បន្ទាយមានជ័យ : ជនសង្ស័យ៥នាក់ត្រូវបាន សមត្ថកិច្ចប៉ូលិសប្រឆាំងបទល្មើសគ្រឿងញៀននៃស្នងការនគបាលខេត្តបន្ទាយមានជ័យ ធ្វើការឃាត់ខ្លួនពីបទជួញដូរ និងប្រើប្រាស់គ្រឿងញៀនខុសច្បាប់ ព្រមទាំងរក្សាទុកអាវុធខុសច្បាប់ កាលពីថ្ងៃទី០៣ កក្កដា ២០១៥ ត្រង់ចំនុច ភូមិសុភី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ។
លោក ធិន សិុនដេត នាយកាិយាល័យប្រឆាំងបទល្មើសគ្រឿងញៀននៃស្នងការនគបាលខេត្តបន្ទាយមានជ័យ បានអោយដឹងថា ដោយមានការបញ្ជាផ្ទាល់ពីសំណាក់លោក ចាប សុផារិទ្ធ ស្នងការរងប្រឆាំងបទល្មើស និងដោយអនុវត្តតាមផែនការតឹងរឹងលើការបង្ក្រាបបទល្មើសរបស់លោក អាត់ ខែម ស្នងការនគរបាលខេត្ត កំលាំរបស់លោកបានធ្វើការស្រាវជ្រាវរហូតឈានដល់ការឃាត់ខ្លួនជនសង្ស័យ៥នាក់ខាងលើរួមមាន ១.ឈ្មោះ សយ ពិសិដ្ឋ ភេទប្រុស អាយុ ១៧ឆ្នាំ ២.ឈ្មោះ ឆេង គឹមលាំង ភេទប្រុស អាយុ ១៦ឆ្នាំ អ្នកទាំងពីរនេះត្រូវចោតពីបទជួញដូរគ្រឿងញៀន និងអ្នកប្រើប្រាស់៣នាក់ទៀតមាន ១.ឈ្មោះ សាម ចាន់រ៉ា ភេទប្រុស អាយុ ១៧ឆ្នាំ ២.ឈ្មោះ លីន ម៉េងលៀង ភេទប្រុស អាយុ ១៧ឆ្នាំ ៣.ឈ្មោះ អឹុង រតនា ភេទប្រុស អាយុ ២០ឆ្នាំ ។ ក្នុងការបង្ក្រាបនេះសមត្ថកិច្ចបានដកហូតវត្ថុតាងរួមមាន ថ្នាំញៀនប្រភេទមេតំហ្វេតាមីនទឹកកកចំនួន ៣ កូនថង់ ស្មើរនិង០,៧ ក្រាម ទូរស័ព្ទចំនួន ៤ គ្រឿង អាវុុធវែងAK47 គ្មានបង់និងគ្រាប់១ដើម កាំបិត១ រួមនិងសម្ភារ:សម្រាប់ប្រើប្រាស់គ្រឿងញៀនមួយចំនួន ។
លោកបន្តថា បច្ចុប្បន្នជនទាំង៥នាក់ត្រូវបានកំលាំងជំនាញធ្វើការសាកសួរ និងសាងសំនុំរឿងដើម្បីបញ្ជូនទៅតុលាការចាត់ការតាមនីតិវិធី ដោយឡែកចំពោះ អាវុុធវែងAK47 គ្មានបង់និងគ្រាប់ នោះ សមត្ថកិច្ចនឹងធ្វើការស្រាវជ្រាវបន្ត ៕