ខេត្តបន្ទាយមានជ័យ
លោកហង្សសីុផាតំណាងឲ្យលោកកែគីមយ៉ានប្រធានក្រុមការងារថ្នាក់ជាតិបានដឹកនាំក្រុមការងារនាំយកស័ង្កសី ចំនួន៣២៥សន្លឹកទៅប្រគល់ជូនលោកគ្រូ អ្នកគ្រូ និងប្រជាពលរដ្ឋ នៅស្រុកថ្មពួក ដើម្បីយកទៅប្រកដំបូល ឡើងវិញ សម្រាប់ឲ្យកូនសិស្ស បានចូលរៀន បន្ទាប់ពីអាគារសិក្សា រងការខូចខាតដោយសារខ្យល់កន្ត្រាក់នាពេលកន្លងទៅនៅល្ងាចថ្ងៃទី១០ខែមិថុនាឆ្នាំ២០១៥។ក្រុមការងារចុះទៅពិនិត្យស្ថានភាពសាលាដែលរងគ្រោះដោយសារ គ្រោះថ្នាក់ធម្មជាតិមួយនេះដឹកនាំដោយលោកហង្ស ស៊ីផាតំណាងរបស់លោកឧបនាយករដ្ឋមន្ត្រី កែ គឹមយ៉ាន លោក លី សារី ប្រធានមន្ទីរដែនដី និងនគរូបនីយកម្មខេត្ត លោកឧត្តមសេនីយ៍ ត្រី អាត់ ខែម ស្នងការនគរបាលខេត្តបន្ទាយមានជ័យ និងថ្នាក់ដឹកនាំ មួយចំនួនទៀត។លោកហង្សសីុផាបានថ្លែងឲ្យដឹងថា ក្រោយទទួលបានព័ត៌មាននៃគ្រោះធម្មជាតិរហូតបំផ្លាញសាលារៀនមួយខ្នងនោះដែលធ្វើឲ្យបើងដំបូលដែលមិនអាចឲ្យកូនសិស្សរៀនបន្តទៀតបាននោះលោកឧបនាយករដ្ឋមន្ត្រីកែគឹមយ៉ាន បានចាត់ឲ្យឧកញ៉ា ហង្សស៊ីផានាំយកស័ង្កសីទៅប្រកជាបន្ទាន់ ទើបក្រុមការងារនៅថ្ងៃនេះនាំយកមកប្រគល់ជូនថ្នាក់ដឹកនាំសាលានិងអាជ្ញាធរមូលដ្ឋានតែម្តង។ក្រោយបញ្ចប់ការប្រគល់ស័ង្កសី ជូនថ្នាក់ដឹកនាំសាលាខាងលើរួចមកក្រុមការងារបានបន្តដំណើរចុះទៅពិនិត្យមើលសាសារៀនមួយខ្នងដែលមាន៥បន្ទប់ជាអំណោយដ៏ថ្លៃថ្លារបស់សម្តេចតេជោហ៊ុនសែន ដែលរងការខូចខាតផងដែរដោយសារខ្យល់កន្ត្រាក់ហើយលោកឧបនាយករដ្ឋមន្ត្រីកែគឹមយ៉ានបានចាត់ចែងឲ្យក្រុមការងារនាំយកស័ង្កសីទៅប្រកហើយការងារនេះត្រូវបានលោក លី សារី ជាអ្នកដឹកនាំនៃការជួសជុលដោយត្រូវការប្រកឆ្អឹងដែកផងដែរ។ បន្ទាប់មកក្រុមការងារទាំងអស់ត្រូវបានបន្តដំណើរចុះទៅពិនិត្យមើលប្រាសាទមួយកន្លែងនៅតំបន់នោះដោយរៀបចំសាងសង់ទីសក្ការៈបូជាដែលមានទំហំ៦គុណ៨ម៉ែត្រមួយនេះទុកជូនដល់ប្រជាពលរដ្ឋសម្រាប់គោរពបូជា។សម្រាប់ការជួយធ្វើការសាងសង់បូករួមទាំងការក្រាលកូរ៉ូឡាសម្រាប់ធ្វើជាសួនច្បារផងនោះសម្រាប់ទុកហាត់ប្រាណគឺបានការជួយឧបត្ថម្ភពីលោកកែគីមយ៉ាន។ប្រជាពលរដ្ឋអាជ្ញាធរមូលដ្ឋាននិងលោកគ្រូ អ្នកគ្រូសូមថ្លែងអំណរគុណដល់សម្តេចតេជោហ៊ុន សែននិងលោកឧបនាយករដ្ឋមន្ត្រីកែគីមយ៉ានព្រមទាំងក្រុមការងារទាំងអស់ដែលបានជួយអន្តរាគមន៍ភ្លាមៗជូនពួកគាត់ហើយអាចឲ្យក្មេងៗអាចរៀនសូត្រឡើងវិញផងដែរ៕