បន្ទាយមានជ័យះអាវុធហត្តខេត្តបន្ទាយមានជ័យបានធ្វើការឃាត់ខ្លួនបុរសជាប្តីម្នាក់តាមពាក្យបណ្តឹងប្រពន្ធដែលខ្លួនរងគ្រោះរបួសពេញខ្លួនដោយសារតែប្តីសុំលុយទៅលេងបៀពីរមីុនរៀលមិនអោយ។
លោក ព្រហ្ម ផេងប្រធានមន្ទីរប្រឆាំងបទល្មើសព្រហ្មទណ្ឌនៃអាវុធហត្តខេត្តបន្ទាយមានជ័យបានអោយដឹងថាការដែលសមត្ថកិច្ចប៉េអឹមក្រុងប៉ោយប៉ែតឃាត់ខ្លួននុរសជាប្តីឈ្មោះ ស្រ៊ុម វពុធ អាយុ24ឆ្នាំកាលពីថ្ងៃទី10 ខែ មិថុនា ឆ្នាំ 2015កន្លងទៅនេះគឺយោងតាមពាក្សបណ្ដឹងរបស់ជនរង្គ្រោះឈ្មោះ ផន សាន្ត ជាប្រពន្ធ អាយុ 35ឆ្នាំ រស់នៅភូមិ សាមគ្គីមានជ័យ សង្កាត់និងក្រុងប៉ោយប៉ែត ខេត្តបន្ទាយមានជ័យ ពីករណីអំពើហិង្សាដែលប្រព្រឹត្តកាលពីថ្ងៃទី 9 មិថុនា ឆ្នាំ 2015 វេលាម៉ោង21 និង00នាទី នៅនឹងផ្ទះខណះគាត់កំពុងដេកនៅក្នុងផ្ទះ ប្ដីរបស់គាត់បានមកដល់ផ្ទះហើយហៅគាត់សុំលុយចំនួន2ម៉ឺនរៀលយកទៅលេងបៀរ តែគាត់មិនព្រមអោយពេលនោះជនសង្ស័យបានយកដងអំបោសវាយទៅលើដងខ្លួនរបស់គាត់មួយដងអំបោស បន្ទាប់មកជនសង្ស័យបានយកធុងជ័រសំរាប់ដងទឹកវាយផ្ទប់ទៅលើមុខរបស់គាត់មួយធុងទឹកបណ្ដាលអោយបែកឈាមរងរបួសធ្ងន់។ជនរង្គ្រោះបានបន្តទៀតថា ចាប់តាំងពីគាត់រៀបការជាមួយប្ដីរបស់គាត់មកប្ដីរបស់គាត់តែងតែប្រើអំពើហិង្សាវាយតប់មកលើរូបគាត់ជាច្រើនលើកច្រើនសារមកហើយ។ជនសង្ស័យបានឆ្លើយសារភាពថា រូបគេពិតជាបានប្រើប្រាស់ដងអំបោសនិងធុងជ័រវាយទៅលើជនរង្គ្រោះជាប្រពន្ធបណ្ដាលអោយរងរបួសពិតប្រាកដមែន។បច្ចុប្បន្ន សមត្ថកិច្ចកំពុងកសាងសំណុំរឿងបញ្ជូនទៅសាលាដំបូងខេត្តចាត់ការតាមនិតិវិច្បាប់៕ ប៊ុន វាសនា