សៀមរាប ចរាចរណ៏ឈើក្រញួងនៅខេត្តសៀមរាបចាប់ផ្តើមមានការគំរើកទ្បើងវិញដោយសារតែខាងរដ្ឋបាលព្រៃឈើមិនសូវមានសមត្ថភាពធ្វើការបង្ក្រាបប៉ុន្មាននោះ ជាក់ស្តែងដូចការបង្ក្រាបបទល្មើសឈើក្រញួងរយះពេល៣ថ្ងៃ ដែលធ្វើការបង្ក្រាបដោយកំលាំងអាវុធហត្ថខេត្តដែលដឹកនាំដោយលោកវរសេនីយឯក ស្រីយូរ៉ា មេបញ្ជាការ រង ទទួលបន្ទុកយុតិ្តធម៏ ដោយមានការសម្របសម្រួលដោយលោកសុកកែវបណ្ឌិតព្រះរាជអាជ្ញារងអមសាលាដំបូងខេត្តសៀមរាបបានចុះបង្ក្រាបករណីដឹកជញ្ជូនរក្សាទុកសន្និផលព្រៃឈើដោយគ្មានការអនុញ្ញាតនៅចំណុចស្រុកពួកនិងស្រុកអង្គរធំរបស់ខេត្តសៀមរាបចាប់ពីថ្ងៃទី៥ដល់ថ្ងៃទី៨ ខែមិថុនាឆ្នាំ២០១៥និងដកហូតបានឈើក្រញួងនិងបេងចំនួនជាង២០០០គីទ្បូក្រាម ហើយពញ្ជូនមកកាន់ទីបញ្ជាការកងរាជងាវុធហត្ថខេត្តដើម្បីធ្វើការប្រគល់ជូនរដ្ឋបាលព្រៃឈើ។លោកវរសេនីយឯក ស្រីយូរ៉ា មេបញ្ជាការ រង ទទួលបន្ទុកយុតិ្តធម៏បានប្រាប់នាក់កាសែតយើងថាការចុះបង្ក្រាបបទល្មើសឈើក្រញួងដែលសម្របសម្រួលដោយព្រះរាជអាជ្ញារងនេះបានចុះប្រតិបត្តការ៣ថ្ងៃជាប់គ្នា ហើយចែកចេញជាពីរមួយនៅស្រុកអង្គរធំពីរនៅស្រុកពួកដោយកំលាំងកងរាជអាវុធហត្ថខេត្តសៀមរាប បានសហការណ៏ជាមួយមូលដ្ឋានកងរាជអាវុធហត្ថស្រុកអង្គរធំនិងមូលដ្ឋានកងរាជអាវុធហត្ថស្រុកពួក ទើបកំលាំងរបស់លោកធ្វើការបង្ក្រាបបានជាបន្តបន្ទាប់។ លោកបានបន្តទៀតថានៅក្នុងថ្ងៃទី៥ខែមិថុនាឆ្នាំ២០១៥ កំលាំងរបស់
លោកបានបង្ក្រាបបទល្មើឈើក្រញួងនៅក្នុងភូមិផ្លុង ឃុំលាងដៃ ស្រុកអង្គរធំ ដកហូតបានឈើក្រញួងចំនួន២១ដុំ ស្មើនិង 0.99 ម៉ែត្រគីប និងឃាត់ រថយន្តម៉ាកហ្វីហិនដាយចំណុះមួយតោនពណ៏ខៀវ ពាក់ផ្លាកលេខពោធិសាត់ ២អេ ០២៦២ មួយគឿង ។លោកវរសេនីយឯក ស្រីយូរ៉ា មេបញ្ជាការ រង ទទួលបន្ទុកយុតិ្តធម៏ បានបន្តទៀតថា ហើយនៅថ្ងៃទី៧ ខែមិថុនា កំលាំងសមត្ថកិច្ចរបស់លោកបានបន្តធ្វើការករណី១ទៀតនៅក្នុងភូមិ សសរស្តម្ភ ឃុំ សសរស្តម្ភ ស្រុកពួក ដកហូតបានឈើក្រញួងចំនួន១៩២២ គីទ្បូក្រាម ឈើបេងចំនួន១៦ដុំ ព្រមទាំងគល់បេងចំនួន២គល់និងដកហូតរថយន្តដែលមធ្យបាយដកបទល្មើសម៉ាកឆ្លាមសេរី២០០០ពណ៏ប្រផេះពាក់ផ្លាកលេខសៀមរាប ២អា ៧១៧៩មួយគឿង លុះដល់ថ្ងៃទី៨ខែដ៏សមត្ថកិច្ចបន្តធ្វើការបង្ក្រាបបទល្មើសឈើក្រញួងនៅចំណុចភូមិស្វាយ ឃុំសសរស្តម្ភ បានដកហូតបានឈើក្រញួងចំនួន២៩ដុំ ស្មើនិង ១៥០ គីទ្បូក្រាម និងដកហូតរថយន្តឆ្លាបបានមួយគឿងទៀតផងដែរ។បច្ចុប្បន្នឈើក្រញួងហើយនិងរថយន្តដែលជាមធ្យបាយដឹកបទល្មើសត្រូវបានកំលាំងកងរាជអាវុធហត្ថខេត្តធ្វើការប្រគល់ទៅអោយខាងរដ្ឋបាលព្រៃឈើខេត្តទទួលយកទៅរក្សាទុកដើម្បីចាត់ការទៅតាមច្បាប់រដ្ឋបាលព្រៃឈើនៅព្រឹកថ្ងៃទី៩ ខែមិថុនា ឆ្នាំ២០១៥នេះហើយដែរ។ប៊ុន វាសនា
