កំពង់ឆ្នាំង៖ កុមារីអាយុ៧ឆ្នាំម្នាក់ បានរងការរលាកខ្នងធ្ងន់ធ្ងរ ដោយគ្រោះភ្លើងឆេះផ្ទះមួយខ្នងធ្វើពីឈើប្រក់ស្លឹក កាលពីម៉ោង ១១និង១៥នាទីយប់ថ្ងៃទី៧ ខែមិថុនាឆ្នាំ២០១៥ នៅក្នុងភូមិបុស្សមាស ឃុំពពេលស្រុកបរិបូរណ៌ ខណៈដែលម្ចាស់ផ្ទះកំពុងដេកលក់យ៉ាងស្កប់ស្កល់ និងស្ទុះចេញស្ទើរតែមិនទាន់។
សមត្ថកិច្ចនគរបាលស្រុកបរិបូរណ៌បានអោយថា៖ គ្រួសាររងគ្រោះដោយភ្លើងឆេះផ្ទះខ្ទេចទាំង
ស្រុងនោះមានប្តីឈ្មោះ ផា ភឿន អាយុ៤១ឆ្នាំ ប្រពន្ឋឈ្មោះ កង វឿន អាយុ៥៥ ឆ្នាំគ្រួ សារនេះមានកូន៣នាក់ ចំណែកកូនស្រីប្អូនដែលរងរបួសក្នុងហេតុការណ៏នោះ មានឈ្មោះ ផាន់ សុខវី អាយ៧ឆ្នាំ ។
.មុនពេលកើតហេតុ ម្ចាស់ផ្ទះបានដេកលង់លក់មិនបានដឹងថា មានអគ្គីភ័យ
ឆាបឆេះផ្ទះរបស់ខ្លួនឡើយ ស្រាប់តែពេលអណ្តាតភ្លើងបានឆេះពេញសំណុំទៅហើយទើបដឹងថាៈមាន ភ្លើងឆេះផ្ទះ ហើយបាននាំគ្នាហក់ចុះមកដី ចំណែក កូនស្រីរងគ្រោះ ដែលមិនដឹងខ្លួន បានឪពុកស្ទុះចូលទៅជួយទើបរួចពីគ្រោះថ្នាក់ដល់ជីវិត តែបានរងរបួសរលាគពេញខ្នង និងជើងធ្ងន់ ហើយបានដឹកយកទៅសង្គ្រោះនៅមណ្ឌលសុខភាពស្រុកបរិបូរណ៌ ។
ចំពោះការខូចខាត គឺឆេះអស់ផ្ទះមួយខ្នងមានទំហំ ៥គុណនិង៧,៥ម៉ែត្រធ្វើពីឈើ ក្រាលនិងបាំងជញ្ជាំងក្តារ ប្រក់ស្លឹក និងឆេះអស់ ទ្រព្យសម្បត្តិខ្ទេចគ្មានសល់អ្វីនោះឡើយ ។ ចំណែកឯមូលហេតុទាំងម្ចាស់ ទាំងសមត្ថកិច្ចនៅមិនទាន់បានដឹងច្បាស់នៅឡើយ ដោយម្ចាស់ផ្ទះមិនបានដាក់ ការសង្ស័យទៅលើចង្ក្រានបាយ និងចរន្តអគ្គីនីឡើយ ដែលសង្ស័យមានគេលួចដុត៕