ខេត្តសៀមរាប៖មនុស្សប្រុសស្រីចំនួន៧នាក់ ត្រូវបានកងរាជអាវុធហត្ថប្រឆាំងគ្រឿងញៀនខេត្ត ចាប់ខ្លួននៅកន្លែងផ្សេងគ្នាជាបន្ដបន្ទាប់ ខណៈពួកគេកំពុងចែកចាយតាមផ្លូវសាធារណៈ បញ្ជូនទៅតុលាការខេត្ដ ដើម្បីចាត់វិធានការតាមផ្លូវច្បាប់ ដោយសង្ស័យជួញដូរ និងប្រើប្រាស់
គ្រឿងញៀន ។
ប្រតិបត្ដិការនេះ ធ្វើឡើងនៅថ្ងៃទី៦ និងទី៧ខែកក្កដាឆ្នាំ២០១៥ នៅក្នុងក្រុងសៀមរាប ដែលដឹកនាំផ្ទាល់ដោយលោកវរសេនីយឯកស្រីយូរ៉ា និងលោក សំ រិទ្ធសុខុន ព្រះរាជអាជ្ញារង អមសាលាដំបូងខេត្ដ ។
លោកវរសេនីយឯក ស្រី យូរ៉ា មេបញ្ជាការរងកងរាជអាវុធហត្ថខេត្តបានឲ្យដឹងថា ជនសង្ស័យប្រុសស្រីចំនួន៧នាក់មានៈទី១/ឈ្មោះថន សុភា ភេទប្រុសអាយុ២៧ឆ្នាំមុខរបរកូនកាំបិតនៅភោជនីដ្ឋានមហានគរ(ជួញដូរ)មានស្រុកកំណើតនៅភូមិថ្នល់បែកឃុំថ្នល់បែក ស្រុកចំការលើ ខេត្តកំពង់ចាម បច្ចបុប្បន្នស្នាក់នៅក្នុងហាងមហានគរទី២/ឈ្មោះ ឈឹម វិចិត្តភេទប្រុសអាយុ១៧ឆ្នាំមុខរបរសិស្សថ្នាក់ទី១០នៃវិទ្យាល័យ១០មករា (ជួញដូរ)ស្រុកកំណើតភ្នំពេញ បច្ចុប្បន្នស្នាក់នៅភូមិស្វាយដង្គំ សង្កាត់ស្វាយដង្គំទី៣/ឈ្មោះយ៉ែម សាម៉ន ភេទប្រុសអាយុ២៧ឆ្នាំមុខរបរអ្នកតុបតែងផ្ទះ(ជួញដូរ)ភូមិកោះប៉ែន ឃុំកោះប៉ែន ស្រុកកំពង់សៀម ខេត្តកំពង់ចាម បច្ចុប្បន្នស្នាក់នៅភូមិសាលាកន្សែង សង្កាត់ស្វាយដង្គំទី៤/ឈ្មោះប្រាង្គ សុជាតាភេទស្រីអាយុ១៧ឆ្នាំមុខរបរនៅផ្ទះ(ប្រើប្រាស់)ជាម្ចាស់ផ្ទះ រស់នៅភូមិតាភុល សង្កាត់ស្វាយដង្គំទី៥/ឈ្មោះប្រាង្គ សុភក្ត្រាភេទប្រុសអាយុ១៩ឆ្នាំមុខរបររត់ម៉ូតូឌុប(ជួញដូរ)រស់នៅភូមិតាភុល សង្កាត់ស្វាយដង្គំ ទី៦/ឈ្មោះ សួន សុធាភេទប្រុសអាយុ៣០ឆ្នាំមុខរបរបុគ្គលិកភោជនីយដ្ឋានហាងបារាំងស្នាក់នៅភូមិស្វាយដង្គំ សង្ក្រាត់ស្វាយដង្គំ(ប្រើប្រាស់)ឃាត់ខ្លួនព្រឹកថ្ងៃទី០៧ខែកក្កដា និងទី៧/ឈ្មោះ ឌឿ រស្មី ភេទប្រុសអាយុ៣១ឆ្នាំមុខរបរមិនពិត (ប្រើប្រាស់)រស់នៅភូមិសាលាកន្សែង សង្កាត់ស្វាយដង្គំ(ឃាត់ខ្លួនព្រឹកថ្ងៃទី០៧ខែកក្កដា ។លោកបានបន្តថា ក្រោយពីចុះបង្ក្រាបរួចមក កម្លាំងជំនាញបាននាំយកមកសួរនៅការិយាល័យប្រឆាំងគ្រឿងញៀន នៃកងរាជអាវុធហត្ថខេត្ត និងបានដកហូតវត្ថុតាងរួមមានៈម្ស៉ៅគ្រើមពណ៏សថ្លាចំនួន៥តូច១ធំកញ្ចប់ទម្ងន់២,៩៩ក្រាម, ទូរសព្ទ័ដៃ៥គ្រឿង និងឧបករណ៏ប្រើប្រាស់គ្រឿងញៀនមួយចំនួនធំ។បច្ចុប្បន្ន ជនសង្ស័យប្រុសស្រីចំនួន៧នាក់នឹងវត្ថុតាងកម្លាំងការិយាល័យប្រឆាំងគ្រឿងញៀននៃកងរាជអាវុធហត្ថខេត្តបានកសាងសំណុំរឿនបញ្ជូនទៅតុលាការ នៅរសៀលម៉ោង២ថ្ងៃទី៧ខែកក្កដាឆ្នាំ២០១៥ដើម្បីចាត់ការតាមនិតិវិធីច្បាប់ ៕
ដោយ ឧត្តម
