ្លាក់ចេញពីជើងសរសរ ក្រៅពីនេះដើមឈើក្នុងភូមិមួយចំនួនទៀតក៏បានរលំបាក់ផងដែរ។ក្រៅពីផ្ទះ៥ខ្នងខាងលើ ក៏នៅមានផ្ទះប្រជាពលរដ្ឋមួយចំនួនទៀតប៉ើងដំបូលហ្វីប្រូ និងបើងក្រឿងមួយចំនួនទៀតដែរ ៕
