ហេតុការណ៍គ្រឿងថ្នាក់ចរាចរណ៍មួយ បង្កឡើងដោយសារតែមន្ត្រីអាវុធហត្ថម្នាក់ ស្រវឹងស្រាបើករថយន្តតាកូម៉ាមួយគ្រឿង ហើយរឺយ៉ែថយក្រោយរងការខូចខាត តែសំណាងល្អមិនរងរបួសដល់មនុស្ស និងផ្ទុះធុងសាំង ។ហេតុការណ៍នេះបានកើតឡើង កាលពីវេលាម៉ោង១៩និង៣០នាទីយប់ ថ្ងៃទី៨ ខែមិថុនា ឆ្នាំ២០១៥ នៅចំណុចស្ថានីយ៍ប្រេងឥន្ទនៈតេលា តាមបណ្តោយផ្លូវលេខ១៨២ កែងផ្លូវលេខ២៧១ ស្ថិតក្នុងសង្កាត់ទឹកល្អក់ទី៣ ខណ្ឌទួលគោក ។
តាមសាក្សីដែលជាបុគ្គលិក នៅកន្លែងកើតហេតុបានឲ្យដឹងថា មុនពេលកើតហេតុ គេបានឃើញរថយន្តម៉ាកតាកូម៉ាមួយគ្រឿង ពណ៌ទឹកប្រាក់ គ្មានស្លាកលេខ បើកបរដោយមន្ត្រីអាវុធហត្ថម្នាក់ ដែលគេស្គាល់ឈ្មោះ ឡេង វ៉ា បានបើករថយន្តតាមបណ្តោយផ្លូវលេខ៧២១ ក្នុងទិសដៅពីត្បូងទៅជើង ហើយបានបត់ស្តាំទៅផ្លូវលេខ១៨២ ខណៈមកដល់ចំណុចមុខប្រេងឥន្ទនៈតេលា ក៏បានរ៉ឺយ៉ែថយក្រោយ បំណងបត់ទៅក្រោយវិញ ហើយបានជ្រុលទៅបុកនិងធុងសាំង បណ្តាលឲ្យរងការខូចខាត តែសំណាងល្អមិនមានរងរបួសដល់មនុស្ស និងផ្ទុះ ។
ក្រោយពេលកើតហេតុ ម្ចាស់ស្ថានីយ៍ប្រេងឥន្ទនៈ និងម្ចាស់រថយន្តបង្ក បានធ្វើការសម្របសម្រួលគ្នា ដោយភាគីខាងម្ចាង់ប្រេងទាសំណង៣០០ដុល្លារ តែមន្ត្រីបង្កនោះមិនព្រម ទើបហៅសមត្ថកិច្ចចុះមកយករថយន្ត ទៅរក្សាទុកនៅអធិការដ្ឋាន នគរបាលខណ្ឌទួលគោក ដើម្បីរងចាំដោះស្រាយពេលក្រោយ ៕