មណ្ឌលគីរី៖ រឹបអូសបានសម្ភារៈមួយចំនួនធំដោយមានគោលការណ៍ណែនាំ ពីក្រសួងរ៉ែ និងថាមពល ក្នុងការរៀបចំចងក្រង ជាសហគមន៍សិប្បកររ៉ែ ឃុំចុងផ្លាស់ ស្រុកកែវសីមា នឹងស្របតាមអនុសាសន៍ របស់ឯកឧត្ដម ម៉េង សក្ត័ធារ៉ា រដ្ឋលេខាក្រសួងរ៉ែ និង ថាមពល បានស្នើសុំអោយ
ប្រជាពលរដ្ឋ ផ្អាកធ្វើអាជីវកម្មរ៉ែ អំឡុងពេលរៀបចំចងក្រង ជាសហគមន៍សិប្បកររ៉ែ កាលពីថ្ងៃទី៥ ខែមិថុនា ឆ្នាំ២០១៥ ក្រុមការងារចម្រុះរបស់មន្ទីររ៉ែ នឹងថាមពល បានចុះបង្ក្រាបទីតាំងលួចធ្វើសកម្មភាពរ៉ែមាសខុសច្បាប់ នៅស្រុកកែវសីមា នឹងបានដកហូតនូវសម្ភារៈមួយចំនួនធំ ។
ប្រភពពីមន្ត្រីមន្ទីរ៉ែ និងថាមពលខេត្ត បានឲ្យដឹងថា មន្ទីរជំនាញបានទទួលរបាយការណ៍ ពីសាលាឃុំចុងផ្លាស់ មានជនឆ្លាតឱកាសមួយចំនួន កំពុងលួចប្រើប្រាស់រំសេវបំផ្ទុះយករ៉ែ នៅលើទីតាំងនោះ មន្ទីរ៉ែ និង ថាមពល បានធ្វើការស្នើសុំអន្តរាគមន៍ ពីសាលាខេត្តមណ្ឌលគិរី ដែលដឹកនាំដោយលោក សោ វុទ្ធី ព្រះរាជអាជ្ញារងអមសាលាដំបូងខេត្ត រួមជាមួយកងកំលាំងនគរបាល ប្រឆាំងបទល្មើសសេដ្ឋកិច្ច និង អាជ្ញាធរឃុំចុងផ្លាស់ ស្រុកកែវសីមា បានចុះមកដល់ចំណុចអូរក្ល តំបន់ធ្វើរ៉ែមាស ស្ថិតក្នុងឃុំចុងផ្លាស់ ស្រុកកែវសីមា ។
សេចក្តីរាយការបានបន្តថា កំលាំងចំរុះដឹកនាំដោយលោកព្រះរាជអជា្ញរង បានចុះធ្វើការឆែកឆេរ ទីតាំងខាងលើ ប្រទះឃើញ ជីបំផ្ទុះចំនួន6បាវ ប៉ាតេបំផ្ទុះ13ដុំ ម៉ាស៊ីនភ្លើងចំនួន1គ្រឿង ម៉ាស៊ីនត្រើយយករ៉ែចំនួន1គ្រឿង និង ម៉ាស៊ីនបូមខ្យល់ចំនួន1គ្រឿង ។ បន្ទាប់មកកំលាំងចំរុះ បានធ្វើការសាកសួររកម្ចាស់ អាជីវកម្មរ៉ែនេះ តែពុំមានវត្តមាននៅទីនោះ ។
លោក ម៉ក មករា កងរាជអាវុធហត្ថ ខេត្តមណ្ឌលគិរី ប្រចាំការនៅតំបន់អូរក្លនោះ បានឆ្លើយថា ទីតាំងធ្វើអាជីវកម្មរ៉ែនៅទីនេះ គឺមានឈ្មោះ ឃិន សុផល ជាអនុប្រធានភូមិពូទុង ឃុំចុងផ្លាស់ ស្រុកកែវសីមា ខេត្តមណ្ឌលគិរី ជាម្ចាស់ទីតាំងខាងលើនេះ ដែលក្រុមការងារបានឃើញវត្ត
មាន ជនជាតិចិនចំនួនបីនាក់នៅទីនោះ និងបាន ធ្វើការសាកសួរបំភ្លឺ ព្រមទាំងប្រមូលឯកសារ ទាក់ទិនក្នុងការស្នាក់នៅ រួចកសាងសុំរឿងទៅសាលាដំបូងខេត្ត ចាត់ការទៅតាមផ្លូវច្បាប់ រីឯវត្ថុតាងដែលរើបអូសបាន មន្ទីរបានប្រគល់អោយប៉ុស្តិ៍រដ្ឋបាលឃុំចុងផ្លាស់ ថែរក្សាទុកបណ្តោះអាសន្ន ៕
