ប៊ុនរិទ្ធី កំពង់ធំ=កាលពីព្រឹកថ្ងៃទី៩ ខែមិថុនា ឆ្នាំ ២០១៥ វេលាម៉ោង ៩និង៥នាទី កងរាជអាវុធហត្ថកំពង់ធំស្នាក់ការសន្ដិសុខ៦០១ បានចុះបង្ក្រាប់មុខសញ្ញាចោរប្លន់បានចោរចំនួន៣នាក់ ការចុះបង្ក្រាប់នេះដឹកនាំដោយ វីរះសេនីយ៍ត្រី សួសសុវណ្ណា និង កំលាំង
កងរាជអាវុធហត្ថស្នាក់ការសន្ដិសុខ៦០១ចំនួន៨នាក់ ដោយមធ្យោបាយរថយន្ដ២គ្រឿង និងម៉ូតូ២គ្រឿង អាវុធ អាការ ២ដើម ចេញស្ទាក់មុខសញ្ញាប្លន់ប្រដាប់អាវុធត្រង់ចំនុច ភូមិជ័យជំនះ ឃុំ កកោះ ស្រុកសន្ទុក ខេត្តកំពង់ធំ ។
ក្នុងហេតុការនេះ បានឃាតខ្លួន ជនសង្ស័យបាន៣នាក់ ទី១ មានឈ្មោះ យ៉ាត់ ណាវីន ហៅ វង់វី ភេទប្រុស អាយុ ៣៣ឆ្នាំមុខរបរ មិនពិតប្រាកដ មានលំនៅដ្ឋាននៅភូមិ អូរតាសុខ ឃុំពេជចិន្ដា ស្រុកភ្នំព្រឹក ខេត្តបាត់ដំបង ទី២ មានឈ្មោះ រឹត ឆែម ភេទប្រុស អាយុ ៤៧ឆ្នាំ មុខរបរមិនពិតប្រាកដ មានលំនៅដ្ឋាន នៅភូមិបល្ល័ង្ក ឃុំបល្ល័ង្ក ស្រុកបារាយ៍ ខេត្តកំពង់ធំ និងទី៣ ឈ្មោះ ផាន់ដារ៉ា ភេទប្រុសអាយុ២៧ឆ្នាំ មុខរបរមិនពិតប្រាកដ មានលំនៅដ្ឋាន នៅភូមិ ដើមជ្រៃ ឃុំរការកោង ស្រុកមុខកំពូល ខេត្តកណ្ដាល ទទឹងនិងនោះបានដកហូតបានអាវុធ ខ្លីម៉ាក ROLO ៦អ៊ីង លេខ៧៤៨១ មានគ្រាប់៤គ្រាប់ ម៉ូតូសង ១២៥ ២គ្រឿង ទូស័ព្ទដៃ៣ គ្រឿង កូនសោរខ្សៀរលេខ ១០ ចំនួន១ ថ្នាំបំពុលសត្វ ១ ថង់ហែករួច ចំណីជាសាច់លាយថ្នាំពុលរួចចំនួន ៦ដុំ ទំងន់ ១,៤គីឡូក្រាម វត្ថុតាំងនិងជនសង្ស័យត្រូវបានស្នាក់ការ៦០១កំពង់ធំ សហការណ៍ជាមួយនិង
មន្ទីរស្រាវជ្រាវនិងយុត្តិធម៍កសាងសំនុំរឿង បញ្ចូន ទៅទីស្នាការកងរាជអាវុធហត្ថ ខេត្តកំពង់ធំ រួចបញ្ចូនបន្ដទៅប្រព័ន្ធតុលាការ សាលាដំបូងខេត្តកំពង់ធំដើម្បីចាត់វិធានការតាមច្បាប់។
លោកវីរះសេនីយ៍ត្រី សួស សុវណ្ណា បានមានប្រសាសន៍ថា ក្នុងទិសដៅខាងមុខ យើងមានគោលចំហតែមួយគឺបង្កា និងបង្គ្រាប់អោយបានរាល់បទល្មើសទាំងឡាយដែលខុសច្បាប់ ហើយដែលកើតមាននៅតំបន់យើងឈរជើង ជាក់ស្ដែងគឺកំលាំងរបស់យើងបានចេញដើរល្បាតក៏ប្រទះករណីចោរប្លន់ ប្រដាប់អាវុធ ៣នាក់រួមនិងវត្ថុតាងមួយចំនួន ដែលត្រូវបានបង្ក្រាប់នៅថ្ងៃទី៩ ខែមិថុនា ឆ្នាំ២០១៥នេះ ហើយក្នុងនោះដែរយើងក៏បានគោរពតាមបទបញ្ចារបស់ អែកឧត្ត ឧត្តម សេនី សៅ សុខា មេបញ្ចាការកងរាជអាវុធហត្ថលើផ្ទៃប្រទេស ក៏ដូចជាបទបញ្ចារបស់ ឧត្តមសេនីមេបញ្ចាការកងរាជអាវុធហត្ថខេត្តកំពង់ធំដែរ៕ ប៊ុន រិទ្ធី
