សៀមរាប ប្រជាពលរដ្ឋមានការភ្ញាក់ផ្អើលមួយដោយសារតែ អ្នកបង់សំណាញ់បានប្រទះឃើញទារិកាអភ័ពត្រូវបានឪពុកម្តាយចិត្តអប្រិយ រុំទារកនិងក្រម៉ាហើយយកមក បោះចោលទឹកស្ទឹងអាងក្រពើ បង្ករអោយប្រ ជាពលរដ្ឋដែលបានឃើញហេតុការណ៍ មានភាពតក់ស្លុតអាណិតទារកដែល មិនទាន់បានឃើញពន្លឺថ្ងៃផង ត្រូវបានឪពុកម្តាយយកមកចោលដូចសត្វធាតុ។
ហេតុការណ៍នេះត្រូវបានអ្នកនេសាទប្រទះឃើញនៅវេលាម៉ោង៣.៣០នាទីថ្ងែទី៨ខែមិថុនាឆ្នាំ២០១៥ស្ថិតនៅស្ពានអាងក្រពើសង្កាត់សាលាកំរើក ក្រុងសៀមរាប ខេត្តសៀមរាបប្រភពពត៍មានពីប្រជាពលរដ្ឋដែលបានឃើញហេត្តការណ៍បានឲ្យដឹងថា ខណៈពេលដែលក្រុមអ្នកបង់ត្រី បានប្រទះឃើញក្រម៉ាពត៍ក្រហមមួយដុំ អណ្តែតទឹកមកជាប់និងច្រាំងស្ពាន ទើបមានការសង្ស័យ ទើបនាំគ្នាចុះទៅរើសមើលស្រាប់តែឃើញទារិកាស្លាប់បាត់បង់ជីវិតទៅហើយ។
ទើបបង្ករឲ្យប្រជាពលរដ្ឋមានការផ្អើលឈូឆរ និងបានសម្តែងនូវការសោកសង្វេកយ៉ាងខ្លាំងចំពោះទារិកាស្រីនេះ ហើយអ្នកខ្លះទៀតឈរយំរៀបរាប់ថាគ្នាខំមកចាប់កំណើតជាមួយហើយ តើហេតុអ្វីក៍សម្លាប់គ្នាទៅវិញអ្នកខ្លះទៀតឈរជេប្រម៉ាទទៅលើឪពុក ម្តាយ ដែលមានចិត្តតិរិច្ឆានស្គាលតែការសប្បាយ តែគ្មានភាពទទួលខុសត្រូវ តាមការសណ្ឋានបានឲ្យដឹងថា ទារិកាមានអាយុប្រហែល៧ទៅ៨ខែ សាកសពត្រូវបាន ប្រជាពលរដ្ឋ និងលោក មេប៉ុស្តិ៍សាលាកំរើក នាំគ្នានាំយកទៅ បញ្ចុះនៅគោកតាមោលខាងកើតវត្តស្វាយ។
ប្រជាពលរដ្ឋបានសំណូមពរដល់យុវ័យ និងឪពុកម្តាយទាំងអស់ ត្រូវគិតឲ្យបានត្រឹមត្រូវ បើមិនទាន់ចង់បាន បុត្រ មិនទាន់ព្រមព្រៀង សូមឲ្យចេះការពារ កុំឲ្យជ្រុលជ្រោះ នាំឲ្យមានបាបកម្មនិងមានវិបដិសារីរហូតអស់ មួយជីវិត ទោះជាខំប្រឹងកុហកអ្នកដ៏ទៃ ក៏មិនអាចកុហកខ្លួនឯងបានទេ ។
ដោយ ប៊ុត សាម